Timɔtee 2, 2:26 - Bibeli do fee

²⁶ nɔ laakai nŋa ku baa, a gbã hai si taai Seetam, nŋu iyi wa mu ŋa wo nɔ í jɔ̀ à waa ce idɔɔbiɛ.

Timɔtee 2, 2:26 Iomraidhean Croise

Zɔɔbu 1:12

Ŋɔi Aɔ̃ Lafɛ̃ɛ í sɔ̃ Seetam í ni, andi mii iyi Zɔɔbu í nɛ fei wee í wa awɔɛ. Koo i ceaa bɛi ì bi, amma maà na i lesi nŋu takaɛ awɔ. Ŋɔi Seetam í tɛkɛɛ hai bi Aɔ̃ Lafɛ̃ɛ.

Zɔɔbu 2:6

Nɔ Aɔ̃ Lafɛ̃ɛ í sɔ̃ Seetam í ni, nŋu wee si awɔɛ. Koo i ceaa bɛi ì bi, amma maà na i lu hundeɛ.

Iri ku kɔ̃ 124:7

À ba à fita hai si taa nŋa bɛi yɛi ŋa à ya fita hai si taa. Taau í ga, nɔ à ba à fita si.

Ezai 28:13

Bi tu ŋa, idei Aɔ̃ Lafɛ̃ɛ á jɛi, wooda do wooda. Asaiya do asaiya. Keeke ihɛ̃, keeke ihɔ̃. Iri ku kpaɛ, aa cuku kaiyai nɔ bũu nŋa ŋa a cɛ. Aa mu ŋai do taa a nɛò ŋa.

Ezai 53:12

Na ŋɔi í jɔ̀ an dasiɛ si inɔi inɛ nla ŋa. Á ce ikpɛ̃i mii ŋa iyi à ya baaò wa hai si igũi do inɛ ŋa iyi à re do gbugbã ŋa, domi í na araɛ hee í koo í kuò. Í jɔ̀ à dasiɛ si inɔi woo ce laalɔ ŋa, nɔ í faaba ilu dulum nkpɔ nkpɔ.

Luku 11:21

Bii ilu gbugbã jiida gɔ í nɛ jĩnɛi igũ nɔ wa degbe kpasɛ̃ɛ, amaniɛ á wɛɛi si laakai.

Luku 15:17

Iyi laakaiɛ í na í baa nɔ í ni, amaacɛi baam ŋa fei à nɛ ijɛ wa kɔ̃ nŋai, nɔ amu wee ǹ wa n ku do ari ihɛ̃.

Luku 5:10

Bɛɛbɛ mɔi njo í mu kpaasi minjiɛ ŋa, Zaaki do Zãa amai Zebedee ŋau. Amma Jesu í sɔ̃ Simɔɔ í ni, maà jɔ̀ njo ku muɛ. Bɛbɛi inɛ ŋa iyi aa toom ŋai aa ya maa dɛdɛ.

Laabaau jiida iyi Zãa í kɔ 13:2

Ŋɔi Jesu do mɔcɔɛ ŋa à waa jɛ ajɔ. Wee Seetam í tale si Zudasi Isikariɔti amai Simɔɔu ku zambaɛ tã.

Laabaau jiida iyi Zãa í kɔ 13:27

Hai waati iyi Zudasi í gba pɛ̃ɛu gbakã Seetam í lɔ siɛi. Ŋɔi Jesu í sɔ̃ɔ í ni, mii iyi aa ce, coo do njuma.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Woo bɛ ŋa 5:3

Iyi í na ŋa fiau ŋɔi Piɛɛ í beeɛ í ni, Ananiasi, bɛirei í ce ì jɔ̀ Seetam í lɔ si idɔɛ hee ì waa sɔa Hundei Ilaaɔ̃ ibo nɔ ì jɔ̀ bubui fiai ikou ndɛɛ.

Kɔrɛnti 1, 15:34

I jɔ̀ laakai jiida nŋɛ ku nyi wa si bɛi á sĩa, nɔ i jɔ̀ kookoosui dulum. Inɛ gɔ nŋɛ ŋa a kù mà Ilaaɔ̃ do ntɔ. Ǹ wa n fɔ iyi bɛi ku ba anyɔ ku mu ŋɛ.

Kɔrɛnti 2, 2:11

ku ba Seetam ku maà zamba wa. Ntɔi, à mà sãa sãa iyi wa bi ku ce.

Efɛɛzu 5:14

Nɔ mii iyi í fita gbugbãa fei í ya mái. Na ŋɔi í ce à ni, awɔ iyi ì waa sĩ njoo, jĩ. Dede hai si inɔi iku ŋa, nɔ Kirisi ku máɛ inya.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Timɔtee 1, 1:20

Si inɔ nŋai Himenee do Alesandu à wa, nɔ ǹ so ŋa ǹ daa Seetam si awɔ ku ba a mà iyi kù sĩa a maa fɔ laalɔi Ilaaɔ̃.

Timɔtee 1, 3:7

Si anyii nŋu, í sĩa hai dasi Jesu naanɛ ŋa a máa jɛ sɛɛda jiidaɛ ku ba a maà dondaɛ, nɔ ku maà na ku dasi cɛkũm dii Seetam.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.