Timɔtee 1, 6:13 - Bibeli do fee

¹³ Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Timɔtee 1, 6:13 Iomraidhean Croise

Matie 27:11

Ŋɔi à koo à leekĩ Jesu si wajui Pilati ilu ilɛu, nɔ í beeɛ í ni, awɔi ì jɛ ilaalui Zuifu ŋa? Nɔ Jesu í jɛaa í ni, awɔi ì fɔɔ.

Matie 27:2

Nɔ à dũu à koo à daa Pilati ilu ilɛu si awɔ.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 19:11

Ŋɔi Jesu í jɛaa í ni, i kaa nɛ gbugbã kãma sim, bii kù jɛ Ilaaɔ̃i í naɛ wa. Nŋui í jɔ̀ inɛ iyi í dasim si awɔɛ, dulum dɛɛ í re baa tɛɛ.

Laabaau jiida iyi Zãa í kɔ 5:21

Ntɔ ntɔ, si bɛi Ilaaɔ̃ Baaba í ya jĩ iku ŋa nɔ ku ce ŋa ilu hunde, bɛɛbɛ mɔi amu Amaɛu an mua inɛ ŋa iyi ǹ cica kuwɛɛ.

Laabaau jiida iyi Zãa í kɔ 5:26

Si bɛi Baaba takaɛ í jɛ irii kuwɛɛ, bɛɛbɛ mɔi í jɔ̀ amu Amaɛ ǹ jɛ.

Woo bɛ ŋa 17:25

Awɔi amanɛ kaa yɔkɔ ku muaa nkãma, domi kù nɛ bukaatai ngɔgɔ. Nŋu takaɛi wa mua amanɛ ŋa kumi do kuwɛɛ do mii fei.

Kɔrɛnti 2, 9:13

Amuau á dɔ̃a inɛ ŋa si hee ku jɔ̀ a maa saabu Ilaaɔ̃ do yaase bɛi ì waa jirimaɛ ŋa. Ilaaɔ̃ ku jirima nŋɛi wa nyisi iyi ì dasi laabaau jiidai Kirisi naanɛ ŋa. Nɔ aa nyi a saabuɛ má do yaase bɛi ì ce ikpɛ̃i amani nŋɛ do inɔ akã do aŋa hee do inɛ ŋa iyi à gbe fei.

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Wooda ku kɔsi 32:39

Na nŋu, nsɛi i jɔ̀ i mà ŋa iyi amu akãi an yɔkɔ n faaba inɛ. Amu akãi ǹ jɛ Aɔ̃ Lafɛ̃ɛ. Baai amu baasi, Ilaaɔ̃ mmuɛ kãma kù wɛɛ má. Amui ǹ ya n jɔ̀ inɛ ku ku, nɔ amui ǹ ya n jɔ̀ inɛ ku wɛɛ. Amui ǹ ya n mɛɛ inɛ, nɔ amui ǹ ya n jɔ̀ ku ba iri. Nɔ inɛ kãma kaa yɔkɔ ku gba inɛ gɔ hai si awɔm.

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 1, 1:15

Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,

Timɔtee 1, 2:5

Ntɔ ntɔ Ilaaɔ̃ akãi í wɛɛ, nɔ inɛ akã mɔi í wa si afei Ilaaɔ̃ do amanɛ ŋa ku ba ku jɔ̀ amanɛ ŋa a dɔ̃ do Ilaaɔ̃. Lafɛ̃ɛu nŋui í jɛ Jesu Kirisi, nŋu iyi í baa í jɛ amanɛ,

Timɔtee 1, 5:21

Ǹ wa n tɔɔɛ si wajui Ilaaɔ̃ do Jesu Kirisi do si wajui amaleka kumáɛ ŋa, gbɔ idei kukɔsiu ihɛ̃, maà ti i ce njoi ijui inɛ gɔ. Nɔ i maà ti i ce ngɔgɔ na kubii kpaasi.

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Kuyɛi Zãa 21:6

Nɔ í sɔ̃m má í ni, fei ndɛɛ í tã. Inɛ kãma kù takom nɔ inɛ kãma kaa naa do anyim. Amui ǹ jɛ sintei mii fei do iri ku kpaɛ. Inɛ iyi agbɛ wa kpa fei an jɔ̀ ku mɔ inyii isɔ̃ hai nɛ fia ku sã. Nɔ inɛ iyi í mɔ inyiu fei á maa wɛɛi.

Kuyɛi Zãa 22:1

Si anyii nŋu, amalekau í nyisim inyii ido iyi í ya na inɛ ŋa kuwɛɛ. Inyiu wa daana bɛi digi nɔ wa cã wa hai bi kitãi bommai Ilaaɔ̃ do ama angudãu.

Kuyɛi Zãa 3:14

Kirisi í ni má, kɔa amalekai igbɛi inɛm ŋa iyi í wa Laodisee. Kɔaa i ni, inɛ iyi à ya kpe Ami, woo jɛ sɛɛda ilu naanɛ iyi í jɛ ntɔu, nŋu iyi í jɛ icui mii iyi Ilaaɔ̃ í taka fei í ni,

Samuɛli 1, 2:6

Awɔ Aɔ̃ Lafɛ̃ɛ, awɔi ì ya jɔ̀ inɛ gɔ ŋa a ku, nɔ inɛ gɔ ŋa mɔ a wɛɛ, ì ya jɔ̀ inɛ gɔ ŋa a bɔ bi kuwai iku ŋa nɔ inɛ gɔ ŋa mɔ ì ya faaba ŋa.