Timɔtee 1, 6:17 - Bibeli do fee

¹⁷ Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 1, 6:17 Iomraidhean Croise

Kusintii Andunya 13:2

Aburamuu í baa í jɛ ilu amani, í nɛ mɛɛmu ŋa do isɔ fũfũ do wura.

Bomma 2, 26:16

Amma waati iyi í ba gbugbã, ŋɔi í so araɛ lele í kua woodai Aɔ̃ Lafɛ̃ɛ. Nɔ iyi bɛ í dasiɛ nfe ku ce. Ajɔ nŋu gɔ í lɔ hee inɔ kpasɛ̃i Aɔ̃ Lafɛ̃ɛ koo jo tuae si bi kuweei tuaeu.

Iri ku kɔ̃ 104:28

Bii ì mu nŋa sɔnda, aa gbai. Bii ì fũ awɔɛ, aa ba mii iyi í jɔ feii.

Iri ku kɔ̃ 52:7

Si bɛɛbɛ, Ilaaɔ̃ á kɛkɛɛi hee do ajɔ fei. Á tɛɛsɛɛi, nɔ ku nyaɛ hai si ilei acɔɛ nɔ nŋui á leekĩ kuwɛɛɛ si ilɛu ihɛ̃. Kusĩmi.

Iri ku kɔ̃ 62:10

Ntɔ ntɔ, amai amanɛ ŋa à yɛi bɛi fufu. Amanɛ ŋa ilu ibo ŋai. Si kiloo akãi aŋa fei à ya gũ ajɔ, nɔ à ya fɛlɛi bɛi fufu.

Iri ku kɔ̃ 62:8

Si Ilaaɔ̃i faabam do bɛɛrɛm í wa, nŋui í jɛ kuta ku nɛ gbugbãm. Ilaaɔ̃i í jɛ bi ku manjim.

Mɔnda ŋa 11:28

Inɛ iyi wa kaaba amaniɛ á cuku, amma inɛ dee dee ŋa aa maa bɔ wajui bɛi wua tũtũ iyi wa la.

Mɔnda ŋa 23:5

Hai ì yɔsi amani iju gbakã ì ya ba wee í fangaa í tã tãi. Í yɛi bɛi amaniu í ce ikpa ŋai nɔ í fo hee lele bɛi kungbã.

Mɔnda ŋa 30:9

Á yɔkɔ ku jɛ bii ǹ na n jɛ ilu amani an na n kɔ̀siɛ nɔ n maa n ni, yooi í jɛ Aɔ̃ Lafɛ̃ɛ, walakɔ bii are í mantem an na n lɔsi ile ku ce nɔ n bɛjɛò iriɛ.

Woo lasabu 2:24

Mii iyi í jɛ jiida iyi í gbea amanɛ, nŋui í jɛ ku jɛ do ku mɔ nɔ ku nɛ inɔ didɔ̃ si icɛɛ. Nɔ ǹ yɛ iyi Ilaaɔ̃i á muaa didɔ̃u bɛ,

Zeremi 2:31

Iŋɛ inɛi nsɛi ŋa, i sotĩ i gbɔ idem nɔu do laakai ŋa. Amui ǹ baa ǹ yɛ bɛi ilɛ gbaa bi tu ŋɛ walakɔ bɛi ilɛi ilu kuku nla nla? Na mii í ce iŋɛ inɛm ŋa ì fɔ ì waa ni ŋa, à nɛ ara nwa. A kù bi ka nyi wa bi tɛɛ.

Zeremi 49:4

Na mii í ce ì waa saabu araɛ na lɔɔmaɛ ŋau. Lɔɔmaɛ ŋau bɛ si kpãai nfe ku cei à wa bɛ, awɔ iyi ì jɛ bɛi ama inaabo, awɔ woo kɔ̀ ide iyi naanɛɛ fei í wa si amaniɛ ŋa, nɔ ì ya fɔ i maa ni, yooi á jɛ ku naa sim igũ.

Ezekiɛli 16:56

Ì ya maa fɔ laalɔi Sodomui waati iyi ì ya maa so araɛ leleu.

Daniɛli 4:30

Nɔ tengi bɛ gbakã, bɛɛbɛi ideu í ce. À leleɛi í fita hai si inɔi amanɛ ŋa, nɔ fɔfɔi í ya maa ŋɔ bɛi kɛtɛ ŋa. Ikpã í ya naai hai lele ku jɔ̀ araɛ kú cɔ̀. Iriɛ í wu nto ŋai bɛi ntoi kungbã. Nɔ cikãawɔɛ do cikãasɛɛ ŋa mɔ à sɔi bɛi ti yɛi ŋa.

Ozee 13:6

Amui ǹ gbã ǹ bɔòɛ tuu bii aa jɛ, nɔ ì ba ì jɛ hee ì yo. Amma waati iyi ì ba ì jɛ ì yo, ì baa ì nɛ faau, nɔ ì gbɛjɛm.

Matie 12:32

Bii amanɛ wa fɔ laalɔi Amai Amanɛ Ilaaɔ̃ á yɔkɔ ku kpa idei dulum dɛɛ. Amma inɛ iyi wa fɔ taalei Hundei Ilaaɔ̃ kaa ba a kpa idei dulum dɛɛ hai nnyi hee do ala fei.

Matie 19:23

Ŋɔi Jesu í sɔ̃ mɔcɔɛ ŋa í ni, ntɔ ntɔ ǹ wa n sɔ̃ ŋɛi, á gaabua ilu fia ku lɔ tengi bii Ilaaɔ̃ í jɛ bommaɛ.

Matie 25:16

Ŋɔi gbakã amaacɛ iyi à na fia kpɛkɛlɛ miiuu í so fiau wa ceò sĩa, nɔ í ba riba miiu má.

Matie 27:57

Iyi alɛ í lɛ, ŋɔi mɔkɔ ilu fia gɔ í koo bɛ. À ya kpoo Zozɛfu, inɛi Arimateei. Nŋu mɔ mɔcɔi Jesui wa jɛ.

Matie 6:32

Hai mà idei Ilaaɔ̃ ŋai à ya maa kpataa mii ŋau bɛ fei, amma Baa nŋɛ iyi í wa lele í mà iyi ì nɛ bukaatai mii ŋau bɛ fei ŋa.

Maaku 10:24

Ŋɔi mɔcɔ ŋau à biti do ide iyi Jesu í fɔu. Nɔ Jesu í ni má, kpaasim ŋa, á gaabu hee ku caa inɛ ku jɛsi Ilaaɔ̃ ku jɛ ilaaluɛ.

Luku 19:2

Wee mɔkɔ ilu fia gɔ í wa bɛ à ya kpoo Zakee, wa jɛ inɛ ngboi woo gba fiai lɛmpoo ŋa.

Luku 3:11

Nɔ í jɛ nŋa í ni, inɛ iyi í nɛ ibɔ minji ku so akã ku mua kpaasiɛ iyi kù nɛ, nɔ inɛ mɔ iyi í nɛ ijɛ ku kpɔ̃ɔ do kpaasiɛ.

Woo bɛ ŋa 14:17

Amma do nŋu fei í nyisi wa iyi nŋu í wɛɛ domi wa ce nwa jiida ŋa. Í jɔ̀ ijĩ wa wɔ ku ba ka ba ijɛ si iko si waatii atɛ ku ba ka nɛ inɔ didɔ̃.

Woo bɛ ŋa 14:27

Iyi à to Antiɔsi ŋɔi à tɔtɔɔ inɛi igbɛi Jesu ŋa nɔ à sisi nŋa mii iyi Ilaaɔ̃ í cea aŋa fei do si bɛi í ceò kpãa hai jɛ Zuifu ŋa mɔ à dasiò naanɛ.

Woo bɛ ŋa 17:25

Awɔi amanɛ kaa yɔkɔ ku muaa nkãma, domi kù nɛ bukaatai ngɔgɔ. Nŋu takaɛi wa mua amanɛ ŋa kumi do kuwɛɛ do mii fei.

Romu 11:20

Ntɔi, à da ŋai na naanɛ hai dasi nŋa, nɔ awɔ mɔ ì wa agbɛu bɛi na naanɛ ku dasiɛ. Maà tɔɔ fufu, amma ce laakai,

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Wooda ku kɔsi 33:15

Iri kuta ŋa do geete ŋa iyi à biiɛ hai ku kpɛui í jɔ̀ í nɛ taasi.

Wooda ku kɔsi 8:17

I ce laakai i maà na i fɔ si idɔ nŋɛ i ni, si gbugbã nwa do kookaai nwai à baò amani ŋau ihɛ̃.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Tɛsalonika 1, 1:9

Inɛ ŋa à waa fɔ bɛi ì mu wa ŋa si waati iyi à naa bi tu ŋɛu, do bɛi ì jɔ̀ iwɛ̃ ku tɔɔ ŋa, ì kpaasi idɔ ì sinda si Ilaaɔ̃ ŋa ku ba i ceaa icɛ ŋa, nŋu akã iyi í jɛ Ilaaɔ̃ do ntɔ nɔ nŋui í jɛ icui kuwɛɛ.

Timɔtee 1, 1:3

Nsɛi, ǹ bi i buba Efɛɛzu si bɛi ǹ sɔ̃ɛ wo si waati iyi ǹ bɔ ilɛi Masedɔni. Inɛ gɔ ŋa à wa bɛ iyi à waa kɔ inɛ ŋa si cio mmu. Ganji ŋa.

Timɔtee 1, 3:15

ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Timɔtee 1, 4:10

Na ŋɔi í ce à jabu à waa ceò icɛ, domi kpãa ku cɔ nwa si Ilaaɔ̃i í wa, nŋu iyi í jɛ icui kuwɛɛ, nɔ í jɛ woo faabai inɛ fei, woo dasi Jesu naanɛ ŋa mɔm nii à re.

Timɔtee 1, 5:21

Ǹ wa n tɔɔɛ si wajui Ilaaɔ̃ do Jesu Kirisi do si wajui amaleka kumáɛ ŋa, gbɔ idei kukɔsiu ihɛ̃, maà ti i ce njoi ijui inɛ gɔ. Nɔ i maà ti i ce ngɔgɔ na kubii kpaasi.

Timɔtee 1, 6:13

Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Timɔtee 1, 6:9

Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Timɔtee 2, 4:10

domi Demasi í jɔ̀m í bɔ Tɛsalonika si na iyi í jɔ̀ í bi andunya kaa kaa. Kɛrɛsãa, inɛ nŋu í nɛ ikpa ilɛi Galati nɔ Titee mɔ í nɛ ikpa ilɛi Dalumasi.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Titee 3:6

Ilaaɔ̃ í mu nwa Hundeɛ do inɔ akã na saabui Jesu Kirisi woo faaba nwa,

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.