Kɔrɛnti 2, 10:1 - Bibeli do fee

¹ Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Kɔrɛnti 2, 10:1 Iomraidhean Croise

Iri ku kɔ̃ 45:4

Awɔ woo ja igũ jiida, dĩ taakubaɛ si cingaaɛ. Nŋui í jɛ yiikoɛ do bɛɛrɛɛ.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Matie 11:29

I jɛsi n lesi ŋɛ zuugum nɔ i gba idei ciom ŋa, si na iyi í jɔ̀ amu amanɛ kurɔ do woo kaye arai. Bii ì jɛsi bɛɛbɛ, aa ba kusĩmi ŋa.

Matie 21:5

i sɔ̃ inɛi Siɔ̃ɔ ŋa, i ni, i cɔ ilaalu nŋɛ wa naa bi tu ŋɛ. Amanɛ kurɔi. Si gbankɛlɛi wa buba, do ama gbankɛlɛ amai mɛɛmu ku so asoi.

Woo bɛ ŋa 8:32

Ide iyi mɔkɔu wa cio si kukɔi idei Ilaaɔ̃ wee. À kooòɛ bɛi angudã iyi aa saka. Bɛi ama angudã í ya maa coko waati iyi à waa bu ntoɛ, bɛɛbɛ mɔi nŋu mɔ kù la gɛlɛ.

Romu 10:20

Ezai mɔ í kɔ do wɔɔkɔ í ni, Ilaaɔ̃ í ni, inɛ ŋa iyi a kù waa dɛdɛɛm ŋai à yɛm, nɔ ǹ nyisi ŋa aram, kù nɔ kù jɛ aŋai à tɔɔm.

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Romu 15:15

Do nŋu fei, do wɔɔkɔ nla nlai ǹ kɔ nŋɛ ide gɔ ŋa wa si idei tiau ihɛ̃, n ye ŋɛò gigii mii ŋa iyi ì mà tã ŋa. Ǹ kɔ nŋɛ wa bɛɛbɛi na didɔ̃ iyi Ilaaɔ̃ í ceem

Kɔrɛnti 1, 2:3

Nɔ waati iyi ǹ wa bi tu ŋɛu, do gbugbã hai nɛi do njo do kuyaya nla nla.

Kɔrɛnti 1, 4:10

Awa à waa cɔ wa bɛi sũmu ŋa na irii Kirisi, amma iŋɛ ì waa cɔ ara nŋɛ ilu bisi ŋa na anu akã nŋɛ do Kirisi. Awa a kù nɛ gbugbã, amma iŋɛ ì waa cɔ ara nŋɛ bɛi ilu gbugbã ŋa. Iŋɛ ì jɛ ilu bɛɛrɛ ŋa amma awa à jɛ hai nɛ bɛɛrɛ ŋa.

Kɔrɛnti 1, 4:21

Yoomai ì bi ŋa. N naa si ŋɛ do golo? Mà do kubi do daa didɔ̃.

Kɔrɛnti 2, 10:10

Ntɔ ntɔ, inɛ ŋa à ya ni tiam í lele nɔ í gaabu, amma bii ǹ wa inɔ nŋɛ n ci ya nɛ gbugbã, ide ku fɔm ci ya nɛ bɛɛrɛ.

Kɔrɛnti 2, 10:2

i maà tilasim n ba ŋɛ ide ku fɔ do kulele waati iyi an na n to wa bi tu ŋɛ, domi bɛɛbɛi ǹ dasi idɔ n cea inɛ gɔ ŋa iyi à waa ni idɔɔbii ara nwai à waa ce.

Kɔrɛnti 2, 10:7

I jɔ̀ i cɔ mii ŋa iyi ì waa yɛ si waju nŋɛ. Bii inɛ gɔ í mà kãm kãm iyi nŋu í jɛ ti Kirisi, ku mà si idɔɛ iyi bɛɛbɛ mɔi awa mɔ à jɛ ti Kirisi.

Kɔrɛnti 2, 11:21

Anyɔ wa mum n sɔ̃ ŋɛ iyi n kù nɛ gbugbã n ce nŋɛ bɛɛbɛ. Do nŋu fei, bii inɛ gɔ ŋa à nɛ wɔɔkɔ à waa tɔɔò fufu amu mɔ ǹ nɛ. Ǹ wa n fɔ ide bɛi sũmu.

Kɔrɛnti 2, 11:30

Bii í jɛ ǹ wa n tɔɔ fufui, an tɔɔi si mii iyi wa nyisi gbugbã hai nɛm fei.

Kɔrɛnti 2, 12:5

An tɔɔ fufu si inɛɛu bɛ. Amma n kaa n tɔɔ fufu si aram, bii kù jɛ si gbugbã hai nɛm.

Kɔrɛnti 2, 3:12

À waa fɔ ide do naanɛ si na iyi í jɔ̀ à nɛ kpãa ku cɔu ihɛ̃.

Kɔrɛnti 2, 5:20

Na nŋu, à jɛ woo bɛi Kirisi ŋa. Í yɛi bɛi Ilaaɔ̃ takaɛi wa ba ŋɛ ide ku fɔ hai bi tu wa nɔ à waa tɔɔ ŋɛ do irii Kirisi, i jɔ̀ i dɔ̃ do Ilaaɔ̃ ŋa.

Kɔrɛnti 2, 6:1

Awa iyi à waa ce icɛ do Ilaaɔ̃ ajɔ, à waa tɔɔ ŋɛi i maà jɔ̀ didɔ̃ iyi Ilaaɔ̃ í ce nŋɛu ku ce nfe.

Kɔrɛnti 2, 7:4

Ǹ wa n naanɛ ŋɛ ntɔ ntɔ, nɔ ǹ wa n tɔɔ fufu na iri nŋɛ si mii fei. Ǹ ba gbugbã na iri nŋɛ nɔ inɔm í dɔ̃ í caa si ijuukpã nwa fei.

Galati 4:13

Ì mà sãa sãa ŋa, waati iyi ǹ to Galati n kù wa n nɛ baani. Na ŋɔi í jɔ̀ ǹ ce nŋɛ waazoi laabaau jiidau.

Galati 5:2

I de itĩ i gbɔ. Amu Pɔlui ǹ wa n sɔ̃ ŋɛ ideu ihɛ̃. Bii ì jɔ̀ à dasi ŋɛ bango, icɛi Kirisi kù nɛ aranfãani kãma bi tu ŋɛ.

Efɛɛzu 3:1

Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Filipi 4:5

I jɔ̀ inɛ fei ku yɛ daa didɔ̃ nŋɛ ŋa, domi kunyii Lafɛ̃ɛ í maai wa.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Tɛsalonika 2, 3:17

Amui Pɔlu, ǹ ce ŋɛ fɔɔ. Fɔɔu ihɛ̃, do awɔi amu takam nii ǹ kɔɔò. Nŋui í jɛ sɛɛdam si tiam ŋa fei. Kukɔm nii mbɛ.

Filemɔɔ 1:19

Wee ǹ wa n kɔ iyi ihɛ̃ do awɔi amu takam, amu Pɔlu, an sãaɛ fei ndɛɛ. Baa bii n kù fɔɔ, awɔ takaɛ ì mà iyi ì waa mu gbesem na kuwɛɛɛ iyi ì ba.

Filemɔɔ 1:9

do nŋu fei, na kubii í jɔ̀ ǹ wa n tɔɔɛ suuru. Amu Pɔlu, amu iyi ǹ jɛ mɔkɔ ngbo, nɔ wee nsɛi ǹ wa piisɔ̃ɔ na irii Jesu Kirisi,

Piɛɛ 1, 2:11

Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.