Timɔtee 2, 2:14 - Bibeli do fee

¹⁴ Ye inɛɛ ŋa gigii ide ŋau ihɛ̃ fei nɔ i kɔnkɔn du ŋa si wajui Ilaaɔ̃ i ni a maà ya maa ce kakɔɔ si ide ŋa, domi dimii kakɔɔ bɛɛbɛ kù nɛ aranfãani kãma, í gbe ku jɔ̀ inɛ ŋa iyi à waa gbɔɔ a ce nfe.

Timɔtee 2, 2:14 Iomraidhean Croise

Zeremi 16:19

Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.

Zeremi 2:11

Dimi gɔ ci ya kpaasi iwɛ̃ɛ ŋa baa do iyi a kù jɛ bɛi Aɔ̃ Lafɛ̃ɛ fei. Amma iŋɛ zamaam ŋa, ì kpaasi amboe nŋɛ do mii iyi kaa sobi ŋɛ si nkãma.

Zeremi 2:8

Woo wee ŋau a kù bee, iwoi Aɔ̃ Lafɛ̃ɛ í wa. Woo mà wooda ŋau a kù màm má. Woo gbã inɛm ŋau à dedeò ide ku kɔ̀ bi tom. Walii ŋau à ce walii nŋai do irii iwɛ̃ Baali. Nɔ à koo à waa too iwɛ̃ ŋa iyi a kaa yɔkɔ a ce nŋa nkãma.

Zeremi 23:32

Ǹ kɔ̀ idei si gãmɛi woo ce walii ibo ŋau bɛ. Aŋa iyi à ya maa sisi idei àla ibo nŋa ŋa nɔ à dasi inɛm ŋa ku nyɔ do idei faau nŋa. Inɛ ŋau bɛ, kù jɛ amui ǹ bɛ ŋa wa, nɔ kù jɛ amui ǹ na ŋa wooda kãma, nɔ a kù jɛaa inɛm ŋau sobi kãma.

Zeremi 23:36

Amma i maà fɔ idei ijuukpãi Aɔ̃ Lafɛ̃ɛ ŋa, domi ijuukpãu á naai si ide ku fɔi inɛ akã akã fei. Amma bii à kɔ̀ à waa fɔ bɛɛbɛ, idei Ilaaɔ̃ nŋu iyi í wɛɛ, nŋu iyi í jɛ Aɔ̃ Lafɛ̃ɛi lele do ilɛui à waa bɛjɛ, nŋu iyi í jɛ Lafɛ̃ɛ nwa.

Zeremi 7:8

Amma iŋɛ wee naanɛ nŋɛ í wai si ide ibo ŋa iyi kaa nɛ nŋɛ aranfãani kãma.

Abakuku 2:18

Aranfãani yoomai iwɛ̃ ŋa ku ce í nɛ. Mii gɔ ŋai iyi à ya ce do wura walakɔ do isɔ̃ fũfũ, nɔ à ya jɔ̀ amanɛ ku dasi ibo naanɛ. Na mii í ce amanɛ á dasi mii ŋa iyi nŋu takaɛ í ce do awɔɛ naanɛɛ. Mii ŋa iyi a kaa yɔkɔ a fɔ ide.

Matie 16:26

Aranfãani yoomai amanɛ í nɛ bii í ba amanii andunya fei nɔ í kua kuwɛɛɛ. Mà mii í wɛɛ iyi amanɛ á kpaasiò kuwɛɛɛ.

Woo bɛ ŋa 13:10

í ni, awɔ iyi ì jɛ ilu bisi laalɔ do woo takii inɛ, awɔ inɛi Seetam nii nɔ ì jɛ mbɛɛi mii iyi í jɛ dee dee fei. Hee waati yoomai aa leekĩò ide ntɔi Aɔ̃ Lafɛ̃ɛu ku kpaasi do ibo má.

Woo bɛ ŋa 15:24

À gbɔ iyi inɛ gɔ nwa ŋa à naa bi tu ŋɛ à fɔ inɔ nŋɛ nɔ à sinda laakai nŋɛ do ide nŋa ŋa. Amma awa si à dasi ŋa ideu bɛ wa.

Romu 14:1

I gba inɛ iyi naanɛ ku dasiɛ kù nɛ gbugbã, nɔ i maà ya yɛ taalei ide iyi wa lasabu.

Galati 1:7

Ntɔ ntɔ, laabaau jiida kãma gɔ kù wɛɛ má. Amma inɛ gɔ ŋa à waa fɔ́ lasabu nŋɛ dei, nɔ à waa bi a kpaasi laabaau jiidai Kirisiu.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Tɛsalonika 1, 4:1

Iŋɛ inɛ nwa ŋa, à kɔ nŋɛ si bɛi í sĩa i maa nɛ ŋa ku ba ku dɔ̃a Ilaaɔ̃ si. Ntɔi, ì waa ce bɛɛbɛ tã ŋa. Amma iyi í gbe nsɛi à waa tɔɔ ŋɛ do irii Lafɛ̃ɛ Jesu, i hanya i ce bɛɛbɛ i maa koo ŋa.

Tɛsalonika 2, 3:6

Iŋɛ inɛ nwa ŋa, à waa tɔɔ ŋɛ do irii Lafɛ̃ɛ nwa Jesu Kirisi, i jĩò kpaasi woo dasi Jesu naanɛ baa yooma fei iyi à jɛ ilu ika ŋa nɔ a kù waa too si kukɔsi iyi à na ŋɛu.

Timɔtee 1, 1:4

Sɔ̃ ŋa a maà ti a dasi laakai nŋa si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà. Nŋu ŋau bɛi wa naaò kakɔɔ ŋa wa, kaa nɔ ku mua inɛ ŋa gbugbã si naanɛ ku dasi nŋa icɛi Ilaaɔ̃ ku bɛi ku bɔ waju.

Timɔtee 1, 1:6

Wee inɛ gɔ ŋa à yaa hai si ideu bɛ nɔ à koo à lɔ si kakɔɔ nfe ku ce.

Timɔtee 1, 4:8

Ntɔi, icɛi ara aranfãaniɛ kù la, amma idei Ilaaɔ̃ ku leekĩ si í nɛ aranfãani si mii fei, domi si bɛi à nɛ kuwɛɛi nsɛi do ti ala.

Timɔtee 1, 5:21

Ǹ wa n tɔɔɛ si wajui Ilaaɔ̃ do Jesu Kirisi do si wajui amaleka kumáɛ ŋa, gbɔ idei kukɔsiu ihɛ̃, maà ti i ce njoi ijui inɛ gɔ. Nɔ i maà ti i ce ngɔgɔ na kubii kpaasi.

Timɔtee 1, 6:13

Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Timɔtee 2, 1:6

Ŋɔi í jɔ̀ ǹ wa n yeɛ gigi iyi í sĩa i ce icɛ do amua iyi Ilaaɔ̃ í muuɛ si waati iyi ǹ leɛ awɔ si iriu,

Timɔtee 2, 2:16

Amma waasu ide ŋa iyi a kù nɛ aranfãani gɔ nɔ a kaa sobi inɛ ŋa si naanɛ ku dasi nŋa, domi inɛ ŋa iyi à waa ce bɛɛbɛ à ya na a jĩò Ilaaɔ̃ a maa kooi.

Timɔtee 2, 2:23

Amma maà ya ce kakɔɔ si mii iyi kù nɛ aranfãani do iyi kù nɛ yaase, domi ì mà kãm kãm iyi nŋui í ya na ku bí ija.

Timɔtee 2, 4:1

Ǹ wa n tɔɔɛi Timɔtee, i ya maa waazoa inɛ ŋa idei Ilaaɔ̃ waati kãma fei. I ya tã sɔɔlu baa bii bɛirei, à jɛ a kù jɛ. Ǹ wa n tɔɔɛi si wajui Ilaaɔ̃ do si wajui Jesu Kirisi, nŋu iyi á kiiti ilu hunde do iku ŋa. Na irii kunyiɛ wa do kunaai bommaɛi ǹ wa n dasiɛ icɛu bɛ. Na nŋu, lɛlɛ ŋa nɔ i nyisi ŋa kurara nŋa, mu nŋa gbugbã, nɔ i kɔ ŋa si cioi idei Ilaaɔ̃ do suuru nla nla.

Titee 3:1

Ye inɛi igbɛi Jesu ŋau fei gigi a ya sũa ilaalui ilɛ ŋa do inɛ ngbo ŋa iri ilɛ, a ya jirima ŋa, nɔ a ya tã sɔɔlu si icɛ jiida fei ku ce.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Piɛɛ 2, 1:13

Ntɔ ntɔ, waati iyi ǹ wɛɛ si hunde, ǹ nɛ n ya n maa n ye ŋɛ gigii ku ba i ya maa wɔ njoo si ŋa.

Samuɛli 1, 12:21

I maà sinda i koo i maa tɔɔ iwɛ̃ nfe ŋa. Iwɛ̃ ŋa a kaa naa nŋɛ aranfãani kãma wa nɔ a kaa yɔkɔ a faaba ŋɛ, domi a kù jɛ nkãma.