Kɔrɛnti 2, 7:4 - Bibeli do fee

⁴ Ǹ wa n naanɛ ŋɛ ntɔ ntɔ, nɔ ǹ wa n tɔɔ fufu na iri nŋɛ si mii fei. Ǹ ba gbugbã na iri nŋɛ nɔ inɔm í dɔ̃ í caa si ijuukpã nwa fei.

Kɔrɛnti 2, 7:4 Iomraidhean Croise

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 5:3

Iyi í re mɔm, baa si wahala à ya ka nɛ inɔ didɔ̃i domi à mà iyi wahala í ya bí temua.

Kɔrɛnti 1, 1:4

Waati kãma fei ǹ ya n maa n saabu Ilaaɔ̃i na iri nŋɛ si na iyi í jɔ̀ í mu nŋɛ didɔ̃ɛ na anu akã nŋɛ iyi ì ce do Jesu Kirisi ŋa.

Kɔrɛnti 2, 1:4

Wa tũ idɔ nwa si wahala baa yooma nwa fei. Í ya ce bɛɛbɛi ku ba awa mɔ ka yɔkɔ ka tũ idɔi inɛ ŋa iyi à waa wahala do yaase bɛi í tũò ti awa mɔ.

Kɔrɛnti 2, 10:8

Lafɛ̃ɛ í mu nwa yiiko ku ba ka mu nŋɛ gbugbã, kù jɛ ka kɛkɛ ŋɛ. Nɔ baa bii fufu ku tɔɔ nwa í la keeke na yiikou n kaa n yɛ anyɔ.

Kɔrɛnti 2, 11:21

Anyɔ wa mum n sɔ̃ ŋɛ iyi n kù nɛ gbugbã n ce nŋɛ bɛɛbɛ. Do nŋu fei, bii inɛ gɔ ŋa à nɛ wɔɔkɔ à waa tɔɔò fufu amu mɔ ǹ nɛ. Ǹ wa n fɔ ide bɛi sũmu.

Kɔrɛnti 2, 2:14

Ka saabu Ilaaɔ̃, domi í mu nwa gbugbã ka jɛò igũ waati kãma fei si kpãai Kirisi. Wa ceò wa icɛ ku ba ku jɔ̀ inɛ ŋa a mà Kirisi, nɔ kumài Kirisiu ku fangaa bii fei bɛi inúnùi tuae í ya fangaa.

Kɔrɛnti 2, 3:12

À waa fɔ ide do naanɛ si na iyi í jɔ̀ à nɛ kpãa ku cɔu ihɛ̃.

Kɔrɛnti 2, 7:14

Baa bii ǹ tɔɔ fufu keeke bi tɛɛ na iri nŋɛ wo, i kù dasim anyɔ ŋa. Do yaase bɛi ide ŋa iyi à sɔ̃ ŋɛu fei ntɔi, bɛɛbɛ mɔi Titee í yɔɔ iyi fufu ku tɔɔ nwa si ntɔi.

Kɔrɛnti 2, 8:24

Na nŋu, i nyisi ŋa iyi ì bi ŋa ŋa ntɔ ntɔ, ku ba igbɛi inɛi Jesu ŋa a mà iyi à nɛ kpãa ka tɔɔ fufu na iri nŋɛ.

Filipi 1:14

Ile piisɔ̃ɔ ku wam í mua kpaasi woo dasi Lafɛ̃ɛ Jesu naanɛ nkpɔ gbugbã í kɔ̃ɔsi à waa sisiò idei Ilaaɔ̃ do idɔ ku buba do wɔɔkɔ.

Filipi 1:20

Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Filipi 1:26

Si bɛɛbɛ aa ba kpãa i saabu Jesu Kirisi ŋa do inɔ didɔ̃ na irim si waati iyi an na n wa anini nŋɛ má.

Filipi 2:17

Naanɛ ku dasi nŋɛ í yɛi bɛi kuwee iyi ì waa cea Ilaaɔ̃ ŋa. Nɔ baa bii í jɛ à kpam nii, nɔ ǹ nikã njɛm bɛi kuweei atɛ̃ vɛ̃ɛ iyi à nikã si antaii kuwee nŋɛu, do nŋu fei inɔm á dɔ̃, nɔ awaɛ ŋa ka kpɛ̃ inɔ didɔ̃u.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Tɛsalonika 1, 2:19

Ajɔ iyi Lafɛ̃ɛ nwa Jesu á nyi wa, yoomai á jɛ kpãa ku cɔ nwa do inɔ didɔ̃ nwa. Mii aa ka tɔɔò fufu má si wajuɛ bii kù jɛ iŋɛ.

Tɛsalonika 1, 2:2

Ì mà ŋa iyi à bú wa, à kpã wa iju Filipi à bɛi à naa bi tu ŋɛ. Do nŋu fei, Ilaaɔ̃ í mu nwa wɔɔkɔ à sisiò laabaau jiidaɛ si anini nŋɛ, baa do iyi inɛ ŋa à bi a ganji wa ntɔ ntɔ.

Tɛsalonika 2, 1:4

Ŋɔi í jɔ̀ à waa tɔɔ fufu na iri nŋɛ si igbɛi inɛi Ilaaɔ̃ ŋa na temua nŋɛ do naanɛ ku dasi nŋɛ si ijuukpã do wahala nŋɛ fei.

Filemɔɔ 1:7

Baakɔɔm, kubiɛu í muum gbugbã ntɔ ntɔ do inɔ didɔ̃ nla nla, domi ì waa tũ inɔi inɛi Ilaaɔ̃ ŋa.

Zaaki 1:2

Kpaasim ŋa, dimii laakai ku cɔ iyi á naa si ŋɛ fei i ya jɔ̀ ku jɛ nŋɛ inɔ didɔ̃ nla nla,