Kɔrɛnti 2, 1:3 - Bibeli do fee

³ Ka saabu Ilaaɔ̃, Baai Lafɛ̃ɛ nwa Jesu Kirisi, nŋui í nɛ araare, nɔ nŋui í ya maa tũ idɔ nwa waati kãma fei.

Kɔrɛnti 2, 1:3 Iomraidhean Croise

Kusintii Andunya 14:20

Ka saabu Ilaaɔ̃ iyi í re mii fei, nŋu iyi í daɛ mbɛɛ ŋa si awɔ. Nɔ andi mii iyi Aburamu í ba wa, si mɛɛwa fei í nya akã í naa.

Bomma 1, 29:10

Ŋɔi Davidi wa saabu Aɔ̃ Lafɛ̃ɛ si wajui zamaau fei. Davidi wa ni, saabui í jɛ tɛɛ Aɔ̃ Lafɛ̃ɛi Izirɛli, awɔ iyi ì jɛ baa nwa hai tako hee do ajɔ fei.

Neemi 9:5

Si anyiɛ inɛi Levii gɔ ŋa mɔ à saabu Ilaaɔ̃. Aŋa iyi à saabu Ilaaɔ̃ ŋau wee. Zozue do Kadimiɛli do Bani do Hasabunia do Serebia do Hodiya do Sebania do Petaya. Aŋai à sɔ̃ zamaa à ni a dede a saabu Aɔ̃ Lafɛ̃ɛ nŋau hai nnyi hee do ajɔ fei. Nɔ à ni, Aɔ̃ Lafɛ̃ɛ, jɔ̀ inɛ fei ku saabuɛ, awɔ iyi í nɛ amboe nla nla. Amboeɛu í kpeeò ku fɔ do gɛlɛ.

Zɔɔbu 1:21

í ni, basĩi iyem í bím wa nɔ basĩi an nyi má. Aɔ̃ Lafɛ̃ɛi í muum, nɔ nŋui í gbaa má. Ka saabu Aɔ̃ Lafɛ̃ɛ.

Iri ku kɔ̃ 18:46

Awɔi ì ya jɔ̀ a kua gbugbã. Awɔi ì ya jɔ̀ a fita hai si ile ku nɛ gbugbã nŋa à maa yaya.

Iri ku kɔ̃ 68:35

I jɔ̀ i mà gbugbãi Ilaaɔ̃ ŋa. Yiikoɛ í wa si Izirɛli nɔ lele í jɔ̀ à waa yɛ zaka bɛi gbugbãɛ í to.

Iri ku kɔ̃ 72:19

Saabu ku jɛ ti Aɔ̃ Lafɛ̃ɛ ilu amboe hee do ajɔ fei, nɔ andunyau fei ku kɔ̃ do amboeɛ. Ami. Ami.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Ezai 66:13

Do yaase bɛi iyei ama í ya maa lɛlɛ amaɛ, bɛɛbɛ mɔi amu mɔ an maa n lɛlɛ ŋɛ si ilui Zeruzalɛmu.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 9:9

Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.

Misee 7:18

Iwɛ̃ yoomai í yɛ bɛi awɔ Aɔ̃ Lafɛ̃ɛ, awɔ iyi ì ya kpa idei kurara nɔ ì ya cea inɛɛ ŋa iyi à gbe suurui dulum du ŋa. I ci ya maa mu idei idɔɔkɔ̃ hee do ajɔ fei, domi kubiɛ fei si jiida ku cei í ya wa.

Laabaau jiida iyi Zãa í kɔ 10:30

Nɔ amu do Baam fei akãi.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Kɔrɛnti 2, 11:31

Ka saabu Ilaaɔ̃ baai Lafɛ̃ɛ nwa Jesu do ajɔ fei. Nŋui í mà iyi n kù wa n sɔ ibo.

Kɔrɛnti 2, 7:6

Amma Ilaaɔ̃, nŋu iyi wa mua ilu inɔ kufɔ ŋa gbugbã, í jɔ̀ kunaai Titee í mu nwa gbugbã.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Filipi 2:11

Nɔ gɛlɛi inɛ fei ku jɛsi iyi Jesu Kirisii í jɛ Lafɛ̃ɛ. Nŋu bɛi á na Ilaaɔ̃ Baaba amboe.

Kolosee 1:3

Hai waati iyi à gbɔ bɛi ì dasi Jesu Kirisi naanɛ ŋa, do bɛi ì bi woo dasi Jesu naanɛ ŋa fei, à ya ka maa ce nŋɛ kutɔɔi waati kãma fei, ka maa saabu Ilaaɔ̃ Baai Lafɛ̃ɛ nwa Jesu Kirisi.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Zãa 2, 1:4

Ǹ nɛ inɔ didɔ̃ ntɔ ntɔ do iyi ǹ gbɔ amaɛ gɔ ŋa à waa nɛ si kpãai ntɔ, si bɛi Ilaaɔ̃ Baaba í jilɛ nwa.

Zãa 2, 1:9

Inɛ iyi kù leekĩ si kukɔsii Kirisi, nɔ í kɔ̃ɔsi tɛɛ, kù nɛ Ilaaɔ̃. Amma inɛ iyi wa leekĩ si, í nɛ Baaba do Ama.