Timɔtee 1, 6:9 - Bibeli do fee

⁹ Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Timɔtee 1, 6:9 Iomraidhean Croise

Ilaalu 1, 21:6

Ŋɔi í jɛaa í ni, ǹ koo ǹ sɔ̃ Nabɔti inɛi Yizireɛliu ǹ ni ku taam ikoi jĩi ndii rezɛ̃ɛɛ, walakɔ n kpaasi do iyi í ce jiida í re titɛɛu. Amma í kɔ̀.

Iri ku kɔ̃ 11:6

Mii iyi á cuku si ilu inɔ kukã ŋa wai í jɛ ina nyɛnyɛ do fainwita do fufu ku nɛ inya gbãa gɔ. Mii ŋau bɛi aa jɛ ikpɛ̃ iyi aa ba.

Mɔnda ŋa 15:27

Inɛ iyi wa bi nŋu ku jɛ ilu amani do kpãa laalɔ á fa laalɔ wa si kpasɛ̃ɛ, amma inɛ iyi ci ya jɛ a raa á ba hunde sisɔ.

Mɔnda ŋa 20:21

Amani iyi inɛ í ba anu akã ci ya na ku ba kuwee ku kpɛ si.

Mɔnda ŋa 21:6

Amanɛ ku sɔ ibo ku bɛi ku baò fia, fiau á na ku lɔi bɛi cua nɔ ku bɔò lafɛ̃ɛ si iku.

Mɔnda ŋa 22:16

Inɛ iyi wa wahala ilu are na nŋu ku ba amani, walakɔ inɛ iyi wa cea ilu amani ŋa amua, á na ku dasi are.

Mɔnda ŋa 23:4

Maà wahala araɛ na amani. Maà lasabuò mɔm.

Ezai 5:8

Inɔ kufɔi á jɛ ti inɛ ŋa iyi à ya maa kɔ̃ɔsi kpasɛ̃ si kpasɛ̃ nŋa ŋa, nɔ à ya maa kɔ̃ɔsi iko ŋa si iko nŋa ŋa hee ku to tengi bii aŋai aa gba inya nla nla, nɔ à wɛɛ aŋa akã si ilɛu.

Zakari 11:5

Inɛ ŋa iyi à ra ŋa à ya koo à saka ŋai nɔ a ci ya yɛ taalei ara nŋa. Inɛ ŋa mɔ iyi à ta ŋa à ya maa nii, ka saabu Aɔ̃ Lafɛ̃ɛ, domi à ba riba nla nla. Woo degbe nŋa ŋa taka nŋa a kù nɛ baa araare.

Kuka 31:8

À kpa ilaalu miiui Madiãa ŋau, iri nŋa wee. Evi do Rekɛmu do Suu do Huu do Reba. À kpa Balamu amai Beɔɔ mɔ, do inɛ ŋa iyi à gbe ŋau fei.

Matie 13:22

Inɛ mɔ iyi í gba ideu bɛi si ilɛ ku nɛ agũ ŋau, wa gbɔ ideu amma lasabu bututui mii ŋa iyi wa bitandiɛ do fia ku bi iyi wa dĩ ijuɛ, aŋai à ya ganji ideu ku ce icɛ si inɛɛu.

Matie 19:22

Iyi awaasũu í gbɔ bɛɛbɛ ŋɔi í sinda í nɛ do inɔ kufɔ domi ilu amani nla nlai.

Matie 26:15

í bee ŋa í ni, mii aa muum ŋa bii ǹ da nŋɛ Jesu si awɔ. Nɔ à ka fia isɔ fũfũ ara kuntaa à naa.

Matie 6:19

Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do gbugbã a koo a ce ileɛ.

Maaku 4:19

amma lasabu bututui mii ŋa wa bitandi ŋa. Fia ku bi wa dĩ iju nŋa nɔ à nɛ kɔdɛɛi mii nkpɔ. Mii ŋau bɛi wa ganji ideu ku ce icɛ si ŋa.

Luku 12:21

Ŋɔi Jesu í ni, bɛɛbɛ mɔi á jɛ bi inɛ iyi wa koa araɛ amani nɔ bi Ilaaɔ̃ kù nɛ nkãma.

Luku 21:35

domi á na ku ba inɛ ŋa iyi à wa si andunyau ihɛ̃ fei.

Woo bɛ ŋa 8:20

Amma Piɛɛ í sɔ̃ɔ í ni, awɔ do fiaɛ fei aa ce nfe, domi ì tamaa bɛi aa yɔkɔ i ra amuai Ilaaɔ̃ do fiai.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Wooda ku kɔsi 7:25

Aa dasi mii ŋa iyi à jɔ iwɛ̃ nŋa ŋa iyi à gbe ŋau fei ina ŋai. I maà jɔ̀ kɔdɛɛ nŋɛ ku lɔ si isɔ fũfũ do wura iyi à daa iwɛ̃ nŋa ŋau si ku ba mii ŋau bɛ a maà na a jɛ nŋɛ cɛkũm, domi mii ŋau bɛ fei, Aɔ̃ Lafɛ̃ɛ wa cɔ ŋa mii laalɔi.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 1, 3:7

Si anyii nŋu, í sĩa hai dasi Jesu naanɛ ŋa a máa jɛ sɛɛda jiidaɛ ku ba a maà dondaɛ, nɔ ku maà na ku dasi cɛkũm dii Seetam.

Timɔtee 1, 6:10

Bɛɛbɛi á ce si na iyi í jɔ̀ kubii fiai í jɛ icãi laalɔ ikã ikã baa yooma fei. Nŋui inɛ gɔ ŋa à lɔsi ku dɛ hee à yaa hai si kpãai naanɛ ku dasi, à baa à dasi ara nŋa si kpãai wahala.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 2, 2:26

nɔ laakai nŋa ku baa, a gbã hai si taai Seetam, nŋu iyi wa mu ŋa wo nɔ í jɔ̀ à waa ce idɔɔbiɛ.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Zozue 7:11

Inɛi Izirɛli ŋau à ce dulum nii, a kù jirima akabuu iyi awaò ŋa à dĩ. À so mii ŋa iyi ǹ ganji ŋa ǹ ni a maà na a so. Mii ŋa iyi à sou, mii ndom ŋai, à ce ilei mii ŋau nɔ à singaɛ si aso nŋa ŋa.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Zudu 1:11

Aa yɛ ijuukpã, domi tuubai Kaɛ̃ɛi à waa too, à dasi ara nŋa kurara ku ba a ba fia bɛi Balamu í ce, nɔ à kɔ̀si Ilaaɔ̃ bɛi Kore í ce nɔ à ce nfei ara nŋa.