Timɔtee 2, 1:5 - Bibeli do fee

⁵ Ǹ wa n ye gigii naanɛ ku dasi hai nɛ muafiti iyi ì nɛ. Dimiɛi ayiɛ Loisi do iyeɛ Enisi à nɛu. Ǹ mà kãm kãm iyi awɔ mɔ ì nɔɔ.

Timɔtee 2, 1:5 Iomraidhean Croise

Iri ku kɔ̃ 116:16

Aɔ̃ Lafɛ̃ɛ, amu woo ce icɛɛi. Amu ama inɛmɔkɔi inaabo woo ce icɛɛi. Awɔi ì fũ ikũ ŋa iyi wa dĩm ŋau.

Iri ku kɔ̃ 17:1

Kutɔɔi Davidi. Aɔ̃ Lafɛ̃ɛ, gbɔ mii iyi ǹ bi, de itĩ do laakai si kukpatam, gbɔ kutɔɔm domi hai si idɔ hai nɛ muafitim nii wa naa.

Iri ku kɔ̃ 18:44

Awɔi ì nyam hai si awɔi inɛ laalɔ ŋa. Awɔi ì cem inɛ ngboi dimi ŋa, inɛ ŋa iyi n kù mà iyi à waa sũum iri ilɛ.

Iri ku kɔ̃ 22:10

Ntɔ ntɔ, Aɔ̃ Lafɛ̃ɛ, ì nyam wai hai si inɔi iyem. Ì jɔ̀ ǹ nɛ baani iyi ǹ wa n mɔmɔ amɔi iyem.

Iri ku kɔ̃ 66:3

I sɔ̃ Aɔ̃ Lafɛ̃ɛ i ni ŋa, icɛi awɔɛ ŋa í to njo. Na gbugbã nlaɛui í jɔ̀ mbɛɛɛ ŋa à ya naa a sɛɛbata si wajuɛ.

Iri ku kɔ̃ 77:6

Ǹ wa n lasabui si ajɔi tako ŋau do adɔ̃i hai ku kpɛ ŋau.

Iri ku kɔ̃ 81:15

anu akãi an kɛkɛ mbɛɛ nŋa ŋa, aŋa iyi à waa tɛɛsɛ ŋa ŋau n kpa ŋa.

Iri ku kɔ̃ 86:16

Cɔm do iju jiida, nɔ i ceem didɔ̃. Mua amu woo ce icɛɛ gbugbã. Titɛɛi ǹ jɛ, faabam.

Zeremi 3:10

Do nŋu fei wecĩɛ Zudaa hai jɛ dee deeu kù nyi wa sim do idɔɛ fei. Si iboi í ce nŋu bɛ fei. Amu Aɔ̃ Lafɛ̃ɛi ǹ fɔ bɛɛbɛ.

Laabaau jiida iyi Zãa í kɔ 1:47

Ŋɔi à waa koo. Iyi Jesu í yɛ Nataniɛli wa naa bi tɛɛ ŋɔi í ni, i cɔ ŋa, amai Izirɛli takaɛi wa naa bɛ, kù nɛ takii kãma si idɔɛ.

Woo bɛ ŋa 16:1

Ŋɔi Pɔlu do Silasi à to Dɛɛbu. Si anyiɛ nɔ à bɔ Lisiti. Wee inɛ gɔ í wa bɛ wa too kpãai Jesu. À ya kpoo Timɔtee. Iyeɛ Zuifu woo dasi Jesu naanɛi, amma baaɛ Gɛrɛkii.

Woo bɛ ŋa 26:26

Ilaalu Agiripa í nɔ í mà yaasei ideu. Ŋɔi í ce ǹ wa n fɔ ideu do laakai ku sũ si wajuɛ si na iyi í jɔ̀ ǹ mà kãmaɛ kù manjiaa, domi ideu kù ce si asii.

Romu 14:14

Na saabui Lafɛ̃ɛ Jesu ǹ mà kãm kãm iyi sɔnda kãma kù jɛ iwɔ̀. Amma bii inɛ gɔ wa doo sɔnda gɔ iwɔ̀, bi tɛɛi í jɛ iwɔ̀.

Romu 14:5

Inɛ gɔ ŋa à ya tamaa bɛi ajɔ gɔ ŋa à re njɛ do bɛɛrɛi, nɔ inɛ gɔ ŋa mɔ à ya maa tamaa mà iju iyi í má fei akãi. Si ide ŋau ihɛ̃ í sĩa inɛ fei ku mu iyi í jɛ lasabui idɔɛ dim dim.

Romu 15:14

Iŋɛ inɛm ŋa, amu takam ǹ mà kãm kãm iyi ì jɛ inɛ jiida ŋa nɔ ì mà mii iyi ì nɛ ku ce ŋa, aa nɔ i yɔkɔ i mua njɛ bisi ŋa.

Romu 4:21

domi í mà kãm kãm, mii iyi Ilaaɔ̃ í wãu í nɛ gbugbãi ku coo.

Romu 8:38

domi ǹ mà kãm kãm, nkãma kù wɛɛ iyi á yɔkɔ ku fɛɛfɛ wa do kubiɛ. Baa iku kaa yɔkɔ, walakɔ kuwɛɛ, do amaleka ŋa, do yiikoi lele ŋa do gbugbã mmuɛ ŋa. Mii iyi í ba wa nnyi hee do iyi á na ku ba wa ala fei, kãma nŋa kaa yɔkɔ.

Kɔrɛnti 2, 6:6

À waa nyisi iyi à jɛ woo ce icɛi Ilaaɔ̃ ŋa do kuwɛɛ jiida nwa, do kumà nwa, do suuru nwa, do jiida ku jɛ nwa, do kubi hai nɛ muafiti nwa, do idei ntɔu ku waazo. Nɔ gbugbãi Ilaaɔ̃ do icɛ iyi Hundeɛ wa ce si wa wa nyisi iyi à jɛ woo ce icɛɛ ŋa. Dee dee ku jɛi í jɛ nyaui igũ nwa iyi à ya ka jaò nɔ ka kɔ̀ò ara nwa.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Ebɛɛ 11:13

Si naanɛ ku dasii, inɛ ŋau bɛ fei à ku. A kù ba mii iyi Ilaaɔ̃ í ce nŋa kuwãɛu, amma à yɔɔi hai jĩijĩ à coo cenkã. À fɔ iyi aŋa à jɛ inɛ njoo ŋa do hai nɛ ide ŋa si andunyau ihɛ̃.

Ebɛɛ 6:9

Iŋɛ baakɔɔ nwa ŋa, baa do iyi à waa fɔ bɛɛbɛ, à waa naanɛ ŋɛ. À mà iyi ì wa si kpãai faaba ŋa.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.