Timɔtee 2, 1:12 - Bibeli do fee

¹² Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 1:12 Iomraidhean Croise

Iri ku kɔ̃ 25:2

Aɔ̃ Lafɛ̃ɛm, awɔi ǹ wa n naanɛ, maà jɔ̀ n yɛ anyɔ. Maà jɔ̀ mbɛɛm ŋa a nɛ inɔ didɔ̃ sim.

Iri ku kɔ̃ 31:5

Aa nyam hai si cɛkũm iyi à leem, domi awɔi ì waa mum.

Iri ku kɔ̃ 56:9

Bɛi ǹ wa n wu isɛm fei ì waa mà jiaɛ. Gba cikãajum si jɔlɔɛ. Ǹ mà kãm kãm iyi ì kɔ ŋa si tiaɛ.

Iri ku kɔ̃ 9:10

Aɔ̃ Lafɛ̃ɛi wa mu hai nɛ gbugbã ŋa, nɔ nŋui í ya maa degbe ŋa si waatii wahala.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 50:7

Aɔ̃ Lafɛ̃ɛi í ya naa ku sobim, na ŋɔi í jɔ̀ n kù jɛsi iyi igũ í jɛm. Na nŋu, ǹ lele wajum nii bɛi kuta, nɔ ǹ mà iyi n kaa n dasi anyɔ.

Ezai 54:4

Na nŋu, maà jɔ̀ njo ku muɛ, domi i kaa jɛ ilu anyɔ má. Maà jɔ̀ anyɔ ku muɛ domi bɛɛrɛɛ kaa kaye má. Ntɔ ntɔ aa gbɛjɛ idei anyɔi waatii mudɛ̃ɛɛ, nɔ i kaa ye gigii anyɔi waatii jaaɔ̃ɛu má.

Nahumu 1:7

Aɔ̃ Lafɛ̃ɛ í jɛ inɛ ncɛɛ. Nŋui í jɛ bi ku manji jiida si ajɔi wahala. Í mà inɛ ŋa iyi à ba bi ku manji bi tɛɛ

Matie 12:21

nɔ kpãa ku cɔi dimi fei kú wa siɛ.

Matie 24:36

Jesu í sɔ̃ ŋa má í ni, inɛ kãma kù mà waatiu hee má jɛ ajɔ iyi mii ŋau aa ce, baa amaleka ŋa iyi à wa lele, baa amu Amau, í gbe Ilaaɔ̃ Baaba nŋu akã.

Matie 7:22

Ajɔ nŋu bɛ, inɛ nkpɔi á maa ni, Lafɛ̃ɛ Lafɛ̃ɛ, a kù ce walii do iriɛ? A kù lele inɛi inɔɔko ŋa do iriɛ? A kù ce maamaake nkpɔ do iriɛ?

Luku 10:12

Nɔ Jesu í ni má, an sɔ̃ ŋɛ iyi si ajɔi kiitiu, ijuukpãi inɛi Sodomu ŋa ilu nlai takou, á tia do ti inɛi ilu ŋau.

Luku 23:46

Ŋɔi Jesu í la do gbugbã í ni, Baaba, ǹ daaɛ hundem si awɔ. Iyi í fɔ bɛɛbɛ nɔ í ku.

Laabaau jiida iyi Zãa í kɔ 17:15

N kù wa n tɔɔɛ i nya ŋa hai si andunya, amma ǹ wa n tɔɔɛi i degbe ŋa ku ba Seetam inɛ laalɔu ku maà nɔ ŋa.

Laabaau jiida iyi Zãa í kɔ 6:44

Inɛ gɔ kaa yɔkɔ ku naa bi tom bii kù jɛ Baaba iyi í bɛm wai í fa lafɛ̃ɛ wa. Nɔ inɛ nŋui an jɔ̀ ku jĩ hai si balɛ si ajɔi ankãanyiu.

Woo bɛ ŋa 13:46

Amma Pɔlu do Baanabasi à sɔ̃ ŋa do wɔɔkɔ à ni, tilasii iŋɛ Zuifu ŋa a tako a sɔ̃ ŋɛ idei Ilaaɔ̃. Amma si na iyi í jɔ̀ ì waa kɔ̀si ŋa nɔ i kù ka ara nŋɛ si inɛ ŋa iyi à bi a ba kuwɛɛ hai tã, na nŋu, aa ka jɔ̀ ŋɛ nɔ ka bɔ bi dimi mmu ŋa,

Woo bɛ ŋa 13:50

Amma Zuifu ŋau à dede idɔɔkɔ̃i ilu irii ilu ŋau do inaabo ilu amani ŋa iyi à waa too kucei Zuifu ŋau. Nŋui í jɔ̀ à kpã Pɔlu do Baanabasi iju à lele ŋa hai bɛ.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Woo bɛ ŋa 7:59

Si bɛi à waa ta Etiɛni kutau ŋɔi Etiɛni í ce kutɔɔ í ni, Lafɛ̃ɛ Jesu, gba hundem.

Woo bɛ ŋa 9:16

An nɔ n nyisiɛ bɛi nŋu mɔ á yɛ ijuukpã na irim.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 9:33

Ideɛi kukɔu wa fãa í ni, wee ǹ wa n jilɛ inɛ gɔ Siɔ̃ɔ iyi í yɛ bɛi kuta bi ku koosɛ. Nŋui á jɔ̀ inɛ gɔ ŋa a cuku, amma inɛ iyi í dasiɛ naanɛ kaa yɛ anyɔ.

Kɔrɛnti 1, 1:8

Jesu Kirisii á jɔ̀ i ya maa leekĩ dim dim ŋa hee kɔɔ ku ba i jɛ hai nɛ taale ŋa si ajɔ iyi á nyi wa má.

Kɔrɛnti 1, 3:13

Amma si ajɔi kiitiu Ilaaɔ̃ á jɔ̀ icɛi inɛ fei ku fita gbugbãa. Ajɔ nŋu bɛi á dasi icɛi inɛ fei si ina nɔ inaui á nyisi bɛi icɛi inɛ fei í yɛ.

Filipi 1:20

Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Filipi 3:10

Iyi ǹ bi, nŋui í jɛ n mà Kirisi, do gbugbã iyi í jĩò hai si balɛ nɔ n nɛ ikpɛ̃ si ijuukpãɛu hee ku yɛ bɛi amu mɔ ǹ ku do nŋu ajɔ,

Filipi 3:21

Do gbugbãɛ iyi á jɔ̀ mii fei ku jirimaɛò nŋui á kpaasiò ara hai nɛ bɛɛrɛ nwau ku jɔ arai nŋu takaɛ iyi í nɛ amboe.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Tɛsalonika 1, 2:16

À ganji mɔm ka cea dimi mmu ŋa waazo iyi á jɔ̀ a ba faaba. Bɛɛbɛi dulum du ŋa iyi à ya maa ce waati kãma fei í teese wa kɔ̃ɔsi wa caa. Amma idɔɔkɔ̃i Ilaaɔ̃ í fuka si iri nŋa bɛbɛi.

Tɛsalonika 1, 5:4

Amma iŋɛ inɛ nwa ŋa, i kù wa si ilu kuku ŋa hee ajɔu ku zamba ŋɛ bɛi kunaai ile.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 2, 1:14

Mu ide jiida iyi à daɛ si awɔ, muu do gbugbãi Hundei Ilaaɔ̃ iyi í wa si wa.

Timɔtee 2, 1:16

Ilaaɔ̃ kú ce araarei nyaanzei Onɛzifɔɔ domi í muum gbugbã isɛ fɛɛfɛlo. Kù nɔ kù ce baa anyɔi iyi ǹ wa piisɔ̃ɔ.

Timɔtee 2, 1:18

Nɔ Lafɛ̃ɛ ku jɔ̀ Ilaaɔ̃ ku ce araareɛ si ajɔi kiitiu. Awɔ takaɛ ì mà sãa sãa icɛ iyi í ceem Efɛɛzu.

Timɔtee 2, 1:8

Na nŋu, maà ti i ce anyɔi sɛɛdai Lafɛ̃ɛ nwa ku jɛ, nɔ i maà ya ce anyɔi amu takam, amu iyi ǹ wa ile piisɔ̃ɔ na iriɛ. Amma jɔ̀ i jɛsi awaɛ ka yɛ ijuukpã ajɔ na irii laabaau jiidau nɔ ka maa nɛò gbugbã iyi Ilaaɔ̃ í mu nwa.

Timɔtee 2, 2:9

Na laabaau jiidaui ǹ wa n yɛ ijuukpã hee à dĩm do sesee bɛi woo ce laalɔ. Amma idei Ilaaɔ̃ si à dĩ.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 2:18

Do yaase bɛɛbɛ á yɔkɔ ku sobi inɛ ŋa iyi à wa si kulɛlɛ, domi nŋu takaɛ í yɛ ijuukpã si kulɛlɛ.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Piɛɛ 1, 1:5

iŋɛ iyi gbugbãi Ilaaɔ̃ wa degbe do saabui naanɛ ku dasi ku ba i faaba mam mam ŋa. Faabau Ilaaɔ̃ í ce sɔɔluɛ ku nyisi ŋɛ si ajɔi ankãanyiu.

Piɛɛ 1, 4:16

Amma inɛ iyi wa wahala si na iyi í jɔ̀ í jɛ inɛi Kirisi, ku maà jɔ̀ anyɔ ku muu, amma í sĩa ku saabu Ilaaɔ̃ si na iyi í jɔ̀ wa so irii Kirisiu.

Piɛɛ 1, 4:19

Na nŋu, inɛ ŋa iyi à waa yɛ ijuukpã si idɔɔbii Ilaaɔ̃, í sĩa a teese a maa ce jiidaɛ nɔ a leekĩ do woo taka nŋa iyi í jɛ ilu naanɛ.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.