Timɔtee 2, 1:14 - Bibeli do fee

¹⁴ Mu ide jiida iyi à daɛ si awɔ, muu do gbugbãi Hundei Ilaaɔ̃ iyi í wa si wa.

Timɔtee 2, 1:14 Iomraidhean Croise

Luku 16:11

Na nŋu, bii i kù nɛ naanɛ si amanii andunya ŋa, yooi á da nŋɛ si amani ntɔ si awɔ.

Laabaau jiida iyi Zãa í kɔ 14:17

Woo mua gbugbãu Hundei Ilaaɔ̃i, nŋui á jɔ̀ inɛ ŋa a mà ntɔu. Inɛi andunya ŋa a kaa yɔkɔ a gbaa si na iyi í jɔ̀ a kù waa yɔɔ, bɛɛbɛ mɔi a kù màa. Amma iŋɛ ì màa ŋa, domi í wɛɛ do iŋɛ, á nɔ ku wa si idɔ nŋɛ.

Romu 3:2

Ntɔ ntɔ aranfãaniɛ í la si mii fei. Sinte, Zuifu ŋai Ilaaɔ̃ í daa ideɛ si awɔ.

Romu 8:11

Ilaaɔ̃i í jĩ Jesu hai si balɛ. Nɔ bii Hundei nŋu iyi í jĩ Kirisi hai si balɛu í wa si ŋɛ á na ara iku nŋɛ ŋau mɔ kuwɛɛ na saabui Hundeɛ iyi í wa si ŋɛu.

Romu 8:13

Ntɔ ntɔ, bii ì waa ce idɔɔbii ara aa ku ŋa. Amma bii ì jɔ̀ Hundei Ilaaɔ̃ í sobi ŋɛ i kpaò kookoosui arau aa nɛ kuwɛɛ ŋa,

Romu 8:9

Amma iŋɛ i kù waa too idɔɔbii ara, ì waa nɛ ŋai bɛi Hunde í bi, bii Hundei Ilaaɔ̃ í wa si ŋɛ do ntɔ. Inɛ iyi kù nɛ Hundei Kirisi, lafɛ̃ɛ kù jɛ ti Kirisi.

Kɔrɛnti 1, 3:16

I kù mà ŋa iyi iŋɛi ì jɛ bi kuwai Ilaaɔ̃? I kù mà ŋa iyi Hundeɛ í wa si ŋɛi?

Kɔrɛnti 1, 6:19

Mà i kù mà ŋa iyi ara nŋɛi í jɛ bi kuwai Hundei Ilaaɔ̃ iyi í wa si ŋɛ iyi Ilaaɔ̃ í mu nŋɛ? I kù nɛ ara nŋɛ

Kɔrɛnti 1, 9:17

Bii do idɔɔbim nii ǹ wa n coo, ǹ nɛ kpãai n ba riba. Amma tilasi ǹ nɛ ku ceɛ mɔm nii domi Ilaaɔ̃i í dasim.

Kɔrɛnti 2, 5:16

Na nŋu, bɛbɛi a kaa ka cɔ iyi à waa yɛò iju si amanɛ nŋu akã. Baa bii bɛɛbɛi à tako à cea Kirisi wo, nsɛi a kaa ka ce bɛɛbɛ má.

Galati 2:7

Amma à yɛ iyi Ilaaɔ̃ í daam laabaau jiidau si awɔ n sisia dimi mmu ŋa, si bɛi í daa Piɛɛ si awɔ ku sisia Zuifu ŋa.

Efɛɛzu 2:22

Na anu akã nŋɛ do Kirisi, iŋɛ mɔ ì yɛi bɛi ileu, nɔ iŋɛò ŋa ì jɛò bi kuwai Hundei Ilaaɔ̃ ŋa.

Efɛɛzu 5:18

I maà ya jɔ̀ atɛ̃ ku kpa ŋɛ, domi si bɛi daa bɛɛtɛkɛ fei í wa. Amma i jɔ̀ i kɔ̃ò Hundei Ilaaɔ̃ ŋa.

Kolosee 4:11

Jesu iyi à waa kpe Zusitu, nŋu mɔ í ce ŋɛ fɔɔ. Amanɛ mɛɛta ŋau aŋa akãi à jɛ Zuifu woo dasi Jesu naanɛ ŋa iyi à waa bam icɛ ku ce na bommai Ilaaɔ̃. À muum gbugbã ntɔ ntɔ.

Tɛsalonika 1, 5:19

I maà ganji Hundei Ilaaɔ̃ ku ce icɛ si ŋɛ.

Timɔtee 1, 1:11

Cio jiidau í naai hai si laabaau jiida iyi à daam si awɔ. Ilaaɔ̃ ilu amboe iyi í ya weea inɛ ŋai laabaau jiidau wa fãa.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 2:2

Iyi ì gbɔ ǹ wa n fɔ si wajui ilu sɛɛda nkpɔu, daa ilu naanɛ gɔ ŋa mɔ si awɔ, inɛ ŋa iyi aa yɔkɔ a kɔ inɛ gɔ ŋa mɔ si cio.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.