Kɔrɛnti 2, 7:1 - Bibeli do fee

¹ Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Kɔrɛnti 2, 7:1 Iomraidhean Croise

Bomma 2, 19:9

Ŋɔi í sɔ̃ ŋa í ni, iyi ì nɛ ku ce ŋa, nŋui í jɛ i jirima Aɔ̃ Lafɛ̃ɛ ŋa do dee dee ku jɛ do idɔ kumá.

Iri ku kɔ̃ 119:9

Bɛirei awaasũ á ce ku ce isɛɛnɛ iyi í má. Bii wa jirima ideɛ ŋai.

Iri ku kɔ̃ 19:9

Woodaɛ ŋai à jɛ dee dee, à ya mua inɛ inɔ didɔ̃. Woodaɛ ŋau à nɛ inya kumá, à ya jɔ̀ ijui inɛ ku má.

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Mɔnda ŋa 16:6

Si jiida ku jɛ do si ntɔi à ya kpaò idei kurara, nɔ bɛɛrɛi Aɔ̃ Lafɛ̃ɛ ku mài í ya jɔ̀ amanɛ ku saa laalɔ.

Mɔnda ŋa 20:9

Yooi á yɔkɔ ku ni nŋu kù nɛ taale kãma, nŋu í teese kuwɛɛ nŋu í maaju.

Mɔnda ŋa 30:12

Inɛ gɔ ŋa mɔ à waa cɔ ara nŋa hai nɛ taale kãma, baa do iyi a kù jɔ̀ kurara ŋa ku ce.

Mɔnda ŋa 8:13

Inɛ iyi í mà bɛɛrɛi Aɔ̃ Lafɛ̃ɛ, í ya cé laalɔi. Amu laakai, ǹ cé ara ku so lele do faau do kuce laalɔ do ibo.

Woo lasabu 11:10

Maà lasabu si mii ŋa iyi á jɔ̀ inɔɛ ku fɔ nɔ i maà jɔ̀ bɔ̃ɔ ku ganjiɛ i nɛ inɔ didɔ̃, domi awaasũ do gbugbã fei à ya lɔi bɛi fufu.

Ezai 1:16

Na nŋu, i wɛ i ce bukii ara ku maaju ŋa. I nya kuce laalɔ nŋɛ ŋau hai si wajum ŋa. I maà ce laalɔ má ŋa.

Ezai 55:7

Ilu inɔ kukã ku sinda ku jɔ̀ kpãaɛ, nɔ woo ce laalɔ mɔ ku jɔ̀ lasabuɛ ŋa nɔ ku sinda ku baa bi Aɔ̃ Lafɛ̃ɛ iyi á ce araareɛ. Ku sinda ku baa wa bi Aɔ̃ Lafɛ̃ɛ nwa nŋu iyi í ya ce suuru ntɔ ntɔ.

Zeremi 13:27

Ntɔ ntɔ ǹ wa n yɛ sakara ku ceɛ ŋa nɔ ǹ wa n gbɔ anu ku dɔ̃i kɔdɛɛɛ, nɔ ǹ wa n yɛ icu ku taɛ iyi wa jɛ anyɔɛ si iri kuta ŋa do si inɔ sako ŋa. Ntɔ ntɔ, ǹ yɛ iwɛ̃ɛ ŋau. Inɔ kufɔi í jɛ titɛɛ Zeruzalɛmu, awɔ iyi i kù waa dɛ araɛ ku maaju. Hee waati yoomai aa kɔ̀ i maa wɛɛ bɛɛbɛ.

Zeremi 4:14

Zeruzalɛmu, bii ì bi i ba faaba, wiɛ idɔɛ. Mà hee waati yoomai ì waa bi i maa mu lasabui laalɔ ku ceɛ ŋau si idɔɛ.

Kuwee 13:58

Bii à fɔ jĩnɛ iyi í bũmbusu, bii acɔ ŋai, walakɔ ibɔ ku mungau ŋai, walakɔ jĩnɛ gɔ ŋa iyi à ce do batai, nɔ kubũmbusuu í nya, aa fɔɔ isɛ gbeejisia mái ku bɛi ku maaju.

Matie 12:33

Jesu í sɔ̃ ŋa má í ni, à ya mà jĩii hai si isoɛ. Jĩi jiida iso jiidai í ya so, amma jĩi laalɔ, iso laalɔi í ya so.

Matie 5:48

Na nŋu, i jɔ̀ jiida ku jɛ nŋɛ ku kɔ̃ bɛi ti Ilaaɔ̃ Baa nŋɛ iyi í wa lele í kɔ̃.

Matie 5:8

Ilu inɔ didɔ̃ ŋai inɛ ŋa iyi idɔ nŋa í má, domi aa yɛ Ilaaɔ̃.

Woo bɛ ŋa 9:31

Inɛi igbɛi Jesu ŋa iyi à wa ilɛi Zudee do ilɛi Galilee do ilɛi Samari fei à wɛɛò laakai ku sũ, à waa jirima Ilaaɔ̃, à mua njɛ gbugbã nɔ akpɔ nŋa í kɔ̃ɔsi wa koo do sobii Hundei Ilaaɔ̃.

Romu 5:20

Wooda í lɔ wai ku ba dulum ku kɔ̃ɔsi, amma bii dulum í kɔ̃ɔsi, didɔ̃i Ilaaɔ̃ mɔ í ya kɔ̃ɔsi ku roo mái.

Kɔrɛnti 1, 6:20

domi à ya ŋɛi do fia. Na nŋu, i jɔ̀ kucei ara nŋɛ ku jɔ̀ inɛ ŋa a mà bɛɛrɛi Ilaaɔ̃.

Kɔrɛnti 2, 1:20

nɔ kuwã ŋa iyi Ilaaɔ̃ í ce fei í kɔ̃ siɛ. Na nŋu na saabuɛi à waa ni, ami, à waa saabuò Ilaaɔ̃.

Efɛɛzu 2:3

Ntɔi, awa fei à tako à yɛi wo bɛi aŋa mɔ. Binɛ nwai wa nɛò wa, nɔ à waa ce mii iyi awa taka nwa à bi do iyi à waa lasabu. À yɛi wo bɛi inɛi andunya ŋa iyi à gbe fei iyi aa na a yɛ idɔɔkɔ̃i Ilaaɔ̃.

Tɛsalonika 1, 3:13

Nɔ ku jɔ̀ idɔ nŋɛ ku leekĩ si dim dim, ku jɛò dee dee, ku maà nɛ taale gɔ si wajui Ilaaɔ̃ Baa nwa, si waati iyi Lafɛ̃ɛ nwa Jesu á nyi wa do inɛ ŋa iyi í cica fei.

Tɛsalonika 1, 4:7

Ilaaɔ̃ kù kpe wa ka naa ka maa ce sakara, amma í bi ka jɛ inɛ kumá ŋa.

Tɛsalonika 1, 5:23

Nɔ Ilaaɔ̃ takaɛ, nŋu iyi í jɛ icui laakai ku sũ, ku nya ŋɛ i jɛ titɛɛ mam mam ŋa, nɔ ku degbe hunde nŋɛ do laakai nŋɛ do ara nŋɛ, taale gɔ ku maà wa si, hee ku toò ajɔ iyi Lafɛ̃ɛ nwa Jesu Kirisi á nyi wa.

Ebɛɛ 12:23

Ì sɛkɛɛ si inɛ ŋa iyi à kɔ iri nŋa lele ŋa, aŋa iyi à jɛ ama yemmai Ilaaɔ̃ ŋa. Ì sɛkɛɛ si Ilaaɔ̃ ŋa, nŋu iyi í jɛ woo kiitii inɛ fei, nɔ ì sɛkɛɛ si inɛ dee deei tako ŋa iyi Ilaaɔ̃ í jɔ̀ à kɔ̃ tã ŋa.

Ebɛɛ 12:28

Na nŋu, ka saabu Ilaaɔ̃ domi à nɛ bomma iyi kaa yaya nɔ ka tɔɔɛ si bɛi í bi nɔ ka mà bɛɛrɛɛ ka jirimaɛ.

Ebɛɛ 4:1

Kuwãi Ilaaɔ̃ iyi í ni aa ka lɔ si bi kusĩmiu í wɛɛ baa nnyi. Na nŋu, i ce laakai ku ba inɛ gɔ nŋɛ ŋa a maà na a to wa do ankãanyi nɔ a ba wee aŋa a kaa ba a lɔ bi kusĩmiu.

Ebɛɛ 6:9

Iŋɛ baakɔɔ nwa ŋa, baa do iyi à waa fɔ bɛɛbɛ, à waa naanɛ ŋɛ. À mà iyi ì wa si kpãai faaba ŋa.

Zaaki 4:8

I sɛkɛɛ si Ilaaɔ̃ ŋa nɔ nŋu mɔ á sɛkɛɛ si ŋɛ wa. Iŋɛ ilu dulum ŋa, i wɔɔ awɔ nŋɛ. Nɔ i fũuta idɔ nŋɛ, iŋɛ ilu idɔ minji ŋau.

Piɛɛ 1, 1:15

Amma i jɔ̀ isɛɛnɛ nŋɛ ŋa fei ku má, bɛi Ilaaɔ̃ í má, nŋu iyi í kpe ŋɛ.

Piɛɛ 1, 1:17

Ilaaɔ̃, nŋu iyi ì ya kpe Baaba ŋa si kutɔɔ nŋɛ, nŋui í jɛ inɛ iyi á kiiti inɛ fei si bɛi inɛ fei í ce nɔ kaa cɔ ijui inɛ gɔ. Na nŋu, waati iyi í gbe nŋɛ si andunya i jɔɔ do jirima ŋa.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 2:11

Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.

Zãa 1, 1:9

Amma bii à ce tuubai dulum du wa, Ilaaɔ̃ ilu naanɛi, nŋu iyi í ya ce dee dee, á kpa idei dulum du wa nɔ ku jɔ̀ ka má hai si laalɔ ku ce nwa fei.

Zãa 1, 3:3

Inɛ iyi wa cɔ kpãai ideu ihɛ̃ fei, wa ce kookaai ku ba ku maaju bɛi Kirisi mɔ í maaju.