Timɔtee 2, 1:13 - Bibeli do fee

¹³ Mu ide ntɔu iyi ǹ sisiɛ, muu do naanɛ jiida do kubi iyi à nɛ si anu akã nwa do Jesu Kirisi.

Timɔtee 2, 1:13 Iomraidhean Croise

Mɔnda ŋa 23:23

Dɛdɛ ntɔ do bisi do ikɔ do laakai nɔ i maà fũsi ŋa awɔ.

Mɔnda ŋa 3:18

Jĩi ndii kuwɛɛi ti inɛ ŋa iyi à muu, nɔ inɛ ŋa iyi à kɔ̀ ku jɔ̀ɔ à ya nɛ inɔ didɔ̃.

Mɔnda ŋa 3:21

Amam, jɔ̀ i mu bisi nɔ i mu laakai, nɔ i maà jɔ̀ gɔgɔɛ ku gbã siɛ.

Mɔnda ŋa 4:13

Jɔ̀ i mu ikɔu, nɔ i maa jɔ̀ɔ. Muu, domi nŋui í jɛ kuwɛɛɛ.

Mɔnda ŋa 8:14

Bi tom nii inɛ á ba ikɔ jiida do kumà. Amui ǹ jɛ bisi, nɔ amui ǹ nɛ gbugbã.

Romu 2:20

Ì waa tamaa mà aa yɔkɔ i mua nnyɛi ŋa bisi, nɔ i kɔ hai mà ŋa si cio, domi ì mà iyi icui kumà do ntɔu si woodai í wa.

Romu 6:17

Amma ka saabu Ilaaɔ̃ domi baa do iyi ì jɛ arui dulum ŋa wo, nsɛi do inɔ akãi ì waa jirima kukɔsi iyi à da nŋɛ si awɔ.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 4:9

Ide iyi ǹ kɔ nŋɛ si nɔ ì jɛsi ŋau, do iyi ǹ sɔ̃ ŋɛ do iyi ì yɛ ǹ ce ŋa, i ya coo ŋa. Nɔ Ilaaɔ̃, nŋu iyi wa mu nwa laakai ku sũ á wɛɛ do iŋɛ.

Tɛsalonika 1, 5:21

Amma i jɔ̀ i wũa mii fei ŋa nɔ i mu iyi í sĩa ŋa.

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Timɔtee 2, 1:1

Amui Pɔlu, woo bɛi Jesu Kirisi si idɔɔbii Ilaaɔ̃. Ilaaɔ̃ í dasim n sisi idei kuwɛɛ iyi í wãò wa si anu akã nwa do Jesu Kirisi.

Timɔtee 2, 1:14

Mu ide jiida iyi à daɛ si awɔ, muu do gbugbãi Hundei Ilaaɔ̃ iyi í wa si wa.

Timɔtee 2, 2:2

Iyi ì gbɔ ǹ wa n fɔ si wajui ilu sɛɛda nkpɔu, daa ilu naanɛ gɔ ŋa mɔ si awɔ, inɛ ŋa iyi aa yɔkɔ a kɔ inɛ gɔ ŋa mɔ si cio.

Timɔtee 2, 3:14

Amma awɔ, leekĩ dim dim si cio iyi à kɔɛ si iyi ì dasi naanɛ, domi ì mà inɛ ŋa iyi à kɔɛ si.

Timɔtee 2, 4:3

Ǹ wa n fɔ bɛɛbɛi domi waati gɔ wa naa iyi inɛ ŋa a kaa bi idei kukɔsi jiida ku gbɔ, amma aa dɛdɛa ara nŋa woo kɔ si cio nkpɔ, inɛ ŋa iyi aa lɛlɛ ŋa do ide iyi à bi ku gbɔ.

Titee 1:9

Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Titee 2:1

Awɔ takaɛ kɔ woo dasi Jesu naanɛ ŋa si cio jiida.

Titee 2:8

Sɔ̃ ŋa idei ntɔu iyi a kaa yɛò taalei ideɛ. Iyi bɛi á jɔ̀ anyɔ ku mu mbɛɛ nŋɛ ŋa domi a kaa ba laalɔ nwa a fɔ.

Ebɛɛ 10:23

Ka jɔ̀ ka leekĩ dim dim si kpãa ku cɔ iyi à waa jɛ sɛɛdaɛu ihɛ̃, domi Ilaaɔ̃, nŋu iyi í ce kuwã í jɛ ilu naanɛ.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.

Kuyɛi Zãa 2:25

Amma naanɛ iyi ì nɛ ŋa, i muu dim dim ŋa hee n koo n toò wa.

Kuyɛi Zãa 3:11

An nyi wa kaa kpɛ. Naanɛ iyi ì nɛ ŋa, i muu dim dim ŋa ku ba inɛ gɔ ku maà na ku gba ribai igũ ku jɛ nŋɛ.

Kuyɛi Zãa 3:3

Na nŋu, i ye gigii mii iyi à kɔ nŋɛ si do bɛi ì gbɔ ŋa. I jirimaɛ ŋa nɔ i kpaasi idɔ nŋɛ. Bii i kù jĩ hai si iri njoo ŋa, an naa n ba ŋɛ bɛi ile. I kaa mà waati iyi an naa si ŋɛ.