Kɔrɛnti 2, 4:1 - Bibeli do fee

¹ Ilaaɔ̃i í da nwa icɛu si awɔ na jiida ku jɛɛ. Nŋui í jɔ̀ a kù mɔngɔ munya.

Kɔrɛnti 2, 4:1 Iomraidhean Croise

Ezai 40:30

Amu ŋa à ya kua gbugbãi nɔ a gbɛɛji, nɔ baa awaasũ ŋa à ya koosɛ a cuku.

Ezai 40:31

Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aa maa ba gbugbã titɔ̃ ŋai. Aa ya maa yɔi bɛi kungbã ŋa. Aa ya maa sɛii, nɔ a kaa ya gbɛɛji. Aa ya maa nɛi, nɔ gbugbã nŋa kaa nɛ kɔɔ.

Zeremi 45:3

Í ni, ì fɔ ì waa ni, inɔ kufɔi í jɛ titom, domi Aɔ̃ Lafɛ̃ɛ wa kɔ̃ɔsi wahala si ara kurom. Ǹ kakaa ǹ gbɛɛji, nɔ n kù ba kusĩmi.

Luku 18:1

Jesu í kpa nŋa mɔndau ihɛ̃ ku nyisi ŋa iyi í sĩa a maa ce kutɔɔ waati kãma fei, gbɛɛji ku maà wa si.

Kɔrɛnti 1, 3:5

Yooi í jɛ Apolo. Mà yooi í jɛ Pɔlu. Awa taka nwa mɔ amaacɛi Ilaaɔ̃ ŋai. Awa fei, icɛ iyi Lafɛ̃ɛ í dasi wai à waa ce, ku ba i dasi naanɛ ŋa do saabui icɛ nwa.

Kɔrɛnti 1, 7:25

Nsɛi, iyi í jɛ ti inɛ ŋa iyi a kù tɔtɔɔ sɛ̃ɛ do inɛ gɔ titã, n kù nɛ ide gɔ iyi í jɛ woodai Lafɛ̃ɛ. Amma si bɛi Lafɛ̃ɛ í ce araarem ǹ jɛò ilu naanɛ, ǹ wa n sɔ̃ ŋɛ iyi í jɛ lasabum.

Kɔrɛnti 2, 3:12

À waa fɔ ide do naanɛ si na iyi í jɔ̀ à nɛ kpãa ku cɔu ihɛ̃.

Kɔrɛnti 2, 3:6

domi nŋui í mu nwa gbugbã ka jɛò amaacɛɛ ŋa ka sisia inɛ ŋa akabuu titɔ̃. Akabuuu kù waa ce icɛ do wooda iyi à kɔu, bii kù jɛ do Hundei Ilaaɔ̃. Wooda iyi à kɔu í ya jɔ̀ inɛ ku kui, amma Hundei Ilaaɔ̃ í ya na kuwɛɛi.

Kɔrɛnti 2, 4:16

Nŋui í jɔ̀ a kaa ka mɔngɔ munya. Baa bii ara nwa wa gbo, hunde nwa í ya maa wɛɛ titɔ̃i do ajɔ fei.

Kɔrɛnti 2, 5:18

Mii ŋau ihɛ̃ fei icɛi Ilaaɔ̃i, nŋu iyi í jɔ̀ à dɔ̃ do nŋu na saabui Kirisi, nɔ í bɛ wa ku ba awa mɔ ka jɔ̀ inɛ ŋa a dɔ̃ do nŋu.

Galati 6:9

Na nŋu, ka maà gbɛɛji do jiida ku ce, domi bii a kù mɔngɔ aa ka da si awaati iyi í jɔ.

Efɛɛzu 3:13

Na nŋu, ǹ wa n tɔɔ ŋɛ i maà mɔngɔ temua ŋa na ijuukpã iyi ǹ wa n yɛ na iri nŋɛ, domi ijuukpãu, nŋui á jɔ̀ i nɛ bɛɛrɛ ŋa ntɔ ntɔ.

Filipi 4:13

An yɔkɔ n ce fei ndɛɛ do saabui Kirisi iyi wa muum gbugbã.

Tɛsalonika 2, 3:13

Amma iŋɛ inɛ nwa ŋa, i maà ya gbɛɛji do jiida ku ce.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Ebɛɛ 12:3

I jɔ̀ i lasabu si mii iyi Jesu í ce, si bɛi í temua do mbɛɛtɛ nlau hee í jɛsi ilu dulum ŋa à kpaa. I mu ideu ŋa ku ba i maà kua gbugbã ŋa nɔ i maà mɔngɔ munya ŋa.

Piɛɛ 1, 2:10

Tako wo i kù jɛ dimi ŋa iyi inɛ gɔ í mà, amma nsɛi ì jɛ inɛi Ilaaɔ̃ ŋa. Tako wo araarei Ilaaɔ̃ kù wa si nŋɛ, amma nsɛi ì ba í ce araare nŋɛ.

Kuyɛi Zãa 2:3

Ì waa temua ŋa, nɔ ì yɛ ijuukpã na irim ŋa, i kù nɔ i kù gbɛɛji ŋa.