Kɔrɛnti 2, 1:8 - Bibeli do fee

⁸ Iŋɛ inɛ nwa ŋa, à bi i mà ŋa wahala iyi í ba wa si ilɛi Azii í caa. Í re gbugbã nwa hee a kù tamaa mà aa ka wɛɛ si hunde má.

Kɔrɛnti 2, 1:8 Iomraidhean Croise

Woo bɛ ŋa 16:6

Hundei Ilaaɔ̃ í ganji Pɔlu ŋa a waazo idei Ilaaɔ̃ si ilɛi Azii, ŋɔi í jɔ̀ à too do ikpa ilɛi Firizi do ti Galati.

Woo bɛ ŋa 2:9

Si inɔ nwa inɛ gɔ ŋa à naai hai ilɛi Paati do hai Mɛɛdi do Elami, do hai ilɛi Mezopotami do Zudee do Kapadosi do Pɔntu do hai ilɛi Azii.

Romu 1:13

Iŋɛ inɛm ŋa, ǹ bi i mà ŋa iyi tuuba nkpɔ nkpɔi ǹ ya n ce sɔɔlui ku naa bi tu ŋɛ, amma hee nsɛi n kù ba fayaɛ. Ǹ bi icɛm ku nɛ iso si anini nŋɛ, bɛi í nɛ bi dimi mmu gɔ ŋa mɔ.

Kɔrɛnti 1, 15:32

Inɛ ŋa iyi à kɔ̀sim Efɛɛzu bɛ à yɛi bɛi mɛɛmui sako ŋa iyi awaò ŋa à waa jabu. Aranfãani yoomai ǹ nɛ bii í jɛ ǹ wa n jabui na didɔ̃i andunyau ihɛ̃ nŋu akã. Bii í jɛ iku ŋa a kaa jĩ, ka jɛ nɔ ka mɔ domi ala aa ka ku.

Kɔrɛnti 1, 16:9

domi Ilaaɔ̃ í cĩim kpãa nla nla n ceò icɛ ihɛ̃ iyi á nɛ aranfãani, baa bii mbɛɛ ŋa à kpɔ.

Kɔrɛnti 1, 4:8

Ì waa ce bɛi inɛ ŋa iyi à nɛ mii iyi à bi fei tã ŋa, bɛi inɛ ŋa iyi à jɛ ilu amani tã. Ì waa ce má bɛi inɛ ŋa iyi à jɛ bomma nɔ awa a kù wa si. Á sĩa bii ì jɛ bomma do ntɔ ŋa awaɛ ŋa fei ka buba si bommau ajɔ.

Kɔrɛnti 2, 1:9

À tamaa bɛi à yɛ taale nwa á kpa wai. Amma ideu ihɛ̃ í ba wai ku ba ka mà iyi kù sĩa ka dasi naanɛ nwa si awa taka nwa, amma ka dasi naanɛ nwa fei si Ilaaɔ̃ nŋu akã iyi á jĩ iku ŋa.

Kɔrɛnti 2, 6:9

À waa cɔ wa bɛi a kù mà wa, baa bii inɛ fei í mà wa sãa sãa. À waa cɔ wa bɛi inɛ ŋa iyi à kasãm, amma hee nsɛi à wɛɛ si baani. À kpã wa iju ntɔ ntɔ, amma a kù kpa wa.

Samuɛli 1, 20:3

Amma Davidi í sɔ̃ɔ í ni, ntɔ ntɔ bɛɛbɛi. Amma baaɛ í mà kãm kãm iyi awɔ kpaasim nii. Á yɔkɔ ku fɔ si idɔɛ ku ni, kù sĩa Zonatãa ku mà domi inɔɛ á fɔ bii í gbɔ. Amma ǹ wa n sɔ̃ɛ do irii Aɔ̃ Lafɛ̃ɛ fei hee do kuwɛɛɛ fei, kuwɛɛm ku re agbãawɔ akã má si ilɛu ihɛ̃.

Samuɛli 1, 27:1

Ŋɔi Davidi í fɔ si idɔɛ í ni, bii n kù ce laakai, ajɔ akã Saulu á naa ku kpam. Nkãma kù gbeem má bii kù jɛ n sa n koo n manji si ilɛi inɛi Filisi ŋa ku ba Saulu ku maà maa dɛdɛm si ilɛi Izirɛli bii fei. Bɛɛbɛi an ba n fitaò hai si awɔɛ.