Kɔrɛnti 2, 10:3 - Bibeli do fee

³ Ntɔi, à wa si ara, amma a kù waa jabu do idɔɔbii ara.

Kɔrɛnti 2, 10:3 Iomraidhean Croise

Romu 7:5

Waati iyi à wɛɛò daa nwo nwa ŋa wo, wooda í dede kɔdɛɛ laalɔ si wa, nɔ kɔdɛɛu wa ce icɛ si ikɔ̃i ara nwa ikã ikã fei nɔ wa bɔò wa bi iku.

Romu 8:13

Ntɔ ntɔ, bii ì waa ce idɔɔbii ara aa ku ŋa. Amma bii ì jɔ̀ Hundei Ilaaɔ̃ í sobi ŋɛ i kpaò kookoosui arau aa nɛ kuwɛɛ ŋa,

Romu 8:4

Ilaaɔ̃ í ce bɛɛbɛi ku ba isɛɛnɛ nwa ku jɛ dee dee si ide iyi woodau wa fɔ, awa iyi a kù waa nɛ si idɔɔbii ara nwa, í gbe si idɔɔbii Hundei Ilaaɔ̃.

Kɔrɛnti 2, 1:17

Si ide iyi ǹ lasabuu, idɔ minjii ǹ ce? Mà ì waa tamaa ŋa ǹ ya n ni ǹ wa n naa nɔ gbakã n kpaasi ide má n ni n kù wa n naa bɛi inɛi andunya ŋa à ya cei?

Kɔrɛnti 2, 10:4

Jĩnɛi igũ ŋa iyi à waa jabuò kù jɛ ti andunya, amma gbugbãi Ilaaɔ̃i iyi á jɔ̀ ka kɛkɛ bindi ŋa ka kpaò irii lasabui amanɛ

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Timɔtee 1, 1:18

Timɔtee amam, ide iyi ǹ wa n jilɛɛ wee si bɛi à ce waliiɛ wo na iriɛ. Jɔ̀ idei waliiu ku jɛ jĩnɛi igũɛ iyi aa maa jabuò i ceò igũ jiida.

Timɔtee 2, 4:7

Ǹ jabu jiida, nɔ ǹ sɛi ǹ bɔ hee kɔɔ, nɔ ǹ wa n leekĩ si naanɛ ku dasi dim dim.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.