Kɔrɛnti 2, 8:3 - Bibeli do fee

³ Ǹ jɛ sɛɛda iyi à na do idɔɔbi nŋa zaka bɛi à yɔkɔ, nɔ à na mɔm nii hee í re zaka bɛi a kù waa tamaaò.

Kɔrɛnti 2, 8:3 Iomraidhean Croise

Bomma 1, 29:9

Ŋɔi zamaau í nɛ inɔ didɔ̃ si amua do inɔ akã nŋa iyi à ceu, domi idɔ nŋai í bi a ceaò Aɔ̃ Lafɛ̃ɛ amuau, nɔ inɔi ilaalu Davidi mɔ í dɔ̃ ntɔ ntɔ.

Iri ku kɔ̃ 110:3

Si ajɔ iyi aa tɔtɔɔ soogeɛ ŋau, woo mà igũ ku ce ŋau aa sìɛ. Awaasũɛ ŋa aa naa bi tɛɛi si iri kuta kumáɛ ŋa bɛi ikpãi amɛɛjuumá.

Kufita 35:29

Inɛi Izirɛli ŋa, inɛmɔkɔ do inaabo ŋa fei à na kamaza nŋai do idɔɔbi nŋa si icɛ iyi Aɔ̃ Lafɛ̃ɛ í dasi Moizi ku ceu.

Kufita 35:5

si mii ndu ŋɛ ŋa iyi ì nɛ ŋa, si bɛi aa nya i ceaò Aɔ̃ Lafɛ̃ɛ kamaza ŋa. Inɛ iyi idɔɛ í bi fei, kamaza iyi á cea Aɔ̃ Lafɛ̃ɛ wee. Wura do isɔ fũfũ do isɔ nkpa,

Maaku 14:8

Abou í ce andi gbugbãɛ iyi á yɔkɔ mbɛ, í fãsi aram tuae do njuma ku ceò sɔɔlui kusim.

Woo bɛ ŋa 11:29

Si bɛi inɛ ŋa iyi à waa too kpãai Jesuu à gbɔ bɛɛbɛ ŋɔi à dasi idɔ aŋa a samba amua ŋa zaka bɛi inɛ fei í nɛ, ku ba ku sobi kpaasi nŋa ŋa iyi à wa ilɛi Zudee.

Romu 10:2

Ntɔ ntɔ, an yɔkɔ n fɔ na iri nŋa n ni à waa cea Ilaaɔ̃ icɛ do himma, amma a kù nɛ kumà.

Kɔrɛnti 1, 16:2

Si ajɔ amaazuma fei í sĩa inɛ fei ku ya nya fiaɛ ikã zaka bɛi á yɔkɔ, ku ba i maà ti i degbe hee waati iyi ǹ to wa i bɛi i maa tɔtɔɔ fiau ŋa.

Kɔrɛnti 1, 9:17

Bii do idɔɔbim nii ǹ wa n coo, ǹ nɛ kpãai n ba riba. Amma tilasi ǹ nɛ ku ceɛ mɔm nii domi Ilaaɔ̃i í dasim.

Galati 4:15

Ì nɛ inɔ didɔ̃ wo ŋa. To, nsɛi, mii í ce ŋɛ. An yɔkɔ n jɛ sɛɛda na iri nŋɛ n ni bii á ce wo aa nya iju nŋɛ i nam ŋa.

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Kolosee 4:13

An yɔkɔ n jɛ sɛɛdaɛ iyi wa ce lasabu nŋɛ ntɔ ntɔ, do inɛ ŋa iyi à wa Laodisee do Herapolisi.

Tɛsalonika 1, 2:8

Si na iyi í jɔ̀ à bi ŋɛ ntɔ ntɔ, à ya ka tã sɔɔlu, kù jɛ ka na ŋɛ laabaau jiidai Ilaaɔ̃ nŋu akã, amma do kuwɛɛi awa taka nwai, domi à nɛ kubi nŋɛ ntɔ ntɔ.

Filemɔɔ 1:14

Amma n kù bi n ce ngɔgɔ bii kù yeɛ, domi n kù bi i sobim do tilasi, bii kù jɛ do idɔɔbiɛ.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Piɛɛ 1, 5:2

Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.