Kɔrɛnti 2, 8:1 - Bibeli do fee

¹ Iŋɛ kpaasim ŋa, à bi i mà ŋa bɛi Ilaaɔ̃ í cea igbɛi inɛi Jesu ŋa iyi à wa ilɛi Masedɔni didɔ̃.

Kɔrɛnti 2, 8:1 Iomraidhean Croise

Matie 25:22

Inɛ iyi í na kpɛkɛlɛ minjiu mɔ í naa í ni, lafɛ̃ɛ, fia kpɛkɛlɛ minji iyi ì nam nɔu, ǹ ba riba minji má.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 16:9

Ŋɔi Pɔlu í ce kuyɛ idũ. Si kuyɛɛu í yɛ inɛi Masedɔni gɔ wa leekĩ nɔ wa tɔɔ nŋu ku naa Masedɔni ku na ku sobi aŋa.

Woo bɛ ŋa 24:17

Adɔ̃ nkpɔ nkpɔi í lɔ n kù bɔ Zeruzalɛmu. Si ajɔ gbeejiu ihɛ̃i ǹ koo bɛ ǹ bɔ ku sobi inɛi ilɛm ŋa do fia nɔ n cea Ilaaɔ̃ amua.

Romu 15:26

domi woo dasi Jesu naanɛ ŋa iyi à wa ilɛi Masedɔni do ilɛi Gɛrɛsi à tɔtɔɔ fia do inɔ akã na ilu are ŋa iyi à wa si inɔi woo dasi Jesu naanɛ ŋau Zeruzalɛmu bɛ.

Kɔrɛnti 1, 15:10

Amma mii iyi ǹ jɛ nnyi, na didɔ̃i Ilaaɔ̃i, nɔ didɔ̃ iyi í ceem nɔu kù ce nfe. Ǹ ce kookaai ǹ re baa woo bɛ ŋau fei, amma kù jɛ amu takam nii ǹ coo, didɔ̃i Ilaaɔ̃ iyi í wa sim nii í coo.

Kɔrɛnti 2, 11:9

Waati iyi ǹ wa bi tu ŋɛ n kù jɛ asoi inɛ gɔ nŋɛ. Bii ǹ nɛ bukaatai ngɔgɔ, inɛ nwa ŋa iyi à ya naa hai ilɛi Masedɔni ŋai à ya naam mii iyi ǹ nɛ bukaataɛ fei wa. Ǹ mu aram si fei ndɛɛ ku ba n maà n jɛ aso nŋɛ. Bɛɛbɛ mɔi an nɔ n maa n mu aram.

Kɔrɛnti 2, 9:12

Ntɔ ntɔ, icɛ iyi ì waa ce ŋa wa wũa bukaatai woo dasi naanɛ ŋa jiida. Amma kù jɛ baa iyi bɛ nŋu akã. Á jɔ̀ inɛ nkpɔ ku saabu Ilaaɔ̃.

Kɔrɛnti 2, 9:2

Ǹ wa n fɔ bɛɛbɛi si na iyi í jɔ̀ ǹ mà kubi jiida nŋɛ nɔ ǹ tɔɔ fufu na iri nŋɛ bi inɛi Masedɔni ŋa ǹ ni iŋɛ woo dasi naanɛ ŋa iyi ì wa ilɛi Gɛrɛsi ŋa ì tã sɔɔlui sobiu hai icĩ ŋa. Himma nŋɛ í dasi inɛ nkpɔ nŋa kookaai.

Kɔrɛnti 2, 9:4

Bii kù jɛ bɛɛbɛ, bii inɛi Masedɔni gɔ ŋa à sim wa, nɔ à na à ba i kù ce sɔɔlu ŋa, naanɛ nwa iyi à nɛ si ŋɛ á kpaasi anyɔ. Aa fɔ idei iŋɛ má?

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Kolosee 1:29

Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.

Tɛsalonika 1, 4:10

Ntɔi, ì nɛ kubii njɛ tã ŋa hee do woo dasi Jesu naanɛ ŋa iyi à wa ilɛi Masedɔni fei. Amma à waa tɔɔ ŋɛ, iŋɛ inɛ nwa ŋa, i hanya i ya maa ce bɛɛbɛ i maa koo ŋa.