Kɔrɛnti 2, 11:3 - Bibeli do fee

³ Amma si bɛi Seetam njou í dĩ ijui Ɛfa wo do bisi laalɔɛ, ǹ wa n ce njo lasabu nŋɛ mɔ ku maa na ku sinda hai si kpãai Kirisi iyi ì waa too nsɛi ŋa do naanɛ hai nɛ muafiti.

Kɔrɛnti 2, 11:3 Iomraidhean Croise

Kusintii Andunya 3:1

Wee njò nŋui í nɛ bisi í re mɛɛmui sako iyi Aɔ̃ Lafɛ̃ɛ í taka fei. Nŋui í naa bi abou nɔ í beeɛ í ni, ntɔ ntɔi Ilaaɔ̃ í ni i maà jɛ isoi jĩi ŋa iyi à wa si lambou ihɛ̃ fei?

Kusintii Andunya 3:13

Ŋɔi Aɔ̃ Lafɛ̃ɛ í bee abou í ni, mii í jɔ̀ ì ce bɛɛbɛ. Ŋɔi abou í jɛ í ni, njòi í dĩ ijum ǹ bɛi ǹ jɛ.

Kusintii Andunya 3:20

Ŋɔi Adamu í sɔ aboɛu Ɛfa , domi nŋui í jɛ iyei inɛ fei.

Kusintii Andunya 3:4

Ŋɔi njòu í sɔ̃ abou í ni, i kaa ku ŋa pai.

Iri ku kɔ̃ 119:53

Idɔm í ya kɔ̃i ntɔ ntɔ na inɛ laalɔ ŋa iyi à fũsi woodaɛ ŋa awɔ.

Matie 24:24

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Romu 12:8

Inɛ mɔ iyi í nɛ amuai inɛ ŋa ku mua gbugbã ku coo. Inɛ mɔ iyi í ya yɔkɔ ku ce amua ku coo do inɔ akã. Inɛ ngbo ku ce icɛɛ do himma. Inɛ iyi í nɛ amuai ilu are ŋa ku sobi ku coo do inɔ didɔ̃.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Kɔrɛnti 2, 11:20

Ì waa coko à waa ce ŋɛ aru ŋa, à waa ce ŋɛ ile, à waa takii ŋɛ, nɔ à waa donda ŋɛ, nɔ à waa sambala ŋɛ.

Kɔrɛnti 2, 11:29

Bii inɛ gɔ kù nɛ gbugbã, amu mɔ n ci ya n nɛ gbugbã. Bii inɛ gɔ í dasi dulum ǹ ya n nɛ ara kuroi jiida.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Galati 1:6

Ideu í mum biti do iyi ì fũsi Ilaaɔ̃ awɔ gbãa gbãa bɛɛbɛ tã ŋa, nŋu iyi í kpe ŋɛ wa si didɔ̃i Kirisi, nɔ ì waa bi i too laabaau mmu gɔ má ŋa.

Galati 2:4

A kù tilasiɛ baa do iyi inɛ gɔ ŋa iyi a kù jɛ inɛ nwa ŋa do ntɔ à lɔ wa si igbɛu à waa bi a tilasi inɛ fei ku ce bango. Inɛ ŋau woo zamba inɛ ŋai. À naai do bisi ku ba a bɛjɛ ara ku nɛ nwa si anu akã nwa do Jesu Kirisi nɔ a ce wa aru.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Galati 4:11

Nsɛi ǹ wa n ce njo icɛ iyi ǹ ce si gãmɛ nŋɛ ku maà ce nfe.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 6:24

Nɔ didɔ̃i Ilaaɔ̃ ku wɛɛ do inɛ ŋa iyi à bi Lafɛ̃ɛ nwa Jesu Kirisi fei nɔ kubi nŋa ci ya kpaasi.

Kolosee 2:18

I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Kolosee 2:4

Ǹ wa n sɔ̃ ŋɛ ide ŋau ihɛ̃i ku ba inɛ gɔ ku maà dĩ iju nŋɛ do gɛlɛ didɔ̃.

Kolosee 2:8

Nɔ i ya ce laakai ku ba inɛ gɔ ku maà na ku mu ŋɛ do taaɛ do bisii nŋu takaɛ walakɔ do ide ŋa iyi à ya dĩò ijui amanɛ ŋa. Mii nŋu ŋau bɛ wa naai hai si dedembai amanɛ ŋa do mii ndii andunya ŋa, kù jɛ hai bi Kirisi.

Tɛsalonika 1, 3:5

Ŋɔi í jɔ̀ waati iyi idɔm í kɔ̀ ku sũ, ǹ bɛ Timɔtee bi tu ŋɛ bɛ ku ba n mà bɛi naanɛ ku dasi nŋɛ wa yɛ. Ǹ wa n ce njo Seetam woo lɛlɛ inɛu ku maa na ku lɛlɛ ŋɛ i ce dulum ŋa, nɔ icɛ nwa ku na ku jɛ ngbɛ.

Timɔtee 1, 1:3

Nsɛi, ǹ bi i buba Efɛɛzu si bɛi ǹ sɔ̃ɛ wo si waati iyi ǹ bɔ ilɛi Masedɔni. Inɛ gɔ ŋa à wa bɛ iyi à waa kɔ inɛ ŋa si cio mmu. Ganji ŋa.

Timɔtee 1, 2:14

Nɔ kù jɛ Adamui Seetam í dĩ ijuɛ. Ijui aboɛi í dĩ nɔ abou í kua woodai Ilaaɔ̃.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Titee 1:10

Ǹ wa n fɔ bɛɛbɛi domi inɛ nkpɔi í wa si igbɛu iyi a kù waa jirima inɛ ngbo ŋau, inɛ ŋa iyi à waa dasi inɛ ŋa iju dũdũ do ide nfe. Si inɔ nŋa Zuifu ŋa iyi à dasi Jesu naanɛu, aŋa mɔm nii à re.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Piɛɛ 2, 3:17

Amma iŋɛ baakɔɔm ŋa, ì mà ideu tã ŋa. Na nŋu, i ce laakai ara nŋɛ ku ba kurarai inɛ ŋa iyi a kù mà bɛɛrɛi Ilaaɔ̃ ku maà jɔ̀ i yaa hai si kpãa jiida iyi ì waa leekĩ si dim dim ŋa.

Piɛɛ 2, 3:3

Sinte, ǹ bi i mà ŋa iyi si waatii ankãanyi inɛ gɔ ŋa aa na a maa nɛ si idɔɔbi nŋa. Nɔ aa yaako ŋɛ

Zãa 1, 2:18

Iŋɛ amam ŋa, kɔɔi andunya í maai wa. Si bɛi ì gbɔ ŋa à ni inɛ gɔ iyi í jɛ mbɛɛi Kirisi á naa, wee nsɛi, mbɛɛi Kirisi nkpɔ í to wa. Ŋɔi í jɔ̀ à mà iyi kɔɔi andunya í maai wa.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.

Kuyɛi Zãa 12:15

Ŋɔi njou í tu inyi wa hai si gɛlɛɛ, wa cã bɛi ido nla nla si anyii abou ku ba inyiu ku jɔɔ.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 20:2

Ŋɔi í bata akandama, njo iyi í wɛɛ hai tako tako, iyi í jɛ woo yɛ taalei inɛ do Seetam nɔu nɔ í dũu do seseeu hee adɔ̃ dubu.