Timɔtee 2, 2:19 - Bibeli do fee

¹⁹ Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Timɔtee 2, 2:19 Iomraidhean Croise

Zɔɔbu 28:28

Si anyiɛ, nɔ í sɔ̃ amanɛ ŋa í ni, amu Aɔ̃ Lafɛ̃ɛ ku jirimai í jɛ laakai, nɔ laalɔ ku saai í jɛ bisi.

Iri ku kɔ̃ 1:6

Ntɔi Aɔ̃ Lafɛ̃ɛ í mà kpãai inɛ dee dee ŋa, amma kpãai ilu inɔ kukã ŋa wa bɔò ŋai si iku.

Iri ku kɔ̃ 112:6

Inɛ iyi wa jirima Ilaaɔ̃ kaa koosɛ pai. Aa maa ye gigiɛi waati kãma fei.

Iri ku kɔ̃ 34:14

lafɛ̃ɛ ku kãmia amɛ̀ɛ nɔ ku nɔ gɛlɛɛ si ide nfe nfe.

Iri ku kɔ̃ 37:18

Aɔ̃ Lafɛ̃ɛ í mà kuwɛɛi inɛ dee dee ŋa nɔ tubu iyi í jilɛ nŋa á maa wɛɛi hee do ajɔ fei.

Iri ku kɔ̃ 97:10

Iŋɛ iyi ì bi Aɔ̃ Lafɛ̃ɛ ŋa, i cé laalɔ ŋa. Nŋui wa mu hundei inɛɛ ŋa. Nŋui í ya nya inɛɛ ŋau hai si awɔi ilu inɔ kukã ŋa.

Mɔnda ŋa 10:25

Bii wahala í dede bɛi fufu dabii, í ya gbangaa inɛ laalɔ ŋai, amma inɛ dee dee ŋa à ya maa leekĩ dim dim hee do ajɔ fei.

Mɔnda ŋa 3:7

Maà cɔ araɛ ilu bisi, jɔ̀ i mà bɛɛrɛi Aɔ̃ Lafɛ̃ɛ nɔ i ya saa laalɔ.

Ezai 14:32

Bɛirei aa jɛa woo bɛi inɛi Filisi ŋau ihɛ̃. Aa jɛ nŋai a ni, Aɔ̃ Lafɛ̃ɛi í jilɛ icui Siɔ̃ɔ, nɔ inɛ ŋa iyi à jɛ ilu are si zamaaɛ ŋau aa ba bi ku manji.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Ezai 63:19

Hai ku kpɛ, à yɛi bɛi inɛ ŋa iyi i kù jɛ ilaalu nŋa, inɛ ŋa iyi a kù waa kpe iriɛ si ŋa. Ntɔ ntɔ, bii ì ga lelei Aɔ̃ nɔ ì kita wa wo, iri kuta ŋa aa lɛgɛi si wajuɛ.

Ezai 65:15

Inɛ ŋa iyi ǹ cica ŋau, iri nŋɛi aa ya so a ceekpeò a ni, Aɔ̃ Lafɛ̃ɛ ku jɔ̀ i ku bɛi wãanɛ, walakɔ bɛi wãanɛ kasa. Amma ti inɛ ngu ŋa iyi à jɛ woo ce icɛm ŋau, an kpe ŋai do iri mmu.

Ezekiɛli 9:4

Aɔ̃ Lafɛ̃ɛ í sɔ̃ɔ í ni, lɔ inɔ ilu Zeruzalɛmu, ce nyinda gɔ si ikpoi inɛ ŋa iyi à waa wahala nɔ à waa kakaa na laalɔ ŋa iyi inɛ ŋa à waa ceu.

Nahumu 1:7

Aɔ̃ Lafɛ̃ɛ í jɛ inɛ ncɛɛ. Nŋui í jɛ bi ku manji jiida si ajɔi wahala. Í mà inɛ ŋa iyi à ba bi ku manji bi tɛɛ

Azee 2:23

Ajɔ nŋu bɛ, awɔ woo ce icɛm Zorobabɛli amai Seatiɛli, an soɛ i jɛ bɛi sɛɛda domi awɔi ǹ cica. Mii iyi an ce mbɛ amu Aɔ̃ Lafɛ̃ɛi lele do ilɛ.

Zakari 3:9

Nɔ ǹ jilɛ kuta gɔ si wajui Zozue. Kuta akãu í nɛ waju mɛɛje. Amu takam an kɔ ide gɔ siɛ. Nɔ an naa n nya dulum dii inɛi ilɛ ŋau ihɛ̃ ajɔ akã. Amu Aɔ̃ Lafɛ̃ɛi lele do ilɛ, amui ǹ fɔ ideu.

Kuka 16:5

nɔ í sɔ̃ Kore do inɛi anyiɛ ŋau í ni, ala daakɔ Aɔ̃ Lafɛ̃ɛ á jɔ̀ ka mà inɛ iyi í nya ikã í jɛ titɛɛ, nɔ á jɔ̀ lafɛ̃ɛ ku maai siɛ, inɛ iyi í cica á jɔ̀ lafɛ̃ɛ ku naa bi tɛɛ.

Kuka 6:27

Bii woo wee ŋau à fɔ bɛɛbɛ do irim ku ba a weea inɛi Izirɛli ŋa, amui an gba kuweeu.

Matie 24:24

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Matie 28:19

Na nŋu, i koo si dimi fei, i ce ŋa mɔcɔm ŋa. Nɔ i dasi ŋa inyi do irii Baaba do ti amu Amau do ti Hundei Ilaaɔ̃.

Matie 7:23

Amma an sɔ̃ ŋa si wajui inɛ fei n ni, n kù mà ŋɛ ajɔ kãma. I sɛkɛɛ hai bi tom iŋɛ woo ce laalɔ ŋa.

Matie 7:25

Ijĩ í wɔ, ido í kɔ̃ í nikã, nɔ fufu nla nla í dede si ileu, amma kù cuku, domi si kutai à maa.

Maaku 12:16

Ŋɔi à naa akã wa. Nɔ Jesu í bee ŋa í ni, fotooi yooi í wa si kpɛkɛlɛu ihɛ̃ nɔ irii yooi à kɔ si. Ŋɔi à jɛaa à ni, ti Sezaai.

Maaku 13:22

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Luku 13:27

Nɔ an sɔ̃ ŋɛ n ni, n kù mà hai bii ì naa ŋa. I fa ara nŋɛ hai bi tom, iŋɛ fei woo ce laalɔ ŋai.

Luku 6:48

Í jɔ mɔkɔ gɔ iyi wa ma ile. Mɔkɔu í tu isa titã í jĩ hee í koo í kãsi kuta í bɛi í nyɔ icui ileu. Si anyiɛ nɔ ido í kɔ̃ wa nikã, wa cã ileu, amma kù yɔkɔ ku kɛkɛɛ domi kumaɛ í sĩa.

Laabaau jiida iyi Zãa í kɔ 10:14

Amui ǹ jɛ woo degbe jiida. Si bɛi Baam í màm nɔ amu mɔ ǹ màa, bɛɛbɛ mɔi ǹ mà angudãm ŋa nɔ aŋa mɔ à màm, nɔ ǹ jɛsi n ku na iri nŋa.

Laabaau jiida iyi Zãa í kɔ 13:18

Kù jɛ iŋɛ feii ǹ wa n fãa. Ǹ mà inɛ ŋa iyi ǹ cicai. Amma kù nɛ bɛi á ce iyi kukɔi idei Ilaaɔ̃ kù kɔ̃. Kukɔu í ni, inɛ iyi wa bam ku jɛ ajɔ, nŋui í sinda í jɛ mbɛɛm.

Laabaau jiida iyi Zãa í kɔ 3:33

Inɛ iyi í jɛsi sɛɛdaɛ, í jɛsi iyi Ilaaɔ̃ í jɛ ilu ntɔ.

Woo bɛ ŋa 11:26

Iyi í yɔɔ ŋɔi í bɔòɛ Antiɔsi. Adɔ̃ akãi aŋa minjiu à ce bɛ à ya tɔtɔɔ do inɛi igbɛi Jesu ŋa nɔ à ya kɔa inɛ nkpɔ si cioi idei Ilaaɔ̃. Antiɔsi bɛi à sinti ku kpe inɛ ŋa iyi à waa too kpãai Jesuu inɛi Kirisi ŋa.

Woo bɛ ŋa 15:17

ku ba inɛ ŋa iyi a kù jɛ inɛi kpasɛ̃u fei a dɛdɛ amu Aɔ̃ Lafɛ̃ɛ. Aŋai à jɛ inɛ ŋa iyi à jɛ titom hai si dimi mmu ŋa.

Woo bɛ ŋa 9:14

Nɔ à gbɔ iyi inɛ ngboi woo wee ŋai à naa gbugbã ku mu inɛ ŋa iyi à waa ce kutɔɔ do iriɛ ihɛ̃ fei.

Romu 11:2

Ilaaɔ̃ kù kɔ̀si inɛɛ ŋa iyi í tako í cica hai ku kpɛu. Mà i kù mà ŋa bɛi kukɔi idei Ilaaɔ̃ í fɔ ŋa si waati iyi Elii í bɔò taalei inɛi Izirɛli ŋa bi Ilaaɔ̃ í ni,

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Romu 15:20

Nɔ ǹ dasi idɔ n waazo laabaau jiidau si ilɛ ŋa bii a kù gbɔ idei Kirisi titã, ku ba n maà n ma si icui ilei inɛ gɔ.

Romu 15:9

Jesu í naai má ku ba dimi mmu ŋa mɔ a saabu Ilaaɔ̃ na araareɛ si bɛi kukɔi idei Ilaaɔ̃ wa fɔ í ni, na ŋɔi í jɔ̀ an maa n cĩɛ bi dimi mmu ŋa. An maa n kɔ̃ irii do iriɛ.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Romu 9:11

Amma hee Rebeka ku maa bí ŋa, si waati iyi a kù ce jiida gɔ titã hee má jɛ laalɔ, Ilaaɔ̃ í sɔ̃ Rebeka í ni, inɛ sinteui á ya sũa inɛ ankãanyiu iri ilɛ. Í fɔ bɛɛbɛi ku ba ku nyisi iyi nŋu í ya cica inɛ ŋai bɛi nŋu takai nŋu í bi, nɔ í kpe ŋa si bɛi nŋu takaɛ í jilɛ, kù jɛ na kuce nŋa.

Kɔrɛnti 1, 1:2

à waa ce ŋɛ fɔɔ, iŋɛ inɛi igbɛi Ilaaɔ̃ ŋa iyi ì wa ilui Kɔrɛnti ŋa. À waa ce ŋɛ fɔɔ, iŋɛ iyi Ilaaɔ̃ í kpe ì jɛ tɛɛ ŋa, iŋɛ iyi í cica í jilɛ i maa nɛ anu akã do Jesu Kirisi ŋa. À ce iŋɛ fei fɔɔ hee do inɛ ŋa iyi à wa ilɛ baa yooma fei, inɛ ŋa iyi à waa tɔɔ do irii Lafɛ̃ɛ nwa Jesu Kirisi, nŋu iyi í jɛ Lafɛ̃ɛi awa fei.

Kɔrɛnti 1, 8:3

Amma inɛ iyi í bi Ilaaɔ̃, Ilaaɔ̃ í mà lafɛ̃ɛ.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Galati 4:9

Amma nsɛi ì mà Ilaaɔ̃ ŋa. Nɔ iyi í re mɔm Ilaaɔ̃ í mà ŋɛ. To, bɛirei í ce ì waa bi i sinda si mii ndii andunya ŋa má ŋa iyi a kù nɛ gbugbã nɔ a kù nɛ bɛɛrɛ. Na mii í ce ì waa bi i jɛ aru nŋa má ŋa.

Efɛɛzu 2:20

Iŋɛ mɔ ì yɛi bɛi idĩ iyi à ma si antaii icui ile iyi woo bɛ ŋau do walii ŋau à jilɛ. Jesu Kirisi takaɛi í jɛ kuta sintei icui ileu.

Efɛɛzu 3:15

Nŋui í jɛ Baai nyaanze baa yooma fei iyi í wa lele do iyi í wa ilɛ fei.

Efɛɛzu 4:30

I maà fɔ inɔi Hundei Ilaaɔ̃ ŋa, domi Hundeu bɛi í jɛ sɛɛdai Ilaaɔ̃ si ŋɛ hee koo toò ajɔ iyi Ilaaɔ̃ á yá inɛɛ ŋa mam mam.

Timɔtee 1, 3:15

ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Timɔtee 1, 6:19

Bɛɛbɛi aa singaa ara nŋa amani jiidai ala iyi kaa bɛjɛ nɔ a ba kuwɛɛ iyi í jɛ kuwɛɛ do ntɔ.

Ebɛɛ 11:10

Aburahamu í ce bɛɛbɛi wa degbeò ilu nla iyi icuɛ í nɛ gbugbãu. Iluu, Ilaaɔ̃i í jilɛ yaase bɛi á yɛ, nŋui á nɔ ku maa.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.

Kuyɛi Zãa 17:8

Mɛɛmu iyi ì yɛu bɛ í wɛɛ wo amma kù wɛɛ má nsɛi. Bii í kɔ̃ɔsi à fita wa hai si isa nla hai nɛ kɔɔu ku bɔ nfe ku ce. Inɛi andunya ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, aa biti bii à yɛ mɛɛmuu má, domi í tako í wɛɛ wo amma kù wɛɛ má nsɛi nɔ á na ku faata wa má.

Kuyɛi Zãa 2:13

ǹ mà bii ì wa ŋa, Seetam nii wa jɛ bommaɛ do gbugbã. Do nŋu fei, ì waa jirima irim ŋa, nɔ i kù fũsi naanɛ iyi ì dasim awɔ ŋa, baa waati iyi à kpa Antipasi bi tu ŋɛ bi kuwai Seetam bɛ. Antipasiu ilu naanɛ woo jɛ sɛɛdam nii.

Kuyɛi Zãa 21:14

À nyɔ icui bindii iluui do kuta maateeji. Si antaiɛi à kɔ irii woo bɛ maateejii ama angudãu.

Kuyɛi Zãa 22:4

Aa yɛ wajuɛ, nɔ aa kɔ iriɛ si ikpo nŋa.

Kuyɛi Zãa 3:8

ǹ mà kuce nŋɛ. Ǹ mà iyi gbugbã nŋɛ kù la. Do nŋu fei, ì jirima idem nɔ i kù kɔ̀sim ŋa. Nŋui í jɔ̀ ǹ cĩ nŋɛ gambo iyi inɛ gɔ kaa yɔkɔ ku cĩmbo.