Timɔtee 1, 6:4 - Bibeli do fee

⁴ lafɛ̃ɛ ilu faau nla nlai, kù mà nkãma. Amma wa ce bɔ̃ɔi kakɔɔ do ide ku fengee. Nɔ hai bɛi igu do ija do arabu wa naa, nɔ nŋui í ya jɔ̀ inɛ ŋa a ci ya naanɛ njɛ.

Timɔtee 1, 6:4 Iomraidhean Croise

Mɔnda ŋa 13:7

Inɛ gɔ ŋa à waa ce ara nŋa ilu amani, a kù bɛi a kù nɛò nkãma. Amma inɛ gɔ ŋa à waa ce ara nŋa ilu are, nɔ à nɛ amani nkpɔ nkpɔ.

Mɔnda ŋa 25:14

Inɛ iyi wa tɔɔ fufu si inɔ akãɛ nɔ awɔɛ ci ya bɛi ku fũ í yɛi bɛi kudũi ijĩ do fufu nɔ ijĩu kù wɔ.

Mɔnda ŋa 26:12

Bii ì yɛ inɛ gɔ wa cɔ araɛ ilu bisi, idei nnyɛi á nɛ kpãa ku cɔ ku re ti inɛɛu bɛ.

Ezai 58:4

Bii ì waa dĩ anu ŋa, ija do kakɔɔ ŋai í ya jɛ, nɔ ì ya maa da njɛ kutu ŋai. I ci ya dĩ anu bɛi ì nɛ i ce si ajɔu ku ba n jɛ nŋɛ wa hai lele.

Woo bɛ ŋa 15:2

Iyi Pɔlu do Baanabasi à gbɔ bɛɛbɛ ŋɔi à ba ŋa kakɔɔ ku ce jiida jiida si ideu. Ŋɔi woo dasi Jesu naanɛ ŋau à cica Pɔlu do Baanabasi do inɛ gɔ ŋa hai ilui Antiɔsi bɛ à bɛ ŋa Zeruzalɛmu bi woo bɛ ŋau do inɛ ngbo ŋau na irii ideu.

Woo bɛ ŋa 18:15

Amma bii í jɛ idei kakɔɔ ŋai do idei irii inɛ ŋa do woodai iŋɛ taka nŋɛi, iŋɛi aa wũa ndu ŋɛ. N kaa n jɛ woo kiitii ide dimi bɛɛbɛ.

Woo bɛ ŋa 8:9

Wee mɔkɔ gɔ mɔ í wa si iluu bɛ, à ya kpoo Simɔɔ. Í ya maa ce dobu dobu í jɔ̀ inɛi ilu ŋau fei à biti nɔ í ce araɛ inɛ nla.

Romu 12:16

I ya nɛ anu akã ŋa, i maà jɔ̀ lasabui ara ku so ku wa si ŋɛ, amma i ya kaye ara nŋɛ ŋa. I maà ya jilɛ ara nŋɛ ilu bisi ŋa.

Romu 13:13

I jɔ̀ ka nɛ dee dee awa iyi à jɛ inɛi inya kumá ŋa. Ka maà jɔ̀ ijɛ ku bi nwa do atɛ̃ ku mɔ nwa ku la ku caa, ka maà nɛ adɛi abo do daa bɛɛtɛkɛ ku ce, nɔ ka jɔ̀ ija do igu.

Romu 14:1

I gba inɛ iyi naanɛ ku dasiɛ kù nɛ gbugbã, nɔ i maà ya yɛ taalei ide iyi wa lasabu.

Romu 2:8

Amma inɛ ŋa iyi à waa ce idɔɔbii ara nŋa nɔ a kù waa ceò ntɔ icɛ í gbe laalɔ, aŋai aa yɛ idɔɔkɔ̃ nlaɛ.

Kɔrɛnti 1, 11:16

Bii inɛ gɔ wa bi ku ba wa kakɔɔ ku ce si ideu bɛ, amu de ǹ wa n fɔ iyi si inɔ nwa do si igbɛi inɛi Ilaaɔ̃ ŋa a kù nɛ dɔ̃ɔnɛ mmu gɔ má.

Kɔrɛnti 1, 11:18

Sinte, à sɔ̃m à ni bii ì tɔtɔɔ ŋa inɛ gɔ ŋa à wa si inɔ nŋɛ iyi iŋɛò ŋa i ci ya nɛ anu akã. Nɔ ǹ tamaa ntɔi.

Kɔrɛnti 1, 3:18

Inɛ gɔ ku maà lɛlɛ araɛ. Inɛ gɔ nŋɛ iyi í tamaa nŋu í nɛ bisi si andunyau ihɛ̃ ku jɔ̀ ku jɛ nnyɛi ku ba ku yɔkɔ ku jɛ ilu bisi ntɔ ntɔ.

Kɔrɛnti 1, 3:3

si na iyi í jɔ̀ ì waa too idɔɔbii ara titã ŋa. Ntɔ ntɔ, igu do kakɔɔ í wa si anini nŋɛ, nɔ iyi bɛ wa nyisi iyi ì waa too idɔɔbii ara nŋɛi. Isɛɛnɛ nŋɛ ŋa mɔ í yɛi bɛi ti inɛi andunya ŋa.

Kɔrɛnti 2, 11:20

Ì waa coko à waa ce ŋɛ aru ŋa, à waa ce ŋɛ ile, à waa takii ŋɛ, nɔ à waa donda ŋɛ, nɔ à waa sambala ŋɛ.

Galati 5:15

I maà ya maa ŋɔ njɛ ŋa bɛi mɛɛmui sako ŋa. I ce laakai ŋa ku ba i maà ce nfei njɛ ŋa.

Galati 5:26

Kù sĩa ka jɛ ilu faau, walakɔ woo kosi inɛ ŋa, walakɔ ka maa ce igu si awa duusɔ̃ɔ.

Galati 6:3

Bii inɛ gɔ wa cɔ araɛ ngɔgɔ nɔ wee kù jɛ ngɔgɔ, wa lɛlɛ araɛi.

Filipi 1:15

Ntɔi, inɛ gɔ ŋa à waa sisi idei Kirisi do igu do njɛ ku wã, amma inɛ gɔ ŋa à waa cooi do yaase jiida.

Filipi 2:14

Mii iyi ì waa ce fei i coo ŋa kugbagba ku maà wa si walakɔ kakɔɔ,

Filipi 2:3

I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Kolosee 2:18

I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Tɛsalonika 2, 2:4

Mbɛɛi Ilaaɔ̃i wa jɛ. Á so araɛ ku re mii fei, nɔ ku kɔ̀si Ilaaɔ̃ do mii iyi inɛ ŋa à waa tɔɔ fei. Kpasɛ̃i Ilaaɔ̃ mɔm nii á koo ku buba ku maa kpe araɛ Ilaaɔ̃.

Timɔtee 1, 1:4

Sɔ̃ ŋa a maà ti a dasi laakai nŋa si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà. Nŋu ŋau bɛi wa naaò kakɔɔ ŋa wa, kaa nɔ ku mua inɛ ŋa gbugbã si naanɛ ku dasi nŋa icɛi Ilaaɔ̃ ku bɛi ku bɔ waju.

Timɔtee 1, 1:7

À bi aŋa a jɛ woo kɔ inɛ ŋa si cioi woodai Ilaaɔ̃, amma aŋa taka nŋa a kù mà yaasei ide iyi à waa fɔ baa do iyi à waa fɔɔ do naanɛ nla nla.

Timɔtee 1, 3:6

Nɔ kù sĩa ku jɛ inɛ iyi í dasi Jesu naanɛ titɔ̃ titɔ̃, domi á yɔkɔ ku na ku nɛ faau nɔ Ilaaɔ̃ á yɛ taaleɛ bɛi í yɛ taalei Seetam.

Timɔtee 2, 2:14

Ye inɛɛ ŋa gigii ide ŋau ihɛ̃ fei nɔ i kɔnkɔn du ŋa si wajui Ilaaɔ̃ i ni a maà ya maa ce kakɔɔ si ide ŋa, domi dimii kakɔɔ bɛɛbɛ kù nɛ aranfãani kãma, í gbe ku jɔ̀ inɛ ŋa iyi à waa gbɔɔ a ce nfe.

Timɔtee 2, 2:23

Amma maà ya ce kakɔɔ si mii iyi kù nɛ aranfãani do iyi kù nɛ yaase, domi ì mà kãm kãm iyi nŋui í ya na ku bí ija.

Timɔtee 2, 3:4

Aa jɛ ilu zamba ŋa, a kaa nɛ lasabu jiida, aa nɛ faau. Aa bi faayii andunya ku re Ilaaɔ̃.

Titee 3:9

Amma i ya fɛò kudɛdɛi ide hai nɛ yaase ŋa ku ce, nɔ i maà ya dasi laakaiɛ si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà, nɔ i maà ya maa ce kakɔɔ hai tã si gãmɛi wooda. Iyi bɛ fei ngbɛi, kù nɛ aranfãani kãma.

Zaaki 1:19

Baakɔɔm ŋa, ì mà ideu ihɛ̃ tã ŋa. Na nŋu, í sĩa inɛ fei ku ya saku ku gbɔò ide, nɔ ku maà ya saasaò ide ku fɔ, nɔ idɔɛ ku maà ya kɔ̃ gbãa gbãa.

Piɛɛ 2, 2:12

Amma inɛ ŋau à ya maa bu mii iyi a kù mà. À yɛi bɛi mɛɛmui sako ŋa iyi a kù nɛ lasabu kãma, nɔ aa ce nfei bɛi mɛɛmui sako ŋau iyi à bí ku ba a mu ŋa a kpa ŋa.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.

Zudu 1:10

Amma inɛ ŋau, mii iyi a kù mà yaaseɛ fei à ya buui. Nɔ baa mii ŋa iyi à mà bɛi mɛɛmu ŋa mɔ à ya mà, nŋui í ya ce nfe nŋa.

Zudu 1:16

Inɛ ŋau, à ya maa gbagbai, nɔ nkãma kù wɛɛ iyi í ya sĩa nŋa si, binɛ nŋai wa cua nŋa. À ya maa tɔɔ fufui nɔ à ya maa lɛlɛ inɛ ŋai do ide didɔ̃ ku ba a ba mii ndii lafɛ̃ɛ ŋa.

Kuyɛi Zãa 3:17

Ì ya fɔ i ni ŋa ì jɛ ilu fia ŋa, ì ba amani ŋa, nɔ i kù waa ce arei ngɔgɔ ŋa. Amma ǹ wa n sɔ̃ ŋɛ iyi idɔ nŋɛ wa ce bɔ̃ɔ, ì jɛ ilu araare ŋa do ilu are do fɛɛju do basĩ ŋa.