Kɔrɛnti 2, 4:2 - Bibeli do fee

² À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Kɔrɛnti 2, 4:2 Iomraidhean Croise

Ilaalu 1, 18:34

í bɛi í ni, i koo i kpã inyi wa si jɔlɔ mɛɛ i naa i tuu si antaii iŋau do jĩi nɔu ŋa. Nɔ í ni a coo isɛ gbeejisia. Ŋɔi à coo isɛ gbeejisia. Nɔ í ni a coo isɛ gbɛɛtasia. Ŋɔi à coo isɛ gbɛɛtasiau.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 6:21

Riba yoomai ì ya ba ŋa waati bɛɛbɛ. Riba iyi ì ba ŋau wa mu ŋɛ anyɔ nsɛi, nɔ iri ku kpaɛ ikui.

Kɔrɛnti 1, 4:5

Na nŋu, i maà kiiti inɛ kãma hai waati iyi Ilaaɔ̃ í jilɛu kù to. I degbe ajɔ iyi Lafɛ̃ɛ á nyi wa ŋa. Mii iyi wa manji si ilu kuku fei á jɔ̀ ku fita bantuma, nɔ ku jɔ̀ a mà lasabui idɔi amanɛ ŋa. Waati bɛɛbɛi, inɛ fei á gbɔ saabu iyi í jɛ tɛɛ hai bi Ilaaɔ̃.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Kɔrɛnti 2, 11:3

Amma si bɛi Seetam njou í dĩ ijui Ɛfa wo do bisi laalɔɛ, ǹ wa n ce njo lasabu nŋɛ mɔ ku maa na ku sinda hai si kpãai Kirisi iyi ì waa too nsɛi ŋa do naanɛ hai nɛ muafiti.

Kɔrɛnti 2, 11:6

Baa bii n kù dɔ̃ gɛlɛ bɛi inɛ ŋau ihɛ̃, kù jɛ ǹ kua kumà, ǹ nɔ ǹ nyisi ŋɛ si fei ndɛɛ fei mam mam.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.

Kɔrɛnti 2, 5:11

Ilaaɔ̃ í mà wa sãa sãa, nɔ bɛɛbɛ mɔi ǹ tamaa iŋɛ taka nŋɛ ì mà wa ŋa. À waa dɛ ka kãmia inɛ ŋai si na iyi í jɔ̀ à mà bɛɛrɛi Lafɛ̃ɛ.

Kɔrɛnti 2, 6:8

À ya ka temuai bii inɛ ŋa à mà bɛɛrɛ nwa walakɔ bii à waa nya fũnɛ nwa. Bɛɛbɛ mɔi à ya ka temua bii à waa fɔ jiida nwa walakɔ bii à waa fɔ laalɔ nwa. À waa cɔ wa bɛi woo sɔ ibo ŋa baa do iyi à waa fɔ ntɔ fei.

Kɔrɛnti 2, 7:14

Baa bii ǹ tɔɔ fufu keeke bi tɛɛ na iri nŋɛ wo, i kù dasim anyɔ ŋa. Do yaase bɛi ide ŋa iyi à sɔ̃ ŋɛu fei ntɔi, bɛɛbɛ mɔi Titee í yɔɔ iyi fufu ku tɔɔ nwa si ntɔi.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Efɛɛzu 5:12

Anyɔ nla nla mɔm nii bii à fɔ mii iyi inɛ ŋau à waa ce si asii.