Kɔrɛnti 2, 2:9 - Bibeli do fee

⁹ Na ŋɔi í jɔ̀ ǹ tako ǹ kɔ nŋɛ tia wa wo n cɔ laakai nŋɛ ku ba n mà bii í jɛ ì waa jirima fei ndɛɛ ŋa.

Kɔrɛnti 2, 2:9 Iomraidhean Croise

Kufita 16:4

Ŋɔi Aɔ̃ Lafɛ̃ɛ í sɔ̃ Moizi í ni, an jɔ̀ pɛ̃ɛ ku maa cuku wa hai lele. Iju iyi í má fei inɛ fei á ya koo maa ko wai zaka bɛi á too ajɔ akã, ku ba n cɔ laakai nŋa, nɔ n cɔ mà aa jirima woodam.

Kɔrɛnti 2, 10:6

À nɔ à tã sɔɔlu ka kpã inɛ ŋa iyi a kù waa jirima ideu fei iju waati iyi ì na ì waa jirimaɛ dee dee ŋa.

Kɔrɛnti 2, 2:3

Na ŋɔi í jɔ̀ ǹ tako ǹ kɔ nŋɛ tiau bɛ wa do yaase bɛɛbɛ. N kù bi n naa bi tu ŋɛ, iŋɛ iyi hai bi tu ŋɛi an ba inɔ didɔ̃ i fɔ inɔm ŋa. Ǹ wa n naanɛ iŋɛ fei iyi bii inɔm í dɔ̃, inɔ didɔ̃i iŋɛ feii.

Kɔrɛnti 2, 2:4

Bɛɛbɛi ǹ kɔ nŋɛ tiau wa do inɔ kufɔ do cikãaju nkpɔ nkpɔ, kù jɛ ti n fɔ inɔ nŋɛ, ǹ bi i mà ŋa zaka bɛi ǹ bi ŋɛ í toi.

Kɔrɛnti 2, 2:8

Na nŋu, ǹ wa n tɔɔ ŋɛ, i ceaa bɛi á mà iyi ì bi nŋu ŋa.

Kɔrɛnti 2, 8:2

Aŋai à yɛ laakai ku cɔ si ijuukpã jiida. Amma inɔ didɔ̃ nla nŋa í jɔ̀ à ce amua nŋa do inɔ akã, baa do iyi are nŋa í la.

Kɔrɛnti 2, 8:24

Na nŋu, i nyisi ŋa iyi ì bi ŋa ŋa ntɔ ntɔ, ku ba igbɛi inɛi Jesu ŋa a mà iyi à nɛ kpãa ka tɔɔ fufu na iri nŋɛ.

Wooda ku kɔsi 13:3

bii idei nyinda iyi í sɔ̃ ŋɛ walakɔ maamaakeu í na í kɔ̃ nɔ í sɔ̃ ŋɛ í ni, ka bɔ iwɛ̃ ŋa ku tɔɔ,

Wooda ku kɔsi 8:16

Nŋui í jɔ̀ í ba dimii sɔnda gɔ iyi à ya kpe mana iyi bala nŋɛ ŋa a kù màu ì jɛ ŋa. Í jɔ̀ ì ba wahala ŋa ku ba ku cɔ laakai nŋɛ, nɔ ku ce nŋɛ sɔɔlui kuwɛɛ si ididɔ̃ do waju.

Wooda ku kɔsi 8:2

I ye gigii isɛɛnɛ sisɔ iyi Aɔ̃ Lafɛ̃ɛ nŋɛ í jɔ̀ ì ce ŋa adɔ̃ ciiji si gbaau ku ba ku cɔ laakai nŋɛ nɔ ku mà mii iyi í wa si idɔ nŋɛ, nɔ ku mà bii í jɛ aa yɔkɔ i jirima woodaɛ ŋa walakɔ bii í jɛ i kaa yɔkɔ ŋa.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Filipi 2:22

Iŋɛ taka nŋɛ ì mà ŋa iyi Timɔtee í nyisi araɛ ilu naanɛ nɔ í na araɛ si icɛi laabaau jiidau ku ce do amu bɛi ama do baaɛ.

Tɛsalonika 2, 3:14

Inɛ iyi í kɔ̀ ku gbɔ ide iyi à kɔ si tiau ihɛ̃ i laakaiɛ ŋa nɔ i maà jɔ̀ ngɔgɔ ku tɔtɔɔ ŋɛ do nŋu, ku ba anyɔ ku muu.

Filemɔɔ 1:21

Ǹ ceɛ tiau ihɛ̃ wai si na iyi í jɔ̀ ǹ wa n naanɛɛ iyi aa jirima ide iyi ǹ wa n fɔu, nɔ ǹ mà kãm kãm aa ce ku re baa iyi ǹ wa n tɔɔɛu.