Timɔtee 2, 2:2 - Bibeli do fee

² Iyi ì gbɔ ǹ wa n fɔ si wajui ilu sɛɛda nkpɔu, daa ilu naanɛ gɔ ŋa mɔ si awɔ, inɛ ŋa iyi aa yɔkɔ a kɔ inɛ gɔ ŋa mɔ si cio.

Timɔtee 2, 2:2 Iomraidhean Croise

Ɛsidarasi 7:10

Wee Ɛsidarasi í jɛ inɛ gɔ iyi í ce cioi woodai Ilaaɔ̃ dee dee nɔ wa ceò icɛ, nɔ wa kɔa inɛi Izirɛli ŋa si wooda ŋau.

Ɛsidarasi 7:25

Nɔ awɔ Ɛsidarasi, jilɛ woo kiiti ŋa do inɛ ngbo ŋa si bisii Ilaaɔ̃ iyi ì nɛ. Aŋai aa maa kiiti inɛ ŋa ikpa nunui alɛi idoi Efarata, inɛ ŋa iyi à mà woodai Ilaaɔ̃ Lafɛ̃ɛɛ. Inɛ ŋa mɔ iyi a ku màa i kɔ ŋa si.

Neemi 7:2

Ŋɔi ǹ jilɛ ifɔm Hanani í jɛ inɛ ngboi Zeruzalɛmu, nŋu do Hanania inɛ ngboi woo degbe ile ku nɛ gbugbãi iluu. Hananiau í jɛ ilu naanɛ í re inɛ nkpɔ nkpɔ nɔ í jɛ inɛ iyi wa jirima Ilaaɔ̃.

Iri ku kɔ̃ 101:6

Ijum á maa wai si inɛ ŋa iyi à jɛ ilu naanɛ ŋa si ilɛu, ku ba a maa wa kɔkɔm. Inɛ iyi wa nɛ si dee dee ku jɛ, lafɛ̃ɛi á jɛ woo ce icɛm.

Mɔnda ŋa 13:17

Woo bɛ hai nɛ naanɛ í ya dasi araɛ wahalai, amma woo bɛ ilu naanɛ í ya naaò inɔ didɔ̃ wai.

Zeremi 23:28

Si anyiɛ, ŋɔi Aɔ̃ Lafɛ̃ɛ í ni má, walii iyi í ce àla, ku ya ku sisia inɛ ŋa idei àlaɛ iyi í ce. Nɔ inɛ mɔ iyi ǹ ba ide ku fɔ, ku ya ku sisia inɛ ŋa idem dee dee. Amma i maà ya yɔgɛɛ fɔfɔ do ijui amaajɛ ŋa.

Kuwee 14:42

Si anyiɛ aa dɛ kuta mmuɛ mái a sãsi agbɛi kuta sinte ŋau nɔ a fɔ pɔkɔdɔ mmuɛ a teese a tɔɔkɔò ileu.

Malasi 2:7

Ntɔ ntɔ, icɛi woo wee ŋai í jɛ a kɔ inɛ ŋa si bɛi aa ce a mà amu Aɔ̃ Lafɛ̃ɛ. Bi tu ŋai inɛ ŋa à ya na a ce kubee si gãmɛi asaiya ŋa iyi à nɛ a too si, domi aŋai à jɛ amaabɛi amu Aɔ̃ Lafɛ̃ɛi lele do ilɛ.

Kuka 12:7

Amma ti Moizi woo ce icɛm, kù jɛ do yaase bɛɛbɛ. Si zamaau fei, nŋui ǹ wa n naanɛ.

Matie 13:52

Nɔ í sɔ̃ ŋa í ni, bɛɛbɛ mɔi, woo kɔ inɛ ŋa si wooda baa yooma fei iyi í mà idei bommai Ilaaɔ̃, í yɛi bɛi ilu kpasɛ̃ gɔ iyi wa fitaò mii titɔ̃ ŋa do mii nwo ŋa hai si bi ku jilɛ amaniɛ.

Matie 24:25

Na ŋɔi í jɔ̀ ǹ wa n sɔ̃ ŋɛ fei ndɛɛ do njuma.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Kɔrɛnti 1, 4:2

Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Kɔrɛnti 2, 2:14

Ka saabu Ilaaɔ̃, domi í mu nwa gbugbã ka jɛò igũ waati kãma fei si kpãai Kirisi. Wa ceò wa icɛ ku ba ku jɔ̀ inɛ ŋa a mà Kirisi, nɔ kumài Kirisiu ku fangaa bii fei bɛi inúnùi tuae í ya fangaa.

Kɔrɛnti 2, 3:5

Ntɔi, a kù to ara nwa ka ni à ce ngɔgɔ do ara nwa. Mii iyi à yɔkɔ à waa ce fei, hai bi Ilaaɔ̃i wa naa,

Kolosee 1:7

Epafaasi, woo ce icɛ baakɔɔ nwaui í kɔ nŋɛ si. Wa ce icɛ na aranfãani nŋɛ, nŋu iyi í jɛ ilu naanɛ woo ce icɛi Kirisi.

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 1, 1:18

Timɔtee amam, ide iyi ǹ wa n jilɛɛ wee si bɛi à ce waliiɛ wo na iriɛ. Jɔ̀ idei waliiu ku jɛ jĩnɛi igũɛ iyi aa maa jabuò i ceò igũ jiida.

Timɔtee 1, 4:14

Maà ti i ce atafii si amua iyi í wa siɛ, iyi Hundei Ilaaɔ̃ í muuɛ si waati iyi à ce walii na iriɛ nɔ inɛ ngboi igbɛi Jesu ŋa à leɛ awɔ si iri.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 1, 5:22

Maà ti i saasa i lea inɛ gɔ awɔ si iri ku ba i maà nɛ ikpɛ̃ si dulum dii inɛ gɔ. Fa araɛ hai si dulum.

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Timɔtee 2, 3:10

Amma awɔ ì mà sãa sãa yaase bɛi ǹ kɔ inɛ ŋa si cio do yaase bɛi ǹ ce isɛɛnɛm bi tu ŋa, do mii ŋa iyi ǹ dasi idɔ n ce, do naanɛ ku dasim, do suurum, do kubim, do temuam.

Timɔtee 2, 3:14

Amma awɔ, leekĩ dim dim si cio iyi à kɔɛ si iyi ì dasi naanɛ, domi ì mà inɛ ŋa iyi à kɔɛ si.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Samuɛli 1, 2:35

Si anyiɛ nŋu á cica woo wee ilu naanɛ iyi á ce bɛi nŋu í bi. Nŋui á jɛ woo weei ilaalu iyi nŋu á cica hee do ajɔ fei nɔ nŋu á jɔ̀ tɔkuɛ ŋa a na a jɛ woo wee ŋa hee do ajɔ fei.