Timɔtee 2, 2:20 - Bibeli do fee

²⁰ Si ile nla jɛɛ dimi ikã ikãi í ya wa bɛ. À ce gɔgɔ ŋa do wura, gɔgɔ ŋa mɔ do isɔ fũfũ. Inɛ nŋu ŋau bɛ ajɔi jingau nla ŋai à ya ceò icɛ. Amma gɔgɔ ŋa mɔ à wɛɛ má iyi à ce do amà, gɔgɔ ŋa mɔ kaalei, inɛ nŋu ŋa à ya maa ceò icɛi ajɔ fei.

Timɔtee 2, 2:20 Iomraidhean Croise

Ɛsidarasi 1:6

Kpaasi nŋa ŋa à mu nŋa jĩnɛ ŋa iyi à ce do isɔ fũfũ do wura, do mii jiida mmuɛ ŋa má dimi ikã ikã, do mɛɛmu ŋa hee do fia iyi í jɛ ti kpasɛ̃i Ilaaɔ̃u bɛ.

Ɛsidarasi 6:5

Nɔ jĩnɛi wura ŋa do isɔ fũfũ iyi ilaalu Nebukanɛsaa í so wa hai kpasɛ̃i Ilaaɔ̃ iyi í wa Zeruzalɛmu í baaò wa Babilɔniu, aa nyiò fei ndɛɛ kpasɛ̃i Ilaaɔ̃ bɛ, nɔ aa jilɛ aŋa feii si agbɛ nŋa.

Kufita 27:3

Nɔ aa ce bii ilúlu a maa nikãi, do mii ku ko ilúlu ŋa, do jɛɛ nantaa ŋa, do kaato cate cate ŋa, do bi ku busi ina nyɛnyɛ ŋa. Mii ŋau bɛ fei do isɔ nkpai aa coo.

Kukpata 4:2

Inɛi Siɔ̃ɔ ŋa à jɛ ilu bɛɛrɛ ŋa, aŋa iyi à waa wã bɛɛrɛ nŋa bɛi ti wura alala. Bɛirei í ce nsɛi, à waa doo ŋa bɛi cakai amà iyi woo ce caka í ce.

Daniɛli 5:2

Waati iyi atɛ̃u í na í lɔ siɛ, ŋɔi í na wooda í ni a naaò kɔɔfu ŋa iyi à ce do wura ŋau wa do iyi à ce do isɔ fũfũ ŋa iyi Nebukanɛsaa baaɛ í so wa hai Zeruzalɛmu hai inɔ kpasɛ̃i Ilaaɔ̃u. Í ni a so ŋa wai ku ba nŋu do akawe nlaɛ ŋau do aboɛ ŋa do aboɛ mmuɛ gɔ ŋa má a mɔò atɛ̃.

Laabaau jiida iyi Zãa í kɔ 8:49

Ŋɔi Jesu í jɛ nŋa í ni, n kù nɛ inɛi inɔɔko. Baam nii ǹ wa n saalu, amma iŋɛ i kù waa saalum ŋa.

Romu 9:20

Awɔ iyi ì waa fɔ bɛɛbɛ, yooi ì jɛ i bɛi i kakɔɔ Ilaaɔ̃. Caka á yɔkɔ ku bee woo ma ku ni, na mii í ce ì mam bɛ ihɛ̃?

Kɔrɛnti 1, 3:9

Ntɔ ntɔ awa à waa ce icɛi do Ilaaɔ̃ ajɔ, nɔ iŋɛ ì yɛ ŋai bɛi ikoi Ilaaɔ̃. Iŋɛi ì yɛ má ŋa bɛi ile iyi Ilaaɔ̃ wa ma.

Kɔrɛnti 2, 4:7

Amma awa iyi à nɛ amani nlau ihɛ̃, à yɛi bɛi cakai amà ku ba inɛ ŋa a mà iyi kulai gbugbãu ti Ilaaɔ̃i, kù jɛ ti awa taka nwa.

Efɛɛzu 2:22

Na anu akã nŋɛ do Kirisi, iŋɛ mɔ ì yɛi bɛi ileu, nɔ iŋɛò ŋa ì jɛò bi kuwai Hundei Ilaaɔ̃ ŋa.

Timɔtee 1, 3:15

ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.