Timɔtee 2, 1:3 - Bibeli do fee

³ Ǹ wa n saabu Ilaaɔ̃, nŋu iyi ǹ wa n tɔɔ do idɔ hai nɛ taale si bɛi balam ŋa à tako à ce wo. Waati kãma fei ǹ ya n maa n saabu Ilaaɔ̃ na iriɛ, nɔ dasãò idũ fei ǹ ya n maa n ye gigiɛ si kutɔɔm.

Timɔtee 2, 1:3 Iomraidhean Croise

Luku 2:37

nɔ í buba jaaɔ̃ adɔ̃ nkpɔ nkpɔ. Nsɛi abou í nɛ adɔ̃ cinɛ do mɛɛ, nɔ ci ya fita hai bantumai kpasɛ̃i Ilaaɔ̃. Dasã do idũ fei, í ya maa cea Ilaaɔ̃ icɛi do anu kudĩ do kutɔɔ.

Woo bɛ ŋa 22:3

amu Zuifui, à bím nii Taasi si ilɛi Silisi, amma Zeruzalɛmu ihɛ̃i à bíím. Gamaliɛlii í kɔm si cio, nŋui í kɔm si woodai bala nwa ŋa sãa sãa, nɔ ǹ nɛ himma si icɛi Ilaaɔ̃ si bɛi iŋɛ fei ì wɛɛò nnyi ŋa.

Woo bɛ ŋa 23:1

Pɔlu í kãsi inɛ ŋa iyi à tɔtɔɔu iju nɔ í ni, iŋɛ kpaasim ŋa, idɔm kaa yɛ taalem domi ǹ ce kuwɛɛm nii dee dee si wajui Ilaaɔ̃ hee do nnyi fei.

Woo bɛ ŋa 24:14

Amma ide akãi an jɛsi si wajuɛ, ǹ wa n tɔɔ Ilaaɔ̃ Lafɛ̃ɛi bala nwa ŋa do kpãa iyi inɛ ihɛ̃ ŋa à waa ni iboi. Do nŋu fei, ǹ wa n jirima woodai Moizi ŋau do tiai walii ŋau fei.

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Woo bɛ ŋa 26:4

Zuifu ŋau fei à mà kuwɛɛm hai waati iyi ǹ wɛɛ awaasũ. À mà iyi Zeruzalɛmu bɛi ǹ jɛ ama bi dimii inɛm ŋa.

Woo bɛ ŋa 27:23

Ǹ mà bɛɛbɛi si na iyi í jɔ̀ Ilaaɔ̃, nŋu iyi ǹ jɛ tɛɛ, ǹ wa n ceaa icɛu, amalekaɛ í naa sim idũ ana

Romu 9:1

Ntɔi ǹ wa n fɔ, amu inɛi Kirisi, n kaa n sɔ ibo. Idɔm do Hundei Ilaaɔ̃ à jɛsi iyi ntɔi.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Galati 1:14

Si kpãai Zuifu ŋa ku too ǹ wa si inɔi inɛ ŋa iyi à waa jɛ waju si inɔi saam ŋa, domi ǹ nɛ himma ntɔ ntɔ ǹ re ŋa si gãmɛi kucei dedembai bala nwa ŋa.

Efɛɛzu 1:16

n ci ya n gbɛɛjiò Ilaaɔ̃ ku saabu na iri nŋɛ. Ǹ wa n ye gigi nŋɛ si kutɔɔm.

Tɛsalonika 1, 3:10

Dasã do idũ fei à waa tɔɔɛ ntɔ ntɔ ku jɔ̀ ka yɛ ŋɛ do iju má, ku ba mii iyi wa gaizia ŋɛ si naanɛ ku dasiu ka kɔ̃ɔ nŋɛ si.

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 1, 5:5

Inaabo iyi í jɛ jaaɔ̃ do ntɔ nɔ kù nɛ inɛ gɔ iyi á woo, kpãa ku cɔɛ fei si Ilaaɔ̃i í ya wa nɔ í ya maa ce kutɔɔ ku maa tɔɔ sobiɛ dasãò idũ.

Timɔtee 2, 1:5

Ǹ wa n ye gigii naanɛ ku dasi hai nɛ muafiti iyi ì nɛ. Dimiɛi ayiɛ Loisi do iyeɛ Enisi à nɛu. Ǹ mà kãm kãm iyi awɔ mɔ ì nɔɔ.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Ebɛɛ 13:8

Jesu Kirisi ci ya kpaasi hai ana do nnyi hee do ajɔ fei.

Samuɛli 1, 12:23

Bɛɛbɛi amu mɔ n kaa n gbɛɛjiò kutɔɔ ku ce nŋɛ waati kãma fei nɔ n nyisi ŋɛ kpãa jiidau, domi bii n kù coo, dulum nii.