Kɔrɛnti 2, 1:7 - Bibeli do fee

⁷ À waa naanɛ ŋɛ ntɔ ntɔ domi à mà, si bɛi ì nɛ ikpɛ̃ si ijuukpã nwa ŋa, bɛɛbɛ mɔi Ilaaɔ̃ á tũ idɔ nŋɛ si bɛi wa tũ tu wa.

Kɔrɛnti 2, 1:7 Iomraidhean Croise

Matie 23:30

Nɔ ì waa ni ŋa, bii í jɛ si waatii bala nwa ŋai à dede wo a kaa ka dasi baa nwa si walii ŋau ku kpa.

Kɔrɛnti 1, 10:13

I kù yɛ dimii laakai ku cɔ gɔ ŋa iyi kù jɛ dimi iyi inɛ fei í ya yɛ. Ilaaɔ̃ ilu naanɛ kaa jɔ̀ a cɔ laakai nŋɛ ku re zaka bɛi aa yɔkɔ i temuaò ŋa. Amma si laakai ku cɔ baa yooma fei í ya nyi ku ce bi ku fita má ku ba i yɔkɔ temua ŋa.

Kɔrɛnti 2, 12:20

Ǹ wa n ce njo bii ǹ na ǹ to wa bi tu ŋɛ n maa n na n ba ŋɛ bɛi n kù bi, iŋɛ mɔ, i maa ti i na i bam bɛi i kù bi ŋa. Ǹ wa n ce njo ija do igu ku maà wa si ŋɛ, do idɔɔkɔ̃, do njɛ ku wã, do arabu ŋa, do irii inɛ ku sɔ, do faau, do mii hai nɛ yaase.

Kɔrɛnti 2, 7:9

Amma nsɛi inɔm í dɔ̃. Kù jɛ na iyi í jɔ̀ ǹ fɔ inɔ nŋɛ, amma si na iyi í jɔ̀ inɔ kufɔ nŋɛ í jɔ̀ ì kpaasi daa ŋa. Bɛɛbɛi í ce si na iyi í jɔ̀ Ilaaɔ̃ í ceò inɔ kufɔ nŋɛ icɛ. Na nŋu, a kù ce nŋɛ laalɔ kãma.

Timɔtee 2, 2:12

Bii à temua, aa ka jɛ bomma do nŋu ajɔ. Bii à nɔ à kɔ̀siɛ, nŋu mɔ á kɔ̀si wa.

Timɔtee 2, 3:11

Ì mà bɔ̃nɛ iyi à nyisim do ijuukpã iyi í bam si ilui Antiɔsi do Ikonimu do Lisitu. Kù nɛ bɔ̃nɛ gɔ iyi n kù yɛ bɛ. Amma Lafɛ̃ɛ í nyam hai si fei ndɛɛ.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.