Timɔtee 2, 1:7 - Bibeli do fee

⁷ domi Hunde iyi Ilaaɔ̃ í mu nwa kaa jɔ̀ ka ce njo, amma í ya jɔ̀ ka nɛ gbugbãi do kubi do ara ku mu.

Timɔtee 2, 1:7 Iomraidhean Croise

Iri ku kɔ̃ 119:80

Jɔ̀ idɔm ku jɛ dee dee si ideɛ ŋa ku ba anyɔ ku maà biim.

Mɔnda ŋa 2:7

Í ya sobi inɛ ŋa iyi a kù nɛ taale, nɔ í ya degbe inɛ dee dee ŋa, ku jɛ bɛi tɛli nŋa.

Mɔnda ŋa 8:14

Bi tom nii inɛ á ba ikɔ jiida do kumà. Amui ǹ jɛ bisi, nɔ amui ǹ nɛ gbugbã.

Ezai 11:2

Hundei Aɔ̃ Lafɛ̃ɛ á wa siɛ, nɔ hundeui í ya jɔ̀ inɛ ku wũaa mii ŋa nɔ í ya jɔ̀ inɛ ku jɛ ilu laakai nɔ ku jɛ woo muaa inɛ ikɔ nɔ ku jɛ woo muaa inɛ gbugbã. Hundeui í ya jɔ̀ inɛ ku mà Aɔ̃ Lafɛ̃ɛ nɔ ku ya maa jirimaɛ.

Misee 3:8

Amma amu Aɔ̃ Lafɛ̃ɛ í jɔ̀ ǹ nɛ gbugbã, ǹ nɛ hundeɛ. Í jɔ̀ ntɔ í wɛɛm nɔ ǹ nɛ wɔɔkɔ. Iyi bɛi á jɔ̀ n yɔkɔ n sɔ̃ tɔkui Zakɔbu ŋa kurara nŋa, n sɔ̃ inɛi Izirɛli ŋa dulum du ŋa.

Zakari 4:6

Nɔ í jɛɛm í ni, ide iyi Aɔ̃ Lafɛ̃ɛi lele do ilɛ í sɔ̃ Zorobabɛli, nŋu iyi wa ma kpasɛ̃ɛ wee. Í ni, kù jɛ do yiikoi amanɛ, kù nɔ kù jɛ do gbugbãɛi aa ceò icɛɛu. Amma do saabui hundem nii.

Luku 10:19

Ntɔ ntɔ ǹ mu nŋɛ yiiko i tɛɛsɛò njo ŋa do cencee ŋa hee do gbugbã iyi Seetam mbɛɛu í nɛ fei, nɔ nkãma kaa yɔkɔ ku mɛɛ ŋɛ.

Luku 15:17

Iyi laakaiɛ í na í baa nɔ í ni, amaacɛi baam ŋa fei à nɛ ijɛ wa kɔ̃ nŋai, nɔ amu wee ǹ wa n ku do ari ihɛ̃.

Luku 24:49

Nɔ an samba nŋɛ mii iyi Baam í wã ŋɛ dou wa. Amma si iluu ihɛ̃i aa maa wa ŋa hee gbugbãi Ilaaɔ̃ ku naa si ŋɛ wa.

Luku 8:35

Nɔ inɛ ŋa à fita à bɔ ku cɔ mii iyi í ceu. Iyi à to bi Jesu, ŋɔi à yɛ mɔkɔ iyi inɛi inɔɔko ŋa à fita siɛu. Mɔkɔu í baa si laakaiɛ má, nɔ wa buba kɔkɔi Jesu í dasi jĩnɛ ŋa. Ŋɔi njo í mu ŋa.

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Woo bɛ ŋa 26:11

Tuuba nkpɔ nkpɔ ǹ ya n maa n kpã ŋa ijui ile bii Zuifu ŋa à ya ce kutɔtɔɔ ŋa fei ku ba n tilasi ŋa a kɔ̀si idei Jesu. Ǹ ya n maa n mu ŋa do idɔɔkɔ̃ hee kaa kaa, ǹ ya n bɔ hee do si ilu mmu ŋa fei n koo n kpã ŋa iju.

Woo bɛ ŋa 26:25

Amma Pɔlu í ni, n kù jɛ sũmu Fesitu, awɔ ilu bɛɛrɛu. Ide iyi ǹ wa n fɔu dei í jɛ ntɔ, nɔ wa too kpãa.

Woo bɛ ŋa 6:8

Wee Etiɛni í nɛ gbugbã ntɔ ntɔ nɔ Ilaaɔ̃ í ceaa didɔ̃ nɔ í ce maamaake do nyinda nla gɔ ŋa si aninii inɛ ŋa.

Woo bɛ ŋa 9:22

Amma gbugbãi Sɔlu í ya maa kɔ̃ɔsii, nɔ Zuifu ŋa iyi à wa Damasiu a kù mà bɛi aa jɛaa waati iyi wa sɔ̃ ŋa kãm kãm iyi Jesui í jɛ inɛ iyi Ilaaɔ̃ í cicau.

Romu 5:5

Nɔ kpãa iyi à waa cɔu kaa jɛ ngbɛ domi kubii Ilaaɔ̃ í wa si idɔ nwa do saabui Hundeɛ iyi í mu nwa.

Romu 8:15

Hunde iyi Ilaaɔ̃ í mu nŋɛ kaa ce ŋɛ aru, kaa nɔ ku jɔ̀ njo ku mu ŋɛ má, amma Hundeu í ce ŋɛ amai Ilaaɔ̃ ŋa, nɔ do saabuɛi aa ka yɔkɔ ka kpe Ilaaɔ̃, ka ni Baaba.

Kɔrɛnti 1, 2:4

Si idem do si waazom n kù dɛdɛ n lɛlɛ ŋɛ do bisii amanɛ ŋa, amma ide ŋa iyi ǹ fɔ fei do gbugbãi Hundei Ilaaɔ̃i.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Kolosee 1:8

Nŋui í sɔ̃ wa kubi iyi Hundei Ilaaɔ̃ í mu nŋɛ.

Ebɛɛ 2:15

nɔ ku ya inɛ ŋa iyi à jɛ bɛi aru ŋa si kuwɛɛ nŋa fei na njoi iku.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Zãa 1, 4:18

Njo kù wa si kubi, amma kubi iyi í kɔ̃ í ya lele njoi. Na nŋu, inɛ iyi í nɛ njo, kubi ci ya kɔ̃ siɛ domi njoi ijuukpãi wa ce.