Timɔtee 1, 6:18 - Bibeli do fee

¹⁸ Sɔ̃ ŋa a ce mii iyi í sĩa, a jɛ ilu amani si jiida ku ce, nɔ a ya kpɛ̃a inɛ ŋa amani nŋa do inɔ didɔ̃.

Timɔtee 1, 6:18 Iomraidhean Croise

Bomma 2, 24:16

Ŋɔi à suu si ilui Davidi bi balɛi ilaalu ŋau, si na iyi í jɔ̀ í ce jiida si ilɛi Izirɛli, do si gãmɛi Ilaaɔ̃ do kpasɛ̃ɛ.

Iri ku kɔ̃ 112:9

Í ya cea ilu are ŋa amua do inɔ akã, nɔ Ilaaɔ̃ í ya jɔ̀ ntɔ ku maa wɛɛai hee do ajɔ fei. Gbugbãɛ do bɛɛrɛɛ í ya maa kɔ̃ɔsii.

Iri ku kɔ̃ 37:3

Dasi Aɔ̃ Lafɛ̃ɛ naanɛ nɔ i maa ce mii iyi í sĩa. Wa si ilɛu nɔ i maa jɛ kuwɛɛɛ si dee dee ku jɛ.

Woo lasabu 11:6

Na nŋu, i ya gbɛ̃ hai daakɔ nɔ i maà leekĩ icɛu hee alɛ koo lɛò, domi i kù mà icɛ yoomai á jɛ jiida walakɔ bii aa na i ba aranfãani si icɛɛ fei.

Woo lasabu 3:12

Mii iyi í jɛ jiida iyi í gbea amanɛ nŋui í jɛ ku wɛɛò inɔ didɔ̃ nɔ ku ya ce jiida si kuwɛɛɛ fei,

Ezai 32:8

Amma inɛ iyi í jɛ ilu bɛɛrɛ, lasabui mii iyi í nɛ bɛɛrɛi í ya ce, nɔ mii nŋu ŋau bɛi í ya maa ceò icɛ.

Ezai 58:7

Mii iyi ì nɛ i cei í jɛ, i kpɛ̃ sɔndaɛ do inɛ iyi ari wa kpa, nɔ ilu are ŋa mɔ iyi a kù nɛ bi kuwa, i gbã ŋa i baaò ŋa wa kpasɛ̃ɛ. Inɛ mɔ iyi ì yɛ í wɛɛ basĩ, i bii anyiɛ, nɔ inɛ mɔ iyi iŋɛò ì jɛ ara akã, maà saa.

Matie 5:42

Bii inɛ gɔ í tɔɔɛ mii gɔ, muaa. Bii inɛ gɔ í naa mii gɔ ku kãaye bi tɛɛ, maà kɔ̀.

Luku 12:21

Ŋɔi Jesu í ni, bɛɛbɛ mɔi á jɛ bi inɛ iyi wa koa araɛ amani nɔ bi Ilaaɔ̃ kù nɛ nkãma.

Luku 3:11

Nɔ í jɛ nŋa í ni, inɛ iyi í nɛ ibɔ minji ku so akã ku mua kpaasiɛ iyi kù nɛ, nɔ inɛ mɔ iyi í nɛ ijɛ ku kpɔ̃ɔ do kpaasiɛ.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Woo bɛ ŋa 11:29

Si bɛi inɛ ŋa iyi à waa too kpãai Jesuu à gbɔ bɛɛbɛ ŋɔi à dasi idɔ aŋa a samba amua ŋa zaka bɛi inɛ fei í nɛ, ku ba ku sobi kpaasi nŋa ŋa iyi à wa ilɛi Zudee.

Woo bɛ ŋa 9:36

Wee si ilui Zopee inaabo woo dasi Jesu naanɛ gɔ í wa bɛ à ya kpoo Tabita. Nŋui à ya kpe Dɔɔkasi má do feei Gɛrɛki, waatɔ kabua. Í nɛ daa jiida nɔ í ya maa sobi ilu are ŋa.

Romu 12:13

I ya sobi inɛ ŋa iyi à jɛ ti Ilaaɔ̃ si bukaatai mii iyi à bi. Nɔ i ya yaaɛ inɛ njoo ŋa.

Romu 12:8

Inɛ mɔ iyi í nɛ amuai inɛ ŋa ku mua gbugbã ku coo. Inɛ mɔ iyi í ya yɔkɔ ku ce amua ku coo do inɔ akã. Inɛ ngbo ku ce icɛɛ do himma. Inɛ iyi í nɛ amuai ilu are ŋa ku sobi ku coo do inɔ didɔ̃.

Kɔrɛnti 1, 16:2

Si ajɔ amaazuma fei í sĩa inɛ fei ku ya nya fiaɛ ikã zaka bɛi á yɔkɔ, ku ba i maà ti i degbe hee waati iyi ǹ to wa i bɛi i maa tɔtɔɔ fiau ŋa.

Kɔrɛnti 2, 8:12

Bii ì na do inɔ akã, Ilaaɔ̃ í ya gbai. Zaka bɛi ì nɛi í ya cɔ, nɔ baaɛ ci ya wa si iyi i kù nɛ ŋa.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Efɛɛzu 4:28

Inɛ iyi í ya ce ile wo, ku maà ce ile má, amma ku ya ce icɛ do awɔɛ. Bɛɛbɛi á ba mii jiida ŋa iyi á sobiò ilu are ŋa.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 13:16

I maà gbɛjɛ jiida ku ce, nɔ i ya maa sobi njɛ ŋa, domi dimii kuwee bɛɛbɛ í ya dɔ̃a Ilaaɔ̃ si.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Piɛɛ 1, 3:11

Í sĩa ku saa laalɔ nɔ ku ce jiida, í sĩa ku maa dɛ laakai ku sũ waati kãma fei,

Zãa 1, 3:17

Bii inɛ gɔ í nɛ amani si andunyau ihɛ̃, nɔ í yɛ kpaasiɛ í wa si are nɔ í toaa anyi, bɛirei kubii Ilaaɔ̃ á ce ku wa si inɛɛu bɛ.

Zãa 3, 1:11

Awɔ baakɔɔm, maà too kuce laalɔ, í gbe kuce jiida. Inɛ iyi wa ce jiida, ti Ilaaɔ̃i, amma inɛ iyi wa ce laalɔ kù mà Ilaaɔ̃.