Timɔtee 1, 6:6 - Bibeli do fee

⁶ Ntɔi, kpãai Ilaaɔ̃ ku tɔɔ amani nla gɔi, bii amanɛ wa saabu si mii iyi í nɛ.

Timɔtee 1, 6:6 Iomraidhean Croise

Ilaalu 2, 6:2

Jɔ̀ ka bɔ hee idoi Zuudɛ̃ɛ inɛ fei koo da jĩi wa ka na ka gũ bi kuwa mmu. Nɔ í ni a koo.

Iri ku kɔ̃ 37:16

Amani keeke iyi inɛ dee dee í nɛ, í tia amani bututui inɛ laalɔ ŋa.

Iri ku kɔ̃ 84:11

Ajɔ akã iyi aa ka ce si bantumaɛ, í re ajɔ dubu iyi aa ka ce inya mmu. Amu, ǹ cica n koo n wa andɛ kpasɛ̃i Aɔ̃ Lafɛ̃ɛ do iyi an koo n wa si kpasɛ̃i ilu inɔ kukã,

Kufita 2:21

Iyi Moizi í naa ŋɔi í dasi idɔ nŋu ku gbe bi inɛɛu bɛ, nɔ inɛɛu í muaa ama inaaboɛ iyi à ya kpe Sefora.

Mɔnda ŋa 15:16

Í sĩa i nɛ nyankuti i maa màò bɛɛrɛi Aɔ̃ Lafɛ̃ɛ do iyi aa jɛ ilu amani nɔ i maa wɛɛò zigiida.

Mɔnda ŋa 16:8

Á sĩa i ba amani keeke do yaase jiida, do iyi aa ce mii iyi kù sĩa i baò amani nkpɔ nkpɔ.

Mɔnda ŋa 28:25

Ilu kɔdɛɛ í ya dede ijai, amma inɛ iyi í dasi Aɔ̃ Lafɛ̃ɛ naanɛ á ba amani.

Zeremi 35:9

A ci ya ka ma ile ka bɛi ka ba bii aa ka sũ. Nɔ a kù nɛ jĩi ndii rezɛ̃ɛ ŋa do iko ŋa hee má jɛ ilɛ ŋa bii aa ka gbɛ̃.

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 3:14

Ŋɔi sooge gɔ ŋa mɔ à beeɛ à ni, awa mɔ ni, bɛirei aa ka ce. Nɔ í sɔ̃ ŋa í ni, i maà ya gba fiai inɛ gɔ do gbugbã ŋa, nɔ i maà ya má inɛ gɔ ide, nɔ i maà ya donda iyi à waa sã nŋɛ.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Filipi 1:21

Ntɔ ntɔ, bi tom bii ǹ wɛɛ, na irii Kirisii ǹ wɛɛ, bii ǹ nɔ ǹ ku mɔi, an ba riba.

Timɔtee 1, 4:8

Ntɔi, icɛi ara aranfãaniɛ kù la, amma idei Ilaaɔ̃ ku leekĩ si í nɛ aranfãani si mii fei, domi si bɛi à nɛ kuwɛɛi nsɛi do ti ala.

Timɔtee 1, 6:8

Na nŋu, bii à nɛ ijɛ do nyau ŋa í nɛ ku to wai wo.

Ebɛɛ 13:5

I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.