Kɔrɛnti 2, 6:3 - Bibeli do fee

³ A kù waa bi inɛ gɔ ku yɛ taalei icɛ nwa. Nŋui í jɔ̀ a kù waa ce ngɔgɔ iyi á dasi inɛ kurara.

Kɔrɛnti 2, 6:3 Iomraidhean Croise

Matie 17:27

Amma do nŋu fei, kù sĩa ka jɛ nŋa bi ku koosɛ. Na nŋu, bɔ tenku bɛ i koo i le kootia, cɛ̃ɛ iyi í tako í muu, la gɛlɛɛ. Aa yɛ kpɛkɛlɛ bɛ iyi á to fia ku sãi awaɛ fei. Nyaa i koo i sã nŋa.

Matie 18:6

Inɛ iyi í dasi inɛ akãi ama keeke ŋa iyi à dasim naanɛu ihɛ̃ dulum, á tia a dĩa lafɛ̃ɛu alɔ si kɔ̃ɔ a tale siɛ inɔ tenku inyi ku jɔɔ.

Woo bɛ ŋa 19:27

Á na ku jɔ̀ icɛ nwa ku ba iri sãmi. Si anyiɛ á nyi ku jɔ̀ a kaa saalu baa ilei iwɛ̃ nwa Aritemi, nɔ bɛɛrɛ nlaɛ á na ku tã, iwɛ̃ iyi inɛi Azii ŋa do inɛi andunya fei wa tɔɔ.

Romu 14:13

Na nŋu, i maà ya kiiti njɛ ŋa. Amma inɛ fei ku ce laakai ku maà ti ku ce ngɔgɔ iyi á jɔ̀ kpaasiɛ ku rara ku dasi dulum.

Kɔrɛnti 1, 9:12

Bii inɛ gɔ ŋa à nɛ kpãaɛ bi tu ŋɛ, awa mɔ ni a kù re ŋa? Amma a kù ceò kpãau icɛ si ŋɛ. À temua si fei ndɛɛ ku ba ka maà ti ka dĩ kpãai laabaau jiidai Kirisi.

Kɔrɛnti 1, 9:22

Bi inɛ ŋa iyi a kù nɛ gbugbã amu mɔ n ce bɛi inɛ iyi kù nɛ gbugbã ku ba n fa ŋa wa. Ǹ ce bɛi inɛ fei í yɛ ku ba gɔgɔ nŋa ŋa a ba faaba, baa bii bɛirei.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Kɔrɛnti 2, 8:20

À waa ce kookaai ku ba inɛ gɔ ku maà yɛ taale nwa na fia nlau ihɛ̃ ku muɛ iyi à da nwa si awɔ.