Timɔtee 2, 1:4 - Bibeli do fee

⁴ Ǹ wa n ye gigii kukpataɛ, nŋui í jɔ̀ ǹ bi ku yɛɛ ntɔ ntɔ ku ba inɔ didɔ̃m nɔu ku kɔ̃.

Timɔtee 2, 1:4 Iomraidhean Croise

Iri ku kɔ̃ 126:5

Inɛ ŋa iyi à waa gbɛ̃ do kukpata, aa na a dai do anu ku dɔ̃i inɔ didɔ̃.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Zeremi 31:13

Waati bɛɛbɛ, mudɛ̃ɛ ŋa aa maa jojoi do inɔ didɔ̃. Bɛɛbɛ mɔi hee do awaasũ ŋa do mɔkɔ ngbo ŋa fei. Aɔ̃ Lafɛ̃ɛ í ni, an jɔ̀ inɔ kufɔ nŋa ku baa ku kpɔò inɔ didɔ̃i. An tũ idɔ nŋai nɔ n jɔ̀ a kɔ̃ò inɔ didɔ̃.

Laabaau jiida iyi Zãa í kɔ 16:22

Bɛɛbɛi iŋɛ mɔ ì wɛɛò inɔ kufɔ si nsɛi ŋa. Amma an na n yɛ ŋɛ má, aa wɛɛò inɔ didɔ̃ ŋa, nɔ inɛ gɔ kaa yɔkɔ ku nya inɔ didɔ̃ nŋɛu.

Laabaau jiida iyi Zãa í kɔ 16:24

Hee nsɛi i kù tɔɔ ngɔgɔ do irim ŋa. I tɔɔ, aa ba ŋa ku ba inɔ didɔ̃ nŋɛ ku kɔ̃.

Woo bɛ ŋa 20:19

Ǹ ce icɛi Lafɛ̃ɛ Jesu do ara ku kaye do cikãaju ajɔ, ǹ nɔ ǹ yɛ wahala si na iyi í jɔ̀ Zuifu ŋau à leekĩ si aŋa a kpam.

Woo bɛ ŋa 20:31

Na nŋu, i wɔ njoo ŋa. I ye gigi ŋa bɛi amu takam ǹ ce adɔ̃ mɛɛta bi tu ŋɛ Efɛɛzu bɛ wo nɔ ǹ kɔ iŋɛ baa yooma fei alɛò daakɔ do cikãaju ŋa.

Romu 1:11

domi ǹ dasi idɔ jiida jiida n naa n yɛ ŋɛ ku ba i ba gbugbã ŋa do saabum, waatɔ ka ba gbugbã ajɔ si naanɛ ku dasi nwa awaɛ ŋa waati iyi an naa n wa bi tu ŋɛ. Gbugbãu amuai Hundei Ilaaɔ̃i.

Filipi 1:8

Ilaaɔ̃i í jɛ sɛɛdam iyi ǹ bi iŋɛ fei bɛi kubii Jesu Kirisi í yɛ.

Filipi 2:26

Ǹ wa n sindaɛ wai si na iyi í jɔ̀ wa bi iŋɛ fei ku yɛ ntɔ ntɔ, nɔ laakaiɛ í dede do iyi ì gbɔ ŋa kù waa nɛ baani.

Tɛsalonika 1, 2:17

Iŋɛ inɛ nwa ŋa, si bɛi à kpɛò njɛ ku yɛ, nɔ à fɛɛfɛ njɛ do ara baa do iyi kù jɛ do idɔ, à waa ce bɛgɛ nŋɛ ntɔ ntɔ nɔ à waa ce kookaai ku ba ka yɛ ŋɛ.

Timɔtee 2, 4:21

Ce kookaai i naa hee sukui tũtũ ku maa to. Ebulusi, do Pudɛni, do Linusi, do Kolodia, do inɛ nwa ŋau fei à waa ceɛ fɔɔ.

Timɔtee 2, 4:9

Ce kookaai i hãmɛɛm wa ńya ńya,

Zãa 1, 1:4

À waa kɔ nŋɛ tiau ihɛ̃i ku ba inɔ didɔ̃i awa fei ku kɔ̃.

Kuyɛi Zãa 21:4

Á gbã cikãaju nŋa ŋa fei. Iku do inɔ kufɔɛ do kukpata do ara kuro kaa wɛɛ má, domi mii ndii tako ŋau fei à lɔ.

Kuyɛi Zãa 7:17

Angudã iyi wa leekĩ bi kitãi bommau á gbã ŋa ku bɔò ŋa isɔ̃i kuwɛɛ. Ilaaɔ̃ mɔ á gbã cikãaju nŋa fei.