Timɔtee 1, 6:19 - Bibeli do fee

¹⁹ Bɛɛbɛi aa singaa ara nŋa amani jiidai ala iyi kaa bɛjɛ nɔ a ba kuwɛɛ iyi í jɛ kuwɛɛ do ntɔ.

Timɔtee 1, 6:19 Iomraidhean Croise

Iri ku kɔ̃ 17:14

Kpa ŋa do taakuba, nɔ i tambɔ ŋa do awɔɛ. Mii iyi í nɛ ku ba ŋai í jɛ a maà wɛɛ si hunde má. Jɔ̀ a mɔ inyi kuro iyi ì jilɛ nŋa. Jɔ̀ ama nŋa ŋa a mɔɔ hee ku kpa ŋa nɔ a jɔ̀a tɔku nŋa ŋa iyi í gbeu.

Mɔnda ŋa 10:25

Bii wahala í dede bɛi fufu dabii, í ya gbangaa inɛ laalɔ ŋai, amma inɛ dee dee ŋa à ya maa leekĩ dim dim hee do ajɔ fei.

Mɔnda ŋa 31:25

Gbugbã do bɛɛrɛi à jɛ boodaɛ. Zigiɛ ci ya daò ala.

Woo lasabu 11:2

I ya cea inɛ nkpɔ amua domi i kù mà wahala iyi á na ku baɛ si andunya.

Matie 19:21

Ŋɔi Jesu í sɔ̃ɔ í ni, bii ì bi i kɔ̃ dee dee, koo ta mii iyi ì nɛ fei, nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 12:33

I ta mii iyi ì nɛ ŋa nɔ i mua ilu are ŋa fiau. I cea ara nŋɛ taalili iyi kaa gbo ikpa lele si bii aa dasi amani nŋɛ iyi kaa tã. Tengi bɛ ile kaa tosi, nɔ tũtũ ŋa mɔ a kaa bɛjɛɛ.

Luku 16:25

Ŋɔi Aburahamu í ni, amam, ye gigi iyi ì ba mii jiidaɛ tã hai andunya, nɔ Lazaa mɔ í yɛ wahala. Wee ihɛ̃ nsɛi inɔɛ í tũ nɔ awɔ mɔ ì waa yɛ ijuukpã.

Luku 16:9

Ŋɔi Jesu í sɔ̃ ŋa í ni, amanii andunya iyi ì nɛ, i ya dɛdɛò kpaasi ŋa ku ba bii í na í tã Ilaaɔ̃ ku gba ŋɛ si andunya titɔ̃ɛ.

Luku 18:2

Í ni, woo kiiti gɔ í wa si ilu nla gɔ, kù mà bɛɛrɛi Ilaaɔ̃, kù nɔ kù waa jirima inɛ kãma.

Luku 18:22

Iyi Jesu í gbɔ bɛɛbɛ, ŋɔi í sɔ̃ɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Efɛɛzu 3:17

nɔ Kirisi ku ce bi kuwaɛ si idɔ nŋɛ na naanɛ ku dasi nŋɛ. Nɔ ǹ wa n tɔɔ má ku jɔ̀ i nɛ gbugbã i maa leekĩ dim dim si kubi ŋa,

Filipi 3:12

Kù jɛ ǹ mà Kirisi bɛɛbɛ titã n kù toò awɔ kù nɔ kù jɛ ǹ kɔ̃. Amma ǹ wa n ce kookaai fei ku ba n màa, domi Jesu Kirisi í cem titɛɛ.

Filipi 3:14

Bɛɛbɛi ǹ ce ǹ wa n bɔò waju bɛi inɛ iyi wa ce gaasai kusɛi, ku ba n ba riba iyi Ilaaɔ̃ wa kpe wa ka na ka gba lele do saabui Jesu Kirisi.

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Timɔtee 2, 1:1

Amui Pɔlu, woo bɛi Jesu Kirisi si idɔɔbii Ilaaɔ̃. Ilaaɔ̃ í dasim n sisi idei kuwɛɛ iyi í wãò wa si anu akã nwa do Jesu Kirisi.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Piɛɛ 1, 1:4

Nɔ í jilɛ nwa tubu iyi kaa bɛjɛ, kaa riisi, nɔ kusĩaɛ kaa tã. Tubuui à jilɛ nŋɛ lele,