Timɔtee 1, 6:16 - Bibeli do fee

¹⁶ Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Timɔtee 1, 6:16 Iomraidhean Croise

Zɔɔbu 37:23

Inɛ kãma nwa kaa to bii Ilaaɔ̃ ilu gbugbã fei í wa. Ilaaɔ̃ í lai na gbugbãɛ, nɔ í lai na dee dee kú jɛɛ, ntɔɛ kù nɛ lɛɛfi. Nɔ ci ya taa inɛ ŋa gbugbã.

Iri ku kɔ̃ 104:2

Ì bii araɛi do inya kumá bɛi ibɔ nla, nɔ ì tɛ lele bɛi acɔ.

Iri ku kɔ̃ 90:2

Hee i maa ce iri kuta ŋa, nɔ hee i maa taka andunya, awɔ Ilaaɔ̃ ì wɛɛi hai ku kpɛ, nɔ aa maa wɛɛi hee do ajɔ fei.

Kufita 3:14

Nɔ Ilaaɔ̃ í sɔ̃ Moizi í ni, amui ǹ jɛ inɛ iyi í wɛɛ. Sɔ̃ inɛi Izirɛli ŋa i ni, inɛ iyi wa kpe araɛ Amui ǹ wɛɛ, nŋui í bɛm wa bi tu ŋɛ.

Kufita 33:20

Amma do nŋu fei, i kaa yɔkɔ i yɛm ijuò iju, domi inɛ kãma kù wɛɛ iyi á yɛm ijuò iju nɔ kú wɛɛ si hunde má.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Abakuku 3:4

Í yɛi bɛi inya kumá. Inya kumá iyi wa daana hai si awɔɛi wa fita, nɔ si bɛi gbugbãɛ í wa.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 14:9

Ŋɔi Jesu í jɛaa í ni, Filipu, hai ku kpɛi ǹ wa inɔ nŋɛ ihɛ̃ nɔ i kù màm? Inɛ iyi í yɛm í yɛ Ilaaɔ̃ Baabai. To, na mii í ce ì waa ni, nyisi wa Ilaaɔ̃ Baaba má.

Laabaau jiida iyi Zãa í kɔ 6:46

Inɛ kãma kù yɛ Ilaaɔ̃ Baaba do iju, í gbe amu iyi ǹ naa hai bi tɛɛu.

Laabaau jiida iyi Zãa í kɔ 8:58

Ŋɔi Jesu í ni, ntɔ ntɔ ǹ wa n sɔ̃ ŋɛ, ǹ wɛɛ mɔm wo hai waati iyi a kù bí Aburahamu.

Efɛɛzu 3:21

Í sĩa inɛi igbɛɛ ŋa a jɔ̀ inɛ ŋa a mà bɛɛrɛɛ waati kãma fei hee do ajɔ fei do saabui Jesu Kirisi. Ami.

Wooda ku kɔsi 32:40

Ǹ ya n wu awɔ lelei nɔ n ce kugbasi n ni, hee do kuwɛɛm iyi kù nɛ kɔɔ fei,

Filipi 4:20

Amboei Ilaaɔ̃ Baa nwa ku wɛɛ do ajɔ fei. Ami.

Kolosee 1:15

Inɛ gɔ kaa yɔkɔ ku yɛ Ilaaɔ̃. Amma Kirisi Amaɛu Ilaaɔ̃i, nɔ à yɔɔ, í nɔ í jɔɔi dee dee. Kirisiu í wɛɛi hai waati iyi a kù taka andunya.

Timɔtee 1, 1:17

Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.

Ebɛɛ 13:8

Jesu Kirisi ci ya kpaasi hai ana do nnyi hee do ajɔ fei.

Zaaki 1:17

Amua jiida do amua kusĩa baa yooma fei hai lelei Aɔ̃i í ya naa. Wa naai hai bi Ilaaɔ̃ Baaba, nŋu iyi í ce inya kumái lele ŋa. Ilaaɔ̃ ci ya kpaasi nɔ ilu kuku kù wa siɛ.

Zãa 1, 1:5

Laabaau iyi à gbɔ hai bi Jesu Kirisi, nɔ à waa sisi nŋɛ wee. Ilaaɔ̃i í jɛ inya kumá, ilu kuku kãma kù wa siɛ.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.

Zãa 1, 4:12

Inɛ gɔ kù yɛ Ilaaɔ̃ ajɔ gɔ, amma bii à bi njɛ, Ilaaɔ̃ í wa si wa, nɔ kubiɛ á kɔ̃ si idɔ nwa.

Kuyɛi Zãa 1:6

Nɔ í tɔtɔɔ wa í jɛ ilaalu nwa, í ce wa woo weei Ilaaɔ̃ baaɛ. Amboe do gbugbã ku jɛ tɛɛ hee do ajɔ fei. Ami.

Kuyɛi Zãa 1:8

Aɔ̃ Lafɛ̃ɛ, ilu gbugbã fei, nŋu iyi í wɛɛ, iyi í tako í wɛɛ wo, nɔ nŋui wa naa í ni, amui ǹ jɛ sinte do iri ku kpa.

Kuyɛi Zãa 21:3

Nɔ ǹ gbɔ ide ku fɔ nla gɔ hai bi kitãi bommau í ni, nsɛi bi kuwai Ilaaɔ̃ í wɛɛ do amanɛ ŋa. Ilaaɔ̃ á maa wɛɛ do aŋa, nɔ aa jɛ inɛɛ ŋa. Ilaaɔ̃ takaɛ á wa si anini nŋa.

Kuyɛi Zãa 22:5

Idũ kaa ya dũ bɛ. A kaa nɛ bukaatai inya kumái fitila walakɔ ti inunu, domi Aɔ̃ Lafɛ̃ɛi á jɛ inya kumá nŋa. Aa nɔ a jɛ bomma hee do ajɔ fei.

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.

Kuyɛi Zãa 7:12

à ni, ami. Kucĩ do amboe do kumà do saabu do bɛɛrɛ do gbugbã do yiiko, fei ndɛɛ ku jɛ ti Ilaaɔ̃ Lafɛ̃ɛ nwa hee do ajɔ fei. Ami.