Kɔrɛnti 2, 1:10 - Bibeli do fee

¹⁰ Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.

Kɔrɛnti 2, 1:10 Iomraidhean Croise

Iri ku kɔ̃ 34:19

Aɔ̃ Lafɛ̃ɛ í ya wa kɔkɔi ilu inɔ kufɔ ŋa, í ya faaba inɛ ŋa iyi a kù nɛ kpãa ku cɔ ŋa.

Ezai 46:3

Iŋɛ inɛi Izirɛli ŋa, i sotĩ i gbɔ ŋa. Iŋɛ iyi ì gbe si dimii Zakɔbu ŋa, iŋɛ iyi ǹ wa n mu hai waati iyi a kù bí ŋɛ, nɔ ǹ na ǹ wa n mu ŋɛ waati iyi à bí ŋɛ,

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 6:16

Ŋɔi mbɛɛi Daniɛli ŋau à kanju à nyi bi ilaaluu má nɔ à sɔ̃ɔ à ni, ilaalu, í jɔ ì mà iyi woodai inɛi Mɛɛdi ŋa do ti inɛi Pɛɛsi ŋau í ni, wooda iyi à jilɛ do ide iyi ilaalu takaɛ í jilɛ nɔ í dasi nyindaɛ, kù nɛ ku kpaasi ya.

Woo bɛ ŋa 26:21

Na ŋɔi í ce Zuifu ŋau à mum hai kpasɛ̃i Ilaaɔ̃ à waa dɛ ku kpam.

Romu 15:31

I tɔɔ Ilaaɔ̃ ku nyam hai si awɔi hai dasi Jesu naanɛ ŋa iyi à wa ilɛi Zudee, nɔ i ce kutɔɔ má ŋa ku ba woo dasi Jesu naanɛ ŋau a gba amua iyi ǹ wa n bɔò Zeruzalɛmu do awɔ minji.

Kɔrɛnti 2, 1:9

À tamaa bɛi à yɛ taale nwa á kpa wai. Amma ideu ihɛ̃ í ba wai ku ba ka mà iyi kù sĩa ka dasi naanɛ nwa si awa taka nwa, amma ka dasi naanɛ nwa fei si Ilaaɔ̃ nŋu akã iyi á jĩ iku ŋa.

Kɔrɛnti 2, 6:9

À waa cɔ wa bɛi a kù mà wa, baa bii inɛ fei í mà wa sãa sãa. À waa cɔ wa bɛi inɛ ŋa iyi à kasãm, amma hee nsɛi à wɛɛ si baani. À kpã wa iju ntɔ ntɔ, amma a kù kpa wa.

Timɔtee 1, 4:10

Na ŋɔi í ce à jabu à waa ceò icɛ, domi kpãa ku cɔ nwa si Ilaaɔ̃i í wa, nŋu iyi í jɛ icui kuwɛɛ, nɔ í jɛ woo faabai inɛ fei, woo dasi Jesu naanɛ ŋa mɔm nii à re.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Piɛɛ 2, 2:9

Bɛɛbɛ mɔi Aɔ̃ Lafɛ̃ɛ í mà bɛi á ce ku faaba inɛ ŋa iyi à mà bɛɛrɛɛ si wahala. Í nɔ í mà bɛi á mu inɛ laalɔ ŋa ku wahala ŋa si ajɔi kiiti.

Samuɛli 1, 17:37

Aɔ̃ Lafɛ̃ɛ í faabam hai si cikãawɔi mɛɛmui sako laalɔ ŋa, bɛɛbɛ mɔi á faabam má hai si awɔi inɛi Filisiu bɛ. Ŋɔi Saulu í sɔ̃ɔ í ni, koo, nɔ Aɔ̃ Lafɛ̃ɛ ku sobiɛ.

Samuɛli 1, 7:12

Ŋɔi Samuɛli í so kuta gɔ í jilɔɔ aninii Misipa do Seni nɔ í sɔɔ Ebenezɛɛ, waatɔ kutai sobi, nɔ í ni, hee ku naa tengi ihɛ̃, Aɔ̃ Lafɛ̃ɛ í sobi wa.