Kɔrɛnti 2, 4:4 - Bibeli do fee

⁴ Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 4:4 Iomraidhean Croise

Ilaalu 1, 22:22

Ŋɔi Aɔ̃ Lafɛ̃ɛ í beeɛ í ni, do yaase bɛire. Ŋɔi í ni, an koo nɔ n tale si waliiɛ ŋau fei ibo ku sɔ. Nɔ Aɔ̃ Lafɛ̃ɛ í ni, awɔi aa yɔkɔ i lɛlɛɛ hee i toò kɔɔ. Koo nɔ i ce bɛɛbɛ.

Iri ku kɔ̃ 50:2

Hai Siɔ̃ɔ ilu kusĩaui Ilaaɔ̃ í fita wa do inya kumá nla nlaɛ.

Ezai 6:10

Lele idɔi inɛ ŋau nɔ i dĩ itĩ nŋa ku ba a maà ya gbɔ ide gɔ, bii iju nŋa ku ba a maà ya yɛ ngɔgɔ. Ce nŋa bɛɛbɛ ku ba a maà yɔkɔ a nyi wa bi Aɔ̃ Lafɛ̃ɛ hee a ba faaba.

Matie 13:22

Inɛ mɔ iyi í gba ideu bɛi si ilɛ ku nɛ agũ ŋau, wa gbɔ ideu amma lasabu bututui mii ŋa iyi wa bitandiɛ do fia ku bi iyi wa dĩ ijuɛ, aŋai à ya ganji ideu ku ce icɛ si inɛɛu.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 12:31

Nsɛi ajɔ í to wa mbɛ si bii Ilaaɔ̃ á kiiti inɛi andunya ŋa. Bɛbɛii aa lele Seetam ilaalui andunyau.

Laabaau jiida iyi Zãa í kɔ 12:35

Ŋɔi Jesu í sɔ̃ ŋa í ni, í gbe keeke iyi inya kumá kaa wa anini nŋɛ má. Í sĩa i ya maa nɛ si waati iyi ì nɛ inya kumáu ŋa ku ba ilu kuku ku maà na ku boe ŋɛ, domi inɛ iyi wa nɛ si ilu kuku ci ya mà bii wa bɔ.

Laabaau jiida iyi Zãa í kɔ 12:45

Bɛɛbɛ mɔi inɛ iyi í yɛm í yɛ inɛ iyi í bɛm wai.

Laabaau jiida iyi Zãa í kɔ 14:30

N kaa n ba n sɔ̃ ŋɛ ide nkpɔ má si na iyi í jɔ̀ Seetam ilaalui andunyau wa naa, amma kù nɛ gbugbã kãma sim.

Laabaau jiida iyi Zãa í kɔ 15:24

Inɛ kãma kù ce mii iyi ǹ ce si anini nŋa. Bii n kù ce mii ŋau bɛ wo, dulum du ŋa kaa wa si iri nŋa. Amma wee nsɛi à yɛ fei ndɛɛ nɔ do nŋu fei à cé amu do Baam.

Laabaau jiida iyi Zãa í kɔ 16:11

Nɔ á jɔ̀ a mà iyi Ilaaɔ̃ á kiiti inɛ ŋa domi í kiiti Seetam amanlui andunya tã mɔm.

Laabaau jiida iyi Zãa í kɔ 8:12

Si anyii nŋu, Jesu í ba inɛ ŋa ide ku fɔ má í ni, amui ǹ jɛ inya kumái andunya. Inɛ iyi wa toom á nɛ inya kumá iyi á jɔ̀ inɛ ku ba kuwɛɛ, kaa maa nɛ si ilu kuku.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Woo bɛ ŋa 26:23

Mii iyi à ni á na ku ceu nŋui í jɛ Kirisi á na ku yɛ ijuukpã nɔ kú jɛ inɛ sinte iyi á jĩ hai si balɛ nɔ ku sisi idei inya kumá bi Zuifu ŋa do bi dimi mmu ŋa.

Kɔrɛnti 1, 10:20

Aawo, amma ǹ wa n fɔi ǹ ni kuwee iyi woo tɔɔ iwɛ̃ ŋau à ya ceu, inɛi inɔɔko ŋai à ya cea, kù jɛ Ilaaɔ̃. Nɔ wee n kù bi i nɛ ikpɛ̃ do inɛi inɔɔko ŋa.

Kɔrɛnti 2, 2:11

ku ba Seetam ku maà zamba wa. Ntɔi, à mà sãa sãa iyi wa bi ku ce.

Kɔrɛnti 2, 2:12

Iyi ǹ to Torasi laabaau jiidai Kirisi ku sisi, ǹ yɔɔ iyi didɔ̃i Lafɛ̃ɛi í cĩim kpãa n ceò icɛ bɛ.

Kɔrɛnti 2, 3:11

Ntɔi, bii mii iyi kaa kpɛ í nɛ amboe, zaka bɛirei amboei mii iyi á ya maa wɛɛ do ajɔ fei á la ku to.

Kɔrɛnti 2, 3:14

Amma à lele idɔ nŋa a kù yɔkɔ a kù gbɔ yaaseɛ. Baa do nnyi fei bii à waa cio tiai akabuu sintei idei Ilaaɔ̃, í yɛi bɛi fuugɛsɛu í kɔ̀ í wa bɛ. Nɔ fuugɛsɛu kaa nya bii kù jɛ à dasi Kirisi naanɛ.

Kɔrɛnti 2, 3:18

Fuugɛsɛu kù wa si waju nwa má nɔ à ya ka maa yɛ amboei Lafɛ̃ɛi bɛi si digi, nɔ amboeɛ iyi à waa cɔu, nŋui wa kpaasi wa ku ba ka jɔɔ, nɔ í ya maa kɔ̃ɔsii waati kãma fei si wa. Icɛu bɛ, Hundei Lafɛ̃ɛi wa coo.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 6:12

domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Filipi 2:6

Baa do iyi í to Ilaaɔ̃, kù dɛdɛ nŋu ku jɛ saai Ilaaɔ̃ do tilasi.

Kolosee 1:15

Inɛ gɔ kaa yɔkɔ ku yɛ Ilaaɔ̃. Amma Kirisi Amaɛu Ilaaɔ̃i, nɔ à yɔɔ, í nɔ í jɔɔi dee dee. Kirisiu í wɛɛi hai waati iyi a kù taka andunya.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Timɔtee 1, 1:11

Cio jiidau í naai hai si laabaau jiida iyi à daam si awɔ. Ilaaɔ̃ ilu amboe iyi í ya weea inɛ ŋai laabaau jiidau wa fãa.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 6:4

Inɛ ŋa iyi à ba inya kumái Ilaaɔ̃ tã, nɔ à tiɛ amuai lele, nɔ à ba ikpɛ̃ si Hundei Ilaaɔ̃,

Piɛɛ 2, 1:19

Bɛɛbɛ mɔi naanɛ nwa í kɔ̃ɔsi si idei walii ŋau. I jɔ̀ i de siɛ itĩ ŋa, domi í yɛi bɛi fitila iyi wa má inya si ilu kuku hee iju koo máò nɔ Jesu, nŋu iyi í yɛ bɛi leleaɔ̃i daakɔ, ku má inya si idɔ nŋɛ.

Zãa 1, 2:11

Amma inɛ iyi í cé kpaasiɛ, si ilu kukui í wa, si ilu kukuu mɔi í nɔ wa nɛ si. Kù mà bii wa bɔ, domi ilu kukuu í dasiɛ fɛɛju.

Zãa 1, 2:8

Do nŋu fei, wooda iyi ǹ wa n kɔ nŋɛu ihɛ̃, inɛ nŋu wooda titɔ̃i, nɔ à waa yɛ ntɔɛi si Kirisi do si iŋɛ taka nŋɛ, domi ilu kuku wa sɛkɛɛ, nɔ inya kumá ntɔ wa daana.

Zãa 1, 5:19

À mà iyi à jɛ amai Ilaaɔ̃ ŋa, nɔ andunyau fei í wa si gbugbãi inɛ laalɔu.