Timɔtee 1, 6:20 - Bibeli do fee

²⁰ Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 1, 6:20 Iomraidhean Croise

Woo bɛ ŋa 16:1

Ŋɔi Pɔlu do Silasi à to Dɛɛbu. Si anyiɛ nɔ à bɔ Lisiti. Wee inɛ gɔ í wa bɛ wa too kpãai Jesu. À ya kpoo Timɔtee. Iyeɛ Zuifu woo dasi Jesu naanɛi, amma baaɛ Gɛrɛkii.

Woo bɛ ŋa 17:18

Si bɛi í ya maa ba ŋa kakɔɔ ku ce ŋɔi woo mà gɔ ŋa iyi à ya kpe Epikuri do Sitosi ŋa à bɔ bi tɛɛ à waa baa kakɔɔ ku ce. Inɛ gɔ ŋa à ni, woo ce ide nkpɔ yoomai ihɛ̃. Nɔ inɛ gɔ ŋa mɔ, iyi à gbɔ wa fɔ idei ikui Jesu do kujĩɛ má à ni, mà iwɛ̃ mmu gɔ ŋai wa fãa ya.

Woo bɛ ŋa 17:21

Wee inɛi Atɛni ŋa fei do inɛ njoo ŋa iyi à na à buba ilu bɛ à ya so waati nŋa fei a maa fɔ walakɔ a gbɔò baaui mii titɔ̃i.

Romu 1:22

À waa tamaa aŋa à nɛ bisi amma nnyɛi à na à ce.

Romu 3:2

Ntɔ ntɔ aranfãaniɛ í la si mii fei. Sinte, Zuifu ŋai Ilaaɔ̃ í daa ideɛ si awɔ.

Kɔrɛnti 1, 2:6

Do nŋu fei, idei bisi gɔi à waa sisia inɛ ŋa iyi à jĩa si naanɛ ku dasi nŋa. Amma kù jɛ bisii andunyau ihɛ̃ walakɔ bisii inɛ nla ŋau aŋa iyi à waa bɔ nfe ku ce.

Kɔrɛnti 1, 3:19

Í sĩa ku ce bɛɛbɛi domi bisii andunya í yɛi bɛi idei sũmu si kuyɛi Ilaaɔ̃. Kukɔi idei Ilaaɔ̃ takaɛ í ni, Ilaaɔ̃ í ya mu ilu bisi ŋai do idei bisi laalɔi aŋa taka nŋa.

Kolosee 2:18

I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Kolosee 2:8

Nɔ i ya ce laakai ku ba inɛ gɔ ku maà na ku mu ŋɛ do taaɛ do bisii nŋu takaɛ walakɔ do ide ŋa iyi à ya dĩò ijui amanɛ ŋa. Mii nŋu ŋau bɛ wa naai hai si dedembai amanɛ ŋa do mii ndii andunya ŋa, kù jɛ hai bi Kirisi.

Tɛsalonika 2, 1:4

Ŋɔi í jɔ̀ à waa tɔɔ fufu na iri nŋɛ si igbɛi inɛi Ilaaɔ̃ ŋa na temua nŋɛ do naanɛ ku dasi nŋɛ si ijuukpã do wahala nŋɛ fei.

Tɛsalonika 2, 2:15

Na nŋu, iŋɛ inɛ nwa ŋa, i leekĩ dim dim i mu ide ŋa iyi à kɔ ŋɛ si gɛlɛò gɛlɛ walakɔ si tia nwa ŋau.

Timɔtee 1, 1:11

Cio jiidau í naai hai si laabaau jiida iyi à daam si awɔ. Ilaaɔ̃ ilu amboe iyi í ya weea inɛ ŋai laabaau jiidau wa fãa.

Timɔtee 1, 1:2

Ǹ ceɛ tiau ihɛ̃ wai Timɔtee, awɔ iyi ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 1, 1:4

Sɔ̃ ŋa a maà ti a dasi laakai nŋa si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà. Nŋu ŋau bɛi wa naaò kakɔɔ ŋa wa, kaa nɔ ku mua inɛ ŋa gbugbã si naanɛ ku dasi nŋa icɛi Ilaaɔ̃ ku bɛi ku bɔ waju.

Timɔtee 1, 1:6

Wee inɛ gɔ ŋa à yaa hai si ideu bɛ nɔ à koo à lɔ si kakɔɔ nfe ku ce.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 1, 4:7

Amma kɔ̀si ará hai nɛ yaase ŋa iyi a kù waa too si idei Ilaaɔ̃. Hanya i ce kuwɛɛɛ si bɛi á dɔ̃a Ilaaɔ̃ si.

Timɔtee 1, 6:11

Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Timɔtee 1, 6:14

jirima wooda nɔ kuwɛɛɛ ku maà nɛ riisi do taale gɔ hee ku toò ajɔ iyi Lafɛ̃ɛ nwa Jesu Kirisi á faata wa.

Timɔtee 2, 2:1

Na nŋu, awɔ amam, mua araɛ gbugbã si didɔ̃ iyi à nɛ do anu akã nwa iyi à ce do Jesu Kirisi.

Timɔtee 2, 2:16

Amma waasu ide ŋa iyi a kù nɛ aranfãani gɔ nɔ a kaa sobi inɛ ŋa si naanɛ ku dasi nŋa, domi inɛ ŋa iyi à waa ce bɛɛbɛ à ya na a jĩò Ilaaɔ̃ a maa kooi.

Titee 1:14

nɔ a maà na a too si arái Zuifu ŋau, walakɔ woodai inɛ ŋa iyi à yaa hai si kpãai ntɔ.

Titee 1:4

Amu Pɔlu ǹ wa n ceɛ tiau ihɛ̃ wai, Titee. Si bɛi do saabum nii ì dasiò Jesu naanɛ bɛi amu mɔ, nŋui í jɔ̀ ì jɛ amaabím. Ilaaɔ̃ Baaba do Jesu Kirisi woo faaba nwa a muuɛ didɔ̃ do laakai akã.

Titee 1:9

Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.

Titee 3:9

Amma i ya fɛò kudɛdɛi ide hai nɛ yaase ŋa ku ce, nɔ i maà ya dasi laakaiɛ si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà, nɔ i maà ya maa ce kakɔɔ hai tã si gãmɛi wooda. Iyi bɛ fei ngbɛi, kù nɛ aranfãani kãma.

Kuyɛi Zãa 3:3

Na nŋu, i ye gigii mii iyi à kɔ nŋɛ si do bɛi ì gbɔ ŋa. I jirimaɛ ŋa nɔ i kpaasi idɔ nŋɛ. Bii i kù jĩ hai si iri njoo ŋa, an naa n ba ŋɛ bɛi ile. I kaa mà waati iyi an naa si ŋɛ.