Kɔrɛnti 2, 1:6 - Bibeli do fee

⁶ Bii à yɛ ijuukpã, na iri nŋɛi, ku ba i ba faaba ŋa nɔ Ilaaɔ̃ ku tũ idɔ nŋɛ. Bii Ilaaɔ̃ í nɔ í tũ idɔ nwa, na iri nŋɛi, iŋɛ mɔ i temua ŋa do ijuukpã dimi akã do iyi à waa yɛu, nɔ idɔi iŋɛ mɔ ku tũ.

Kɔrɛnti 2, 1:6 Iomraidhean Croise

Woo bɛ ŋa 21:5

Amma iyi ajɔi kunɛ nwa í to à nyi bi akɔu má. Aŋa fei do abo nŋa ŋa do ama nŋa ŋa à naa à leekĩ nwa hai iluu. Awa fei à gulɛ itĩi tenkuu nɔ à ce kutɔɔ.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Kɔrɛnti 2, 1:4

Wa tũ idɔ nwa si wahala baa yooma nwa fei. Í ya ce bɛɛbɛi ku ba awa mɔ ka yɔkɔ ka tũ idɔi inɛ ŋa iyi à waa wahala do yaase bɛi í tũò ti awa mɔ.

Kɔrɛnti 2, 12:15

Inɔ didɔ̃m nii n jɛ mii iyi ǹ nɛ fei, nɔ n loò aram na hunde nŋɛ. Bii kubi nŋɛ iyi ǹ nɛ wa kɔ̃ɔsi, kubi iyi ì bim ŋa á kaye?

Kɔrɛnti 2, 5:5

Inɛ iyi í jilɛ nwa mii ŋau ihɛ̃ nŋui í jɛ Ilaaɔ̃. Nŋui í mu nwa Hundeɛ bɛi kaazigi.

Efɛɛzu 3:1

Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Efɛɛzu 3:13

Na nŋu, ǹ wa n tɔɔ ŋɛ i maà mɔngɔ temua ŋa na ijuukpã iyi ǹ wa n yɛ na iri nŋɛ, domi ijuukpãu, nŋui á jɔ̀ i nɛ bɛɛrɛ ŋa ntɔ ntɔ.

Filipi 1:19

domi ǹ mà iri ku kpai iyi ihɛ̃ nŋui í jɛ faabam na saabui kutɔɔ nŋɛ, do sobii Hundei Jesu Kirisi.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.