Timɔtee 2, 2:24 - Bibeli do fee

²⁴ Nɔ wee kù sĩa woo ce icɛi Lafɛ̃ɛ ku maa ja, amma í sĩa ku bi inɛ fei, nɔ ku jɛ inɛ iyi á yɔkɔ ku kɔ si cio nɔ ku ya temua.

Timɔtee 2, 2:24 Iomraidhean Croise

Bomma 2, 24:6

Ŋɔi ilaaluu í kpe Yehoyada woo wee nlau nɔ í sɔ̃ɔ í ni, bɛirei í ce i kù tilasi inɛi Levii ŋau a naaɛ fiai lɛmpoo nŋa ŋa wa hai Zudaa do Zeruzalɛmu si bɛi Moizi woo ce icɛi Aɔ̃ Lafɛ̃ɛ do inɛi Izirɛli ŋau à jilɔɔ na icɛi kpasɛ̃i Aɔ̃ Lafɛ̃ɛu.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Daniɛli 6:20

Hai amɛɛjuumá daadaakɔ gbakã, ilaalu í dede. Nɔ wa ce saasa ku ba ku bɔ bi isa bii muusu nla ŋa à wau.

Matie 12:19

Kaa ce kakɔɔ do inɛ gɔ hee ku la siɛ. Bɛɛbɛ mɔi kaa kosi inɛ ŋa ija si inɔ ilu pai.

Laabaau jiida iyi Zãa í kɔ 6:52

Iyi Jesu í fɔ bɛɛbɛ ŋɔi Zuifu ŋa à ce si kakɔɔ jiida à waa ni, bɛirei nŋu á ce ku na wa iŋai araɛ ka ŋɔ.

Woo bɛ ŋa 15:2

Iyi Pɔlu do Baanabasi à gbɔ bɛɛbɛ ŋɔi à ba ŋa kakɔɔ ku ce jiida jiida si ideu. Ŋɔi woo dasi Jesu naanɛ ŋau à cica Pɔlu do Baanabasi do inɛ gɔ ŋa hai ilui Antiɔsi bɛ à bɛ ŋa Zeruzalɛmu bi woo bɛ ŋau do inɛ ngbo ŋau na irii ideu.

Woo bɛ ŋa 23:9

Nɔ wakata í dede si anini nŋa à waa jã do gbugbã, nɔ Farisi woo kɔ inɛ ŋa si wooda gɔ ŋa à ni, a kù yɛ taalei mɔkɔu. Yooi í mà mà amaleka gɔi walakɔ hunde mmu gɔi í sɔ̃ɔ ide.

Woo bɛ ŋa 7:26

Iju kumáɛ ŋɔi Moizi í yɛ inɛi Izirɛli minji gɔ ŋa iyi à waa ja. Ŋɔi wa bi ku la ŋa, nɔ í ni, kpaasim ŋa, iŋɛ iyi ì jɛ nyaanze akã ŋa, na mii í ce ì waa wahala njɛ bɛɛbɛ ŋa.

Kɔrɛnti 2, 10:1

Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Kɔrɛnti 2, 10:4

Jĩnɛi igũ ŋa iyi à waa jabuò kù jɛ ti andunya, amma gbugbãi Ilaaɔ̃i iyi á jɔ̀ ka kɛkɛ bindi ŋa ka kpaò irii lasabui amanɛ

Kɔrɛnti 2, 6:4

Amma si kuce nwa fei à waa bi kuwɛɛ nwa ku nyisi iyi à jɛ woo ce icɛ jiidai Ilaaɔ̃ ŋa. À waa temua ntɔ ntɔ si wahala do si are do si ijuukpã.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Wooda ku kɔsi 34:5

Tengi bɛi Moizi woo ce icɛi Aɔ̃ Lafɛ̃ɛu í ku si ilɛi Moabu si bɛi Aɔ̃ Lafɛ̃ɛ í tako í fɔɔ tã wo.

Filipi 2:14

Mii iyi ì waa ce fei i coo ŋa kugbagba ku maà wa si walakɔ kakɔɔ,

Filipi 2:3

I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Kolosee 3:13

I ya yɔkɔò njɛ temua ŋa nɔ i ya kpa idei kurarai njɛ ŋa bii ide gɔ í lɔ si anini nŋɛ. Si bɛi Kirisi í kpa idei dulum du ŋɛ, iŋɛ mɔ i ya cea njɛ bɛɛbɛ ŋa.

Tɛsalonika 1, 2:7

baa bii aa ka yɔkɔ ka nyisi ŋɛ gbugbã nwa wo si na iyi í jɔ̀ à jɛ woo bɛi Kirisi ŋa. Amma à ce icɛ do daa didɔ̃ si anini nŋɛ bɛi iyei ama í ya ce do amaɛ ŋa.

Timɔtee 1, 6:11

Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 1:9

Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Titee 3:2

Sɔ̃ ŋa a maà ya fɔ laalɔi inɛ gɔ, nɔ a maà ya dɛ anui inɛ gɔ, amma a ya cea inɛ fei jiida nɔ a nyisi inɛ ŋa daa didɔ̃.

Zaaki 1:1

Amui Zaaki woo ce icɛi Ilaaɔ̃ do ti Lafɛ̃ɛ Jesu Kirisi. Ǹ ce dimii Zuifu maateeji ŋa iyi à fangaa si andunya fei fɔɔ.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Zaaki 4:2

Ì bi i nɛ ngɔgɔ iyi i kaa yɔkɔ i ba ŋa, ŋɔi í ce ì ya bi inɛ ku kpa ŋa. Ì waa ce kɔdɛɛi mii iyi i kaa ba ŋa, ì waa ce kakɔɔ do ija iŋɛ duusɔ̃ɔ. I kù nɛ mii iyi ì bi ŋa domi i ci ya tɔɔ Ilaaɔ̃ ŋa.

Zozue 1:1

Si anyii ikui Moizi woo ce icɛi Aɔ̃ Lafɛ̃ɛu, Aɔ̃ Lafɛ̃ɛ í sɔ̃ Zozue amai Nunu, nŋu iyi wa jɛ woo ce icɛi Moiziu í ni,

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.