Kɔrɛnti 2, 3:9 - Bibeli do fee

⁹ Icɛi wooda iyi í ya yɛ taalei inɛ ŋa í nɛ amboe, amma ti icɛ iyi í jɔ̀ inɛ ŋa à jɛ dee dee si wajui Ilaaɔ̃ í roo hee bii í jĩ.

Kɔrɛnti 2, 3:9 Iomraidhean Croise

Ezai 46:13

Ǹ jɔ̀ dee dee ku jɛm wa sɛkɛɛ wa, nɔ kù jĩ má. Nɔ kaa kpɛ má, faabam nɔu mɔ ku to wa. An jɔ̀ faabam nɔu ku naa Siɔ̃ɔ. Ntɔ ntɔ, an jɔ̀ Izirɛli ku nɛ bɛɛrɛ.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Romu 4:11

Si anyiɛ í na í ce bango iyi wa jɛ nyinda iyi Ilaaɔ̃ í coo inɛ dee dee. Í coo inɛ dee dee na naanɛ ku dasiu waati iyi kù ce bango. Bɛɛbɛ mɔi í na í jɛ balai hai ce bango ŋa iyi à dasi naanɛ fei ku ba Ilaaɔ̃ ku doo aŋa mɔ inɛ dee dee ŋa.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 15:41

Inunu í nɛ kusĩaɛi, nɔ cukpa mɔ í nɛ tɛɛi do leleaɔ̃ ŋa. Nɔ baa si inɔi leleaɔ̃ ŋau à re njɛ do kusĩa.

Kɔrɛnti 2, 3:8

amboei icɛ iyi Hundei Ilaaɔ̃ wa ce kaa re bɛɛbɛ? Ntɔ ntɔ á re.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Galati 3:10

Inɛ ŋa iyi à waa na gbugbã si wooda ku jirima ikpei í jɛ tu ŋa, domi à kɔɔ à ni, inɛ iyi kù jirima idei woodau ihɛ̃ nɔ kù ceò icɛ, lafɛ̃ɛ ilu ikpei.

Wooda ku kɔsi 27:26

Ikpei á jɛ ti inɛ iyi kù jirima idei woodai Aɔ̃ Lafɛ̃ɛ ŋau ihɛ̃ nɔ kù ceò ŋa icɛ. Nɔ zamaau fei á jɛi ku ni, ami.

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.