Kɔrɛnti 2, 1:4 - Bibeli do fee

⁴ Wa tũ idɔ nwa si wahala baa yooma nwa fei. Í ya ce bɛɛbɛi ku ba awa mɔ ka yɔkɔ ka tũ idɔi inɛ ŋa iyi à waa wahala do yaase bɛi í tũò ti awa mɔ.

Kɔrɛnti 2, 1:4 Iomraidhean Croise

Iri ku kɔ̃ 32:5

Ŋɔi ǹ jɔ̀ ì mà dulum dom nɔ n kù singaɛ kuraram, ǹ ni, an ce tuubai kuraram ŋa bi Aɔ̃ Lafɛ̃ɛ. Nɔ ì kpa kuraram ŋa do dulum dom ŋau. Kusĩmi.

Iri ku kɔ̃ 32:7

Awɔi ì jɛ bi ku manjim, awɔi ì ya degbem si waatii wahala, ì jɔ̀ inɛ ŋa iyi à waa dɔ̃ anu do inɔ didɔ̃ na faabam à kaakom. Kusĩmi.

Iri ku kɔ̃ 66:16

I naa i gbɔ ŋa, iŋɛ iyi ì waa jirima Aɔ̃ Lafɛ̃ɛ ŋa. An fɔ mii iyi í ceem si kuwɛɛm.

Iri ku kɔ̃ 86:17

Ce ngɔgɔ iyi á jɔ̀ n yɛ jiida ku jɛɛ ku ba inɛ ŋa iyi à cém ŋa a yɔɔ nɔ anyɔ ku mu ŋa, domi awɔ Aɔ̃ Lafɛ̃ɛi ì faabam nɔ ì tũ idɔm.

Ezai 12:1

Iŋɛ inɛi Izirɛli ŋa, iŋɛ iyi Aɔ̃ Lafɛ̃ɛ í faaba, ajɔ nŋu bɛi aa ni ŋa, à waa saabuɛ Aɔ̃ Lafɛ̃ɛ, domi baa do iyi idɔɛ í kɔ̃ si wa fei wo, idɔɔkɔ̃ɛu í sũ nɔ ì tũ idɔ nwa.

Ezai 40:1

Aɔ̃ Lafɛ̃ɛ nŋɛ í ni, i tũ idɔi inɛm ŋa ntɔ ntɔ ŋa.

Ezai 49:10

Ari kaa kpa ŋa má, nɔ agbɛ mɔ kaa kpa ŋa má. Inya gbãai gbaau do ti inunu kaa wahala ŋa má, domi inɛ iyi í nɛ araare nŋau á jɛ woo gbã nŋa, nɔ nŋui á gbã ŋa ku bɔò ŋa bi isɔ̃ ŋa.

Ezai 51:12

Ŋɔi Aɔ̃ Lafɛ̃ɛ í ni, amui ǹ wa n mu nŋɛ gbugbã, nɔ ntɔ ntɔ amu akãi ǹ wa n mu nŋɛ gbugbã. Iŋɛ inɛm ŋa, na mii í ce ì waa ce njoi amanɛ ŋa, aŋa iyi aa na a ku nɔ a kpa iri bɛi fɔfɔ ŋa.

Ezai 51:3

Ntɔ ntɔ Aɔ̃ Lafɛ̃ɛi á tũ inɔi Siɔ̃ɔ. Á tũ inɔɛi si kucukui idĩi iluɛ ŋau. Á jɔ̀ gbaaɛu ku baa ku yɛ bɛi Edɛni, nɔ lɔɔma hai nɛ inyiɛu ku baa ku jɛ bɛi lamboi Aɔ̃ Lafɛ̃ɛ. Aa ba siɛ inɔ didɔ̃ nla nla do saabu do iri ku kɔ̃ ŋa.

Ezai 52:9

Idĩ kukui Zeruzalɛmu ŋa, i dɔ̃ anu do inɔ didɔ̃ ŋa, domi Aɔ̃ Lafɛ̃ɛ á tũ idɔi zamaaɛu nɔ nŋui á ya Zeruzalɛmu.

Laabaau jiida iyi Zãa í kɔ 14:16

Nɔ an tɔɔ Ilaaɔ̃ Baaba ku mu nŋɛ Woo mua gbugbã mmuɛ wa, iyi á maa wɛɛ do iŋɛ hee do ajɔ fei.

Laabaau jiida iyi Zãa í kɔ 14:18

N kaa n jɔ̀ ŋɛ kɔyɔ. An na n nyi wa bi tu ŋɛ má.

Laabaau jiida iyi Zãa í kɔ 14:26

Amma Hundei Ilaaɔ̃, Woo mua gbugbãu, á maa kɔ ŋɛ si mii fei, nɔ ku maa ye ŋɛ gigii ide ŋa iyi ǹ tako ǹ sɔ̃ ŋɛ fei. Nŋui Baaba á bɛ nŋɛ wa do irim nɔu.

Kɔrɛnti 2, 7:13

Na ŋɔi í jɔ̀ à ba gbugbãu. Kù nɔ kù jɛ gbugbã nŋu akãi à ba, amma iyi í re mɔm, à yɛ iyi Titee í wɛɛò inɔ didɔ̃ si na iyi í jɔ̀ iŋɛ fei ì tũ inɔɛ ŋa. Nŋu bɛi í jɔ̀ inɔ didɔ̃ nwa í kɔ̃ɔsi má.

Kɔrɛnti 2, 7:4

Ǹ wa n naanɛ ŋɛ ntɔ ntɔ, nɔ ǹ wa n tɔɔ fufu na iri nŋɛ si mii fei. Ǹ ba gbugbã na iri nŋɛ nɔ inɔm í dɔ̃ í caa si ijuukpã nwa fei.

Filipi 1:14

Ile piisɔ̃ɔ ku wam í mua kpaasi woo dasi Lafɛ̃ɛ Jesu naanɛ nkpɔ gbugbã í kɔ̃ɔsi à waa sisiò idei Ilaaɔ̃ do idɔ ku buba do wɔɔkɔ.

Tɛsalonika 1, 4:18

Na nŋu, i jɔ̀ i ya maa mua njɛ gbugbã ŋa na ideu ihɛ̃.

Tɛsalonika 1, 5:11

Na nŋu, i ya mua njɛ gbugbã ŋa nɔ i ya maa sobi njɛ ku ba i la si naanɛ ku dasi nŋɛ, si bɛi ì waa ce tã ŋa.

Ebɛɛ 12:12

Na nŋu, awɔ nŋɛ ŋa do ilugũ nŋɛ ŋa iyi à gbɛɛji ŋau i mu nŋa gbugbã ŋa.