Kɔrɛnti 2, 3:3 - Bibeli do fee

³ Kuce nŋɛ wa nyisi ntɔ ntɔ iyi iŋɛi í jɛ bɛi tia iyi Kirisi í kɔ na icɛ nwa iyi à ce si inɔ nŋɛ. Tiau, kù jɛ do inyii ìlìlìi à kɔɔ, amma do Hundei Ilaaɔ̃i à kɔɔ, nŋu iyi í jɛ icui kuwɛɛ. Kù jɛ si kutai à kɔɔ, si idɔi amanɛ ŋai.

Kɔrɛnti 2, 3:3 Iomraidhean Croise

Iri ku kɔ̃ 40:8

Na ŋɔi í jɔ̀ ǹ ni, amu wee ǹ wa n naa bi tɛɛ. Si tia iyi à káu ǹ yɛ à kɔ mii iyi ǹ nɛ ku ce.

Iri ku kɔ̃ 42:2

Bɛi kulu iyi agbɛ wa kpa ntɔ ntɔ í ya bɔ ido inyi ku dɛ, bɛɛbɛi amu mɔ ǹ wa n dɛdɛ Ilaaɔ̃ ntɔ ntɔ.

Iri ku kɔ̃ 84:2

Aɔ̃ Lafɛ̃ɛi lele do ilɛ, kubii kpasɛ̃ɛ wa mum jiida jiida.

Kufita 24:12

Si anyiɛ nɔ Aɔ̃ Lafɛ̃ɛ í sɔ̃ Moizi má í ni, gũ i naa wa bi tom si antaii iri kutau ihɛ̃ nɔ i leekĩ bɛ. An naɛ kuta ku munga anu minji gɔ ŋa si bii ǹ kɔ wooda ŋau ku ba a kɔ inɛ ŋau si.

Kufita 31:18

Waati iyi Aɔ̃ Lafɛ̃ɛ í ba Moizi ide ku fɔ si antaii iri kutai Sinaiu í tãi, í náa kuta minji ŋau si bii nŋu takaɛ í kɔ wooda ŋau wa.

Kufita 32:15

Ŋɔi Moizi í kita wa hai antaii iri kutau má, wa mu kuta minji gɔ ŋa. Kuta ŋau cingaa do cingaa fei woodai Ilaaɔ̃ ŋai à kɔsi.

Kufita 34:1

Aɔ̃ Lafɛ̃ɛ í sɔ̃ Moizi í ni, gbe kuta minji iyi aa yɛ bɛi kuta sinte ŋau, si bɛi an kɔ wooda ŋa iyi à tako à wa si kuta sinte ŋa iyi ì lɛgɛu.

Mɔnda ŋa 3:3

Jɔ̀ i ya ce jiida nɔ i jɛ ilu naanɛ. Jɔ̀ jiida kú jɛ do naanɛu a jɛ bɛi sabai wura iyi aa dĩ si kɔ̃ɔ, nɔ i ya maa mu ŋa si idɔɛ.

Mɔnda ŋa 7:3

Mu ŋa dim dim, kɔ ŋa si idɔɛ.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Zeremi 17:1

À kɔ dulum dii inɛi Zudaa ŋai do isɔ ku nɛ gbugbã gɔ, walakɔ do kuta ku nɛ gbugbã gɔ. À kɔɔi si idɔ nŋa do si gontai bi ku ce kuwee nŋa ŋau.

Zeremi 31:33

Amma akabuu iyi an dĩ do inɛi kpasɛ̃i Izirɛli ŋa si anyii ajɔ nŋu ŋau bɛ wee. An jɔ̀ woodam ku wa si ŋai. Woodau, an kɔɔi si idɔ nŋa. An jɛ Aɔ̃ Lafɛ̃ɛ nŋa, nɔ aŋa mɔ aa jɛ inɛm ŋa.

Ezekiɛli 11:19

An jɔ̀ a nɛ lasabu akã, nɔ n mu nŋa idɔ titɔ̃. An nya idɔ nŋa iyi í le bɛi kuta, nɔ n da nŋa si idɔ iyi í yɛ bɛi ara baasĩ.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Matie 16:16

Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.

Kɔrɛnti 1, 3:5

Yooi í jɛ Apolo. Mà yooi í jɛ Pɔlu. Awa taka nwa mɔ amaacɛi Ilaaɔ̃ ŋai. Awa fei, icɛ iyi Lafɛ̃ɛ í dasi wai à waa ce, ku ba i dasi naanɛ ŋa do saabui icɛ nwa.

Kɔrɛnti 2, 3:6

domi nŋui í mu nwa gbugbã ka jɛò amaacɛɛ ŋa ka sisia inɛ ŋa akabuu titɔ̃. Akabuuu kù waa ce icɛ do wooda iyi à kɔu, bii kù jɛ do Hundei Ilaaɔ̃. Wooda iyi à kɔu í ya jɔ̀ inɛ ku kui, amma Hundei Ilaaɔ̃ í ya na kuwɛɛi.

Kɔrɛnti 2, 3:7

Waati iyi à kɔ woodau akã akã si kuta, amboei Ilaaɔ̃ í má inya. Amboeu í jɔ̀ wajui Moizi wa daana hee inɛi Izirɛli ŋa à mɔngɔ ku kãsiɛ iju. Do nŋu fei, amboeu í na í tã. Bii í jɛ wooda iyi í jɔ̀ inɛ ŋa à kui í naa do dimii amboe bɛɛbɛ,

Kɔrɛnti 2, 6:16

Bɛirei bi kuwai Ilaaɔ̃ do iwɛ̃ ŋa á ce ku tɔtɔɔ. Awai à jɛ bi kuwai Ilaaɔ̃, nŋu iyi í jɛ icui kuwɛɛ. Nɔ nŋu takaɛ í fɔ í ni, an wɛɛ do aŋa nɔ awaò ŋa ka maa nɛ. An jɛ Lafɛ̃ɛ nŋa nɔ aa jɛ inɛm ŋa.

Tɛsalonika 1, 1:9

Inɛ ŋa à waa fɔ bɛi ì mu wa ŋa si waati iyi à naa bi tu ŋɛu, do bɛi ì jɔ̀ iwɛ̃ ku tɔɔ ŋa, ì kpaasi idɔ ì sinda si Ilaaɔ̃ ŋa ku ba i ceaa icɛ ŋa, nŋu akã iyi í jɛ Ilaaɔ̃ do ntɔ nɔ nŋui í jɛ icui kuwɛɛ.

Ebɛɛ 10:16

Aɔ̃ Lafɛ̃ɛ í ni, akabuu iyi an dĩ do aŋa si anyii ajɔ nŋu wee. An dasi woodam si idɔ nŋa. An kɔɔ si lasabu nŋa.

Ebɛɛ 8:10

Nɔ ǹ ni má, akabuum wee, iyi an dĩ do dimii inɛi Izirɛli ŋa si anyii ajɔ nŋu. An dasi woodam si lasabu nŋa. An kɔɔ si idɔ nŋa. An jɛ Aɔ̃ Lafɛ̃ɛ nŋa nɔ aa jɛ inɛm ŋa.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Zozue 3:10

Kpakoi akabuui Ilaaɔ̃ Lafɛ̃ɛi ilɛu fei wee á cua nŋɛ ku kua idoi Zuudɛ̃ɛu. Nŋu bɛi á jɔ̀ i mà kãm kãm ŋa iyi Ilaaɔ̃, nŋu iyi í jɛ icui kuwɛɛ, í wa anini nŋɛ, nɔ á lele inɛi Kanaã ŋa hai si waju nŋɛ, do inɛi Hɛti ŋa do inɛi Hɛvi ŋa do inɛi Ferɛzi ŋa do inɛi Girigasi ŋa do inɛi Amɔre ŋa do inɛi Zebusi ŋa.

Kuyɛi Zãa 2:1

Kirisi í sɔ̃m í ni, kɔa amalekai igbɛi inɛm ŋa iyi í wa Efɛɛzu. Kɔaa i ni, inɛ iyi wa mu leleaɔ̃ mɛɛje si awɔ njɛɛ, nɔ wa nɛ si aninii bi ku lesi fitilai wura mɛɛje ŋau í ni,

Kuyɛi Zãa 2:12

Kirisi í ni má, kɔa amalekai igbɛi inɛm ŋa iyi í wa Pɛɛgamu. Kɔaa i ni, inɛ iyi wa mu taakuba andɛ didɔ̃ minjiu í ni,

Kuyɛi Zãa 2:18

Kirisi í ni má, kɔa amalekai igbɛi inɛm ŋa iyi í wa Tiatii. Kɔaa i ni, Amai Ilaaɔ̃ iyi ijuɛ í yɛ bɛi amɛi ina, nɔ isɛɛ wa daana bɛi isɔ danya iyi à yɔ si ina à wiɛ í ni,

Kuyɛi Zãa 2:8

Kirisi í ni má, kɔa amalekai igbɛi inɛm ŋa iyi í wa Simiinu. Kɔaa i ni, inɛ iyi í jɛ sinte do iri ku kpa, iyi í tako í ku wo nɔ í dede má si kuwɛɛ í ni,

Kuyɛi Zãa 3:1

Kirisi í ni má, kɔa amalekai igbɛi inɛm ŋa iyi í wa Saadi. Kɔaa i ni, inɛ iyi í nɛ hunde mɛɛjei Ilaaɔ̃ ŋau do leleaɔ̃ mɛɛje ŋau í ni, ǹ mà kuce nŋɛ. Ǹ mà iyi à waa fɔ à ni ì jɛ ilu hunde ŋa baa do iyi ì jɛ iku ŋa.

Kuyɛi Zãa 3:14

Kirisi í ni má, kɔa amalekai igbɛi inɛm ŋa iyi í wa Laodisee. Kɔaa i ni, inɛ iyi à ya kpe Ami, woo jɛ sɛɛda ilu naanɛ iyi í jɛ ntɔu, nŋu iyi í jɛ icui mii iyi Ilaaɔ̃ í taka fei í ni,

Kuyɛi Zãa 3:22

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Kuyɛi Zãa 3:7

Kirisi í ni má, kɔa amalekai igbɛi inɛm ŋa iyi í wa Filadɛɛfi. Kɔaa i ni, inɛ iyi í jɛ inɛ kumá do ilu ntɔ, iyi wa mu kileei ilaalu Davidi, nŋu iyi bii í cũu, inɛ gɔ kaa cĩmboɛ, bii í nɔ í cĩmboɛ, inɛ gɔ kaa cũu, nŋui í ni,

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.