Timɔtee 2, 2:15 - Bibeli do fee

¹⁵ Ce kookaai i maa ce iyi aa baò saabu si wajui Ilaaɔ̃, bɛi woo ce icɛ iyi kù waa ce anyɔi icɛɛ, iyi í ya maa sisi ide ntɔi Ilaaɔ̃ dee dee.

Timɔtee 2, 2:15 Iomraidhean Croise

Matie 13:52

Nɔ í sɔ̃ ŋa í ni, bɛɛbɛ mɔi, woo kɔ inɛ ŋa si wooda baa yooma fei iyi í mà idei bommai Ilaaɔ̃, í yɛi bɛi ilu kpasɛ̃ gɔ iyi wa fitaò mii titɔ̃ ŋa do mii nwo ŋa hai si bi ku jilɛ amaniɛ.

Maaku 4:33

Do mɔnda nkpɔ bɛɛbɛi Jesu í ya kɔ inɛ ŋa si cio, zaka bɛi aa yɔkɔ a gbɔɔ.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Woo bɛ ŋa 2:22

Iŋɛ inɛi Izirɛli ŋa, i sotĩ i gbɔ ideu ŋa. Ilaaɔ̃ í jɔ̀ ì mà ŋa iyi nŋui í bɛ Jesu inɛi Nazarɛtiu wa na maamaake do nyinda ŋa iyi í jɔ̀ Jesu í ce si anini nŋɛ, si bɛi iŋɛ taka nŋɛ ì mà ŋa.

Woo bɛ ŋa 20:27

domi ǹ sisi nŋɛ ide iyi Ilaaɔ̃ í jilɛ fei n kù singa nŋɛ gɔgɔɛ.

Romu 14:18

Inɛ iyi wa cea Kirisi icɛ si yaase bɛɛbɛ, lafɛ̃ɛi Ilaaɔ̃ á bi, nɔ baa amanɛ ŋa aa saabuɛ.

Romu 16:10

I ce Apelɛsi fɔɔ, nŋu iyi í nyisi naanɛ ku dasiɛ ntɔ ntɔ si laakai ku cɔ. I ce inɛi kpasɛ̃i Arisitobu ŋa fɔɔ.

Romu 6:13

I maà ti i jɔ̀ ikɔ̃ ikɔ̃i ara nŋɛ kãma kù wa si awɔi dulum má i maa ceò laalɔ ŋa. Amma i so ara nŋɛ i na Ilaaɔ̃ bɛi inɛ ŋa iyi à jĩ wa hai si balɛ, nɔ i so ikɔ̃ ikɔ̃i ara nŋɛ fei i daa Ilaaɔ̃ si awɔ ŋa i maa ceò jiida.

Kɔrɛnti 1, 2:6

Do nŋu fei, idei bisi gɔi à waa sisia inɛ ŋa iyi à jĩa si naanɛ ku dasi nŋa. Amma kù jɛ bisii andunyau ihɛ̃ walakɔ bisii inɛ nla ŋau aŋa iyi à waa bɔ nfe ku ce.

Kɔrɛnti 2, 10:18

Na nŋu, inɛ iyi wa cɔ araɛ inɛ jiida, kù jɛ nŋui Ilaaɔ̃ á saabu, í gbe inɛ iyi Aɔ̃ Lafɛ̃ɛ takaɛ wa cɔ inɛ jiida.

Kɔrɛnti 2, 3:6

domi nŋui í mu nwa gbugbã ka jɛò amaacɛɛ ŋa ka sisia inɛ ŋa akabuu titɔ̃. Akabuuu kù waa ce icɛ do wooda iyi à kɔu, bii kù jɛ do Hundei Ilaaɔ̃. Wooda iyi à kɔu í ya jɔ̀ inɛ ku kui, amma Hundei Ilaaɔ̃ í ya na kuwɛɛi.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Kɔrɛnti 2, 5:9

Nŋui í jɔ̀ à waa ce kookaai ka ce iyi á dɔ̃a Lafɛ̃ɛ si, bii í jɛ à wɛɛ si arau ihɛ̃ walakɔ bii à ku.

Galati 1:10

Si ideu ihɛ̃ aa ni ǹ wa n dɛ saabui amanɛ ŋai? Aawo, saabui Ilaaɔ̃i ǹ bi. Ǹ wa n dɛ n ce mii iyi á dɔ̃a amanɛ ŋa si? Aawo, bii ǹ wa n dɛ n ce mii iyi á dɔ̃a amanɛ ŋa si, n kaa n jɛ woo ce icɛi Kirisi.

Efɛɛzu 1:13

Nɔ iŋɛ dimi mmu ŋa mɔ, ajɔ iyi ì gbɔ ide ntɔu iyi í jɛ laabaau jiida iyi wa naa nŋɛ faaba wa, waati bɛɛbɛi iŋɛ mɔ ì dasi Kirisi naanɛ ŋa. Nɔ Ilaaɔ̃ í dasi nyindai nŋu takaɛ si ŋɛ. Nyindau nŋui í jɛ Hunde iyi í da nŋɛ si si bɛi í ce kuwãɛ wo.

Tɛsalonika 1, 2:4

Amma si bɛi Ilaaɔ̃ í dasi wa naanɛ, í so laabaau jiidaɛ í da nwa si awɔ, bɛɛbɛ mɔi à waa sisi ideu. A kù waa coo si bɛi á dɔ̃a amanɛ ŋa si. À waa cooi bɛi á dɔ̃a Ilaaɔ̃ si, nŋu iyi í mà yaasei idɔ nwa.

Tɛsalonika 1, 5:14

À waa tɔɔ ŋɛ iŋɛ inɛ nwa ŋa, i sɔ̃ ilu ika ŋa a ce laakai. Inɛ ŋa iyi à mɔngɔ munya, i mu nŋa gbugbã. I sobi hai nɛ gbugbã ŋa. I temua do inɛ fei ŋa.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.

Piɛɛ 2, 1:15

An ce kookaai n sɔ̃ ŋɛ yaaseɛ ku ba i yɔkɔ i ye gigii mii ŋau do ajɔ fei ŋa si anyii ikum.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.