Kɔrɛnti 2, 4:9 - Bibeli do fee

⁹ Inɛ ŋa à kpã wa iju, amma Ilaaɔ̃ kù kɔ̀si wa. À kɛkɛ wa, amma a kù kpa wa.

Kɔrɛnti 2, 4:9 Iomraidhean Croise

Zɔɔbu 22:29

Bii à dasi inɛ gɔ ŋa anyɔ, aa ni na faau nŋai, amma Ilaaɔ̃ í ya faaba inɛ iyi í kaye araɛi.

Iri ku kɔ̃ 129:2

à ceem laalɔ nkpɔ nkpɔ hai waatii awaasũm, amma a kù yɔkɔ a kù kãmiam.

Iri ku kɔ̃ 22:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do imu iyi wa fɔ idei kului amɛɛjuumá.

Iri ku kɔ̃ 37:28

Aɔ̃ Lafɛ̃ɛ í bi mii iyi í tɛ. Ci ya fũsi inɛɛ ŋa awɔ. Í ya maa mu ŋai hee do ajɔ fei. Amma woo ce laalɔ ŋa aa kui.

Iri ku kɔ̃ 42:11

Ǹ kua gbugbã ntɔ ntɔ waati iyi mbɛɛm ŋa à waa fɔ inɔm, à beem à waa ni hee iwoi Ilaaɔ̃ Lafɛ̃ɛm nɔu í wa.

Iri ku kɔ̃ 42:5

Wee do nŋu fei, ǹ wa n ye gigii bɛi idɔm í dede waati iyi zamaa í kaakom nɔ ǹ cua nŋa à waa bɔ kpasɛ̃i Ilaaɔ̃, à dɔ̃ anu do inɔ didɔ̃ nɔ à waa saabu Ilaaɔ̃ ajɔ.

Iri ku kɔ̃ 9:10

Aɔ̃ Lafɛ̃ɛi wa mu hai nɛ gbugbã ŋa, nɔ nŋui í ya maa degbe ŋa si waatii wahala.

Mɔnda ŋa 24:16

domi baa bii inɛ dee dee í cuku isɛ gbɛɛje, í ya nyi ku dede má. Amma inɛ laalɔ ŋa wahala í ya kɛkɛ ŋai nɔ a ci ya dede má.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Ezai 62:4

A kaa ya kpeɛ ilu iyi à kɔ̀si má, amma aa ya kpeɛi a ni, inɔ didɔ̃m í wa siɛ. A kaa ya kpeɛ bomma má, amma abo titɔ̃i aa ya kpeɛ, domi Aɔ̃ Lafɛ̃ɛ í nɛ inɔ didɔ̃ siɛ nɔ ilɛɛ á yɛi bɛi abo iyi í so mɔkɔ.

Misee 7:8

Iŋɛ mbɛɛ nwa ŋa, i maà wɛɛò inɔ didɔ̃ si mii iyi í ba wa ŋa, domi bii à cuku, aa ka dede má. Nɔ baa bii à wa si ilu kuku, Aɔ̃ Lafɛ̃ɛ á má nwa inya.

Abakuku 3:17

Jĩi ndii figi kaa da koko, jĩi ndii rezɛ̃ɛ kaa so jĩi ndii olivi mɔ kaa so, iko ŋa a kaa ce amaajɛ kãma, angudã ŋa a kaa wa inɔ aro, kɛtɛ ŋa mɔ a kaa wa bi ku so nŋa.

Laabaau jiida iyi Zãa í kɔ 15:20

Nɔ i ye gigii ide iyi ǹ sɔ̃ ŋɛ ǹ ni woo ce icɛ ci ya la ku re lafɛ̃ɛɛ. Bɛɛbɛi si bɛi à wahalam aa wahala iŋɛ mɔ. Bii í jɛ à jirima idem, bɛɛbɛ mɔi aa jirima ide nŋɛ.

Romu 8:35

Yooi á yɔkɔ ku fɛɛfɛ wa do kubii Kirisi. Inɔ kufɔ? Mà wahala. Mà ijuukpã. Mà ari. Mà are. Mà mbiisi. Mà igũ.

Kɔrɛnti 2, 7:6

Amma Ilaaɔ̃, nŋu iyi wa mua ilu inɔ kufɔ ŋa gbugbã, í jɔ̀ kunaai Titee í mu nwa gbugbã.

Timɔtee 2, 3:12

Ntɔi, inɛ iyi wa bi ku ce kuwɛɛɛ dee dee si wajui Ilaaɔ̃ si anu akã iyi í ce do Jesu Kirisi kù nɛ bɛi á ce iyi kù yɛ ijuukpã.

Ebɛɛ 13:5

I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.