Kɔrɛnti 2, 2:4 - Bibeli do fee

⁴ Bɛɛbɛi ǹ kɔ nŋɛ tiau wa do inɔ kufɔ do cikãaju nkpɔ nkpɔ, kù jɛ ti n fɔ inɔ nŋɛ, ǹ bi i mà ŋa zaka bɛi ǹ bi ŋɛ í toi.

Kɔrɛnti 2, 2:4 Iomraidhean Croise

Iri ku kɔ̃ 119:136

Cikãajum ŋa à waa cã bɛi inyii ido, si na iyi í jɔ̀ a kù waa jirima woodaɛ ŋa.

Kɔrɛnti 2, 11:2

Ǹ wa n ce igu iyi wa naa hai bi Ilaaɔ̃ na iri nŋɛ, domi ì yɛ ŋai bɛi mudɛ̃ɛ iyi ǹ mua mɔkɔ akã. Mɔkɔui í jɛ Kirisi nɔ ǹ bi n kooò ŋɛ bi tɛɛi bɛi mudɛ̃ɛ iyi kù mà mɔkɔ.

Kɔrɛnti 2, 12:15

Inɔ didɔ̃m nii n jɛ mii iyi ǹ nɛ fei, nɔ n loò aram na hunde nŋɛ. Bii kubi nŋɛ iyi ǹ nɛ wa kɔ̃ɔsi, kubi iyi ì bim ŋa á kaye?

Kɔrɛnti 2, 2:9

Na ŋɔi í jɔ̀ ǹ tako ǹ kɔ nŋɛ tia wa wo n cɔ laakai nŋɛ ku ba n mà bii í jɛ ì waa jirima fei ndɛɛ ŋa.

Kɔrɛnti 2, 7:12

Na nŋu, bii ǹ kɔ nŋɛ tiau wa, n kù kɔɔ na inɛ iyi í ce laalɔu nŋu akã, walakɔ na inɛ iyi í cea laalɔu nŋu akã. Amma ǹ kɔɔi ku ba i mà sãa sãa ŋa si wajui Ilaaɔ̃ iyi ì nɛ kubi nwa ntɔ ntɔ ŋa.

Filipi 3:18

Ǹ sɔ̃ ŋɛ tã isɛ fɛɛfɛlo, nɔ ǹ nyi ǹ wa n sisi nŋɛ má do kukpata, inɛ nkpɔ í wɛɛ iyi wa jɛ mbɛɛi idei ikui Kirisi si jĩi ku gaauu.