Timɔtee 1, 6:12 - Bibeli do fee

¹² Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Timɔtee 1, 6:12 Iomraidhean Croise

Iri ku kɔ̃ 63:8

Awɔi ì jɛ woo sobim. Ǹ ya n nɛ inɔ didɔ̃i waati iyi ǹ wa si ikpaɛ ŋa.

Mɔnda ŋa 3:18

Jĩi ndii kuwɛɛi ti inɛ ŋa iyi à muu, nɔ inɛ ŋa iyi à kɔ̀ ku jɔ̀ɔ à ya nɛ inɔ didɔ̃.

Iri ku kɔ̃ iyi í dɔ̃ í re 3:4

Iyi ǹ lɔ ŋa gbakã ŋɔi ǹ yɛ inɛ iyi ǹ biu, nɔ ǹ muu n kù jɔ̀ɔ má hee ǹ koo ǹ lɔòɛ inɔ kpasɛ̃, hee inɔ ile tengi bii iyem í so asĩm.

Ezai 44:5

Nɔ inɛ ihɛ̃ á ni, ti Aɔ̃ Lafɛ̃ɛi ǹ jɛ. Inɛ mmu gɔ mɔ á bi a maa kpe nŋu do irii Zakɔbu. Inɛ mmu gɔ mɔ á kɔ si awɔɛ ku ni, ti Aɔ̃ Lafɛ̃ɛ, nɔ irii Izirɛlii aa naa.

Zakari 10:5

Aa yɛi bɛi woo ja igũ ilu gbugbã ŋa. Aa tɛɛsɛ mbɛɛ nŋa ŋai bɛi à ya tɛ pɔtɔgɔ si kpãa. Bɛɛbɛi aa maa ce igũu, domi amu Aɔ̃ Lafɛ̃ɛ ǹ wɛɛ do aŋa. Nɔ masa mbɛɛ ŋau anyɔi á bii ŋa.

Kɔrɛnti 2, 9:13

Amuau á dɔ̃a inɛ ŋa si hee ku jɔ̀ a maa saabu Ilaaɔ̃ do yaase bɛi ì waa jirimaɛ ŋa. Ilaaɔ̃ ku jirima nŋɛi wa nyisi iyi ì dasi laabaau jiidai Kirisi naanɛ ŋa. Nɔ aa nyi a saabuɛ má do yaase bɛi ì ce ikpɛ̃i amani nŋɛ do inɔ akã do aŋa hee do inɛ ŋa iyi à gbe fei.

Wooda ku kɔsi 26:3

Á koo ba woo wee iyi í nɛ icɛ ku ce si waati nŋu bɛi, nɔ ku sɔ̃ɔ ku ni, nnyi ǹ wa n sɔ̃ Aɔ̃ Lafɛ̃ɛɛi iyi ǹ lɔ wa si ilɛ iyi í wãò bala nwa ŋa nŋu ku mu nwau.

Filipi 1:30

Iŋɛ mɔ ì bam ku jabu ŋa si kujabu iyi ì yɛ ǹ ce ŋa wo nɔ ì waa gbɔ ŋa iyi hee nsɛi ǹ wa n mɔsi.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Tɛsalonika 1, 2:12

À mu nŋɛ gbugbã, nɔ à tũ idɔ nŋɛ, nɔ à tɔɔ ŋɛ ntɔ ntɔ i jɔ̀ i maa nɛ ŋa si bɛi á sĩaa Ilaaɔ̃ si, nŋu iyi í kpe ŋɛ si bommaɛ do si amboeɛ.

Tɛsalonika 2, 2:14

Mii iyi Ilaaɔ̃ wa lele mbɛ waati iyi í kpe ŋɛ si laabaau jiidau iyi à sisi nŋɛ, ku ba i nɛ ikpɛ̃ si amboei Lafɛ̃ɛ nwa Jesu Kirisi ŋa.

Timɔtee 1, 1:18

Timɔtee amam, ide iyi ǹ wa n jilɛɛ wee si bɛi à ce waliiɛ wo na iriɛ. Jɔ̀ idei waliiu ku jɛ jĩnɛi igũɛ iyi aa maa jabuò i ceò igũ jiida.

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 1, 4:14

Maà ti i ce atafii si amua iyi í wa siɛ, iyi Hundei Ilaaɔ̃ í muuɛ si waati iyi à ce walii na iriɛ nɔ inɛ ngboi igbɛi Jesu ŋa à leɛ awɔ si iri.

Timɔtee 1, 6:13

Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Timɔtee 1, 6:19

Bɛɛbɛi aa singaa ara nŋa amani jiidai ala iyi kaa bɛjɛ nɔ a ba kuwɛɛ iyi í jɛ kuwɛɛ do ntɔ.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Timɔtee 2, 2:2

Iyi ì gbɔ ǹ wa n fɔ si wajui ilu sɛɛda nkpɔu, daa ilu naanɛ gɔ ŋa mɔ si awɔ, inɛ ŋa iyi aa yɔkɔ a kɔ inɛ gɔ ŋa mɔ si cio.

Timɔtee 2, 4:7

Ǹ jabu jiida, nɔ ǹ sɛi ǹ bɔ hee kɔɔ, nɔ ǹ wa n leekĩ si naanɛ ku dasi dim dim.

Ebɛɛ 13:23

Ǹ bi i mà ŋa iyi à da Timɔtee inɛ nwau hai piisɔ̃ɔ. Bii í to wa ńya, an naaɛ wa bi tu ŋɛ.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Zãa 1, 2:25

Kirisi í ce nwa kuwã. Kuwã iyi í ce nwau, nŋui í jɛ kuwɛɛ hai tã.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.

Kuyɛi Zãa 3:3

Na nŋu, i ye gigii mii iyi à kɔ nŋɛ si do bɛi ì gbɔ ŋa. I jirimaɛ ŋa nɔ i kpaasi idɔ nŋɛ. Bii i kù jĩ hai si iri njoo ŋa, an naa n ba ŋɛ bɛi ile. I kaa mà waati iyi an naa si ŋɛ.

Woo kiiti ŋa 3:2

Aɔ̃ Lafɛ̃ɛ í bi dimii inɛi Izirɛli ŋa iyi à dede wa ŋau mɔ a mà bɛi à ya ce igũ, iyi í re mɔm aŋa iyi a kù màa wo tako.