Timɔtee 2, 1:18 - Bibeli do fee

¹⁸ Nɔ Lafɛ̃ɛ ku jɔ̀ Ilaaɔ̃ ku ce araareɛ si ajɔi kiitiu. Awɔ takaɛ ì mà sãa sãa icɛ iyi í ceem Efɛɛzu.

Timɔtee 2, 1:18 Iomraidhean Croise

Ilaalu 1, 17:20

Ŋɔi í tɔɔ Aɔ̃ Lafɛ̃ɛ í ni, Aɔ̃ Lafɛ̃ɛm, laalɔi aa cea abo jaaɔ̃u ihɛ̃ iyi ǹ naa ǹ sɔ bi tɛɛ? Aa jɔ̀ amaɛ ku kui?

Luku 1:72

Bɛɛbɛi í nyisi bala nwa ŋa araareɛ, nɔ wa yeò gigii akabuu kumáɛ.

Luku 1:78

Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Luku 8:3

do Zoana aboi Cuza, woo mu amanii ilaalu Herodu, do Suzani do inaabo nkpɔ gɔ ŋa má. Inaabo ŋau à waa sobi ŋa do amani nŋa.

Woo bɛ ŋa 18:19

Iyi à to Efɛɛzu ŋɔi Pɔlu í lɔ ile bii à ya ce kutɔtɔɔ nɔ í ba Zuifu ŋau faaji ku ce. Ŋɔi à tɔɔɛ ku ce ajɔ minji bi tu ŋa, amma kù waa jɛ. Iyi wa nɛ ŋɔi í sɔ̃ ŋa í ni, bii Ilaaɔ̃ í bi an nyi wa má. Nɔ í jɔ̀ Piisila do Akilasi bɛ í koo í lɔ akɔi inyi í nɛ hai Efɛɛzu.

Woo bɛ ŋa 19:1

Waati iyi Apolo í wa Kɔrɛnti Pɔlu í too kpãa iyi wa bɔ ikpa iri kuta ŋau nɔ í to Efɛɛzu. Ŋɔi í ba inɛ gɔ ŋa iyi à waa too kpãai Jesu bɛ.

Kɔrɛnti 1, 1:8

Jesu Kirisii á jɔ̀ i ya maa leekĩ dim dim ŋa hee kɔɔ ku ba i jɛ hai nɛ taale ŋa si ajɔ iyi á nyi wa má.

Kɔrɛnti 1, 16:8

Amma hee ajɔi jingaui Pantekotu koo toò wa an maa n wa Efɛɛzu ihɛ̃ titã

Kɔrɛnti 1, 3:13

Amma si ajɔi kiitiu Ilaaɔ̃ á jɔ̀ icɛi inɛ fei ku fita gbugbãa. Ajɔ nŋu bɛi á dasi icɛi inɛ fei si ina nɔ inaui á nyisi bɛi icɛi inɛ fei í yɛ.

Kɔrɛnti 2, 9:1

Kù jɛɛm tilasi n kɔ nŋɛ tia wa na sobi iyi á jɛ ti woo dasi Jesu naanɛ ŋa iyi à wa ilɛi Zudee.

Efɛɛzu 2:4

Amma araarei Ilaaɔ̃ í la. Na kubi nlaɛ iyi í bi wa,

Tɛsalonika 1, 2:19

Ajɔ iyi Lafɛ̃ɛ nwa Jesu á nyi wa, yoomai á jɛ kpãa ku cɔ nwa do inɔ didɔ̃ nwa. Mii aa ka tɔɔò fufu má si wajuɛ bii kù jɛ iŋɛ.

Timɔtee 1, 1:3

Nsɛi, ǹ bi i buba Efɛɛzu si bɛi ǹ sɔ̃ɛ wo si waati iyi ǹ bɔ ilɛi Masedɔni. Inɛ gɔ ŋa à wa bɛ iyi à waa kɔ inɛ ŋa si cio mmu. Ganji ŋa.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 1:16

Ilaaɔ̃ kú ce araarei nyaanzei Onɛzifɔɔ domi í muum gbugbã isɛ fɛɛfɛlo. Kù nɔ kù ce baa anyɔi iyi ǹ wa piisɔ̃ɔ.

Timɔtee 2, 1:17

Iyi í to wa Romu mɔm í dɛdɛɛm nii do inɔ akã hee í koo í yɛm.

Timɔtee 2, 4:12

Ǹ bɛ Tisiki Efɛɛzu.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Ebɛɛ 6:10

Ilaaɔ̃ í jɛ inɛ dee dee, kaa gbɛjɛ icɛ nŋɛ do kubi iyi ì nyisi na iriɛ ŋa, si bɛi ì gbɔa inɛɛ ŋa wo ŋa, nɔ ì waa gbɔ nŋa baa nsɛi ŋa.

Piɛɛ 1, 1:10

Si idei faabau ihɛ̃ walii ŋa iyi à ce walii si gãmɛi didɔ̃ iyi Ilaaɔ̃ í jilɛ nŋɛ à ce kudɛdɛ jiida jiida ku ba a mà yaaseɛ.

Kuyɛi Zãa 2:1

Kirisi í sɔ̃m í ni, kɔa amalekai igbɛi inɛm ŋa iyi í wa Efɛɛzu. Kɔaa i ni, inɛ iyi wa mu leleaɔ̃ mɛɛje si awɔ njɛɛ, nɔ wa nɛ si aninii bi ku lesi fitilai wura mɛɛje ŋau í ni,