Timɔtee 1, 6:11 - Bibeli do fee

¹¹ Amma awɔ iyi ì jɛ ti Ilaaɔ̃, saa mii ŋau bɛ fei. Nɔ i lele kpãai dee dee ku jɛ do bɛɛrɛi Ilaaɔ̃ ku mà do naanɛ ku dasi do kubi do temua do daa didɔ̃.

Timɔtee 1, 6:11 Iomraidhean Croise

Ilaalu 1, 13:1

Ŋɔi Ilaaɔ̃ í bɛ walii gɔ bi Zeroboamu hai ilɛi Zudaa. Waliiu í to Betɛli waati iyi Zeroboamu í wa bi kuweeu nɔ wa bi ku jo tuae ŋa.

Ilaalu 1, 13:26

Iyi mɔkɔ ngbo iyi í sinda waliiu wa hai kpãau í gbɔ ideu, ŋɔi í ni, walii iyi kù jirima idei Aɔ̃ Lafɛ̃ɛu mbɛ. Aɔ̃ Lafɛ̃ɛ í soo í daa muusu nla si awɔ í bataɛ í gagagaɛ í kpaa si bɛi Aɔ̃ Lafɛ̃ɛ í sɔ̃ɔu.

Ilaalu 1, 17:18

Ŋɔi abou í sɔ̃ Elii í ni, mii í wa gãmɛi awaɛ, awɔ inɛi Ilaaɔ̃. Kù jɛ ì naa bi tom ku ba i ye Ilaaɔ̃ gigii dulum dom i kpaò amam nii?

Ilaalu 1, 17:24

Ŋɔi abou í sɔ̃ Elii í ni, ǹ mà bɛbɛi iyi awɔ inɛi Ilaaɔ̃i nɔ idei Aɔ̃ Lafɛ̃ɛ iyi wa fita wa hai si gɛlɛɛ ntɔi.

Ilaalu 1, 20:28

Ŋɔi waliii Ilaaɔ̃u í naa í sɔ̃ ilaalui Izirɛliu í ni, Aɔ̃ Lafɛ̃ɛ í ni, si na iyi í jɔ̀ inɛi Siri ŋa à ni amu Lafɛ̃ɛi iri kuta ŋai, n kù jɛ ti lɔɔma ŋa, an so akpɔ nla nla nŋau ihɛ̃ n daaɛ si awɔ ku ba i mà ŋa iyi amui ǹ jɛ Aɔ̃ Lafɛ̃ɛ do ntɔ.

Ilaalu 2, 1:13

Ŋɔi Ahazia í nyi í bɛ siɛ inɛ ngboi sooge ciitaa ŋa isɛ gbɛɛtasia má nŋu do sooge ciitaaɛ ŋa. Inɛ ngbo mɛɛtasiau í koo bi tɛɛ. Iyi í to, ŋɔi í gulɛ si wajui Elii nɔ í sɔ̃ɔ do kurɔ í ni, awɔ inɛi Ilaaɔ̃, ǹ wa n tɔɔɛi, maà kpam nɔ i maà kpa sooge ciitaa woo ce icɛɛ ŋau ihɛ̃.

Ilaalu 2, 1:9

Ŋɔi Ahazia í bɛ sooge ciitaa do inɛ ngbo nŋa í ni a koo a mu Elii wa. Ŋɔi à koo à ba Elii bii wa buba si antaii iri kutau nɔ inɛ ngbo nŋau í sɔ̃ɔ í ni, awɔ inɛi Ilaaɔ̃, ilaalu í ni i kita wa.

Ilaalu 2, 23:17

Ŋɔi Zoziasi í bee ŋa má í ni, kuta yoomai à lɔ ihɔ̃. Ŋɔi inɛi ilu ŋau à jɛaa à ni, balɛi waliii Ilaaɔ̃ iyi í naa hai Zudaa í naa í fɔ mii iyi á na ku ba bi kuweei Betɛliu mbɛ. Ide iyi í fɔ si gãmɛi bi kuweeu, nŋui ì ce bɛ nsɛi.

Ilaalu 2, 5:20

ŋɔi Gehazi woo ce icɛi Elizee waliii Ilaaɔ̃u í fɔ si inɔɛ wa ni, wee Elizee mɛɛtum í cea Naama inɛi Siriu inɔ akã, domi í kɔ̀si amua iyi wa ceaa. Do irii Aɔ̃ Lafɛ̃ɛ fei, an sɛi n da hãmɛi, ku ba n ba siɛ ngɔgɔ wa.

Bomma 1, 23:14

Amma amu ŋa iyi à jɛ ti Moizi inɛi Ilaaɔ̃u, à ka ŋai si tuubai dimii Levii ŋa.

Bomma 2, 8:14

Ŋɔi í jilɛ woo wee ŋau si icɛ nŋa ŋa si bɛi Davidi baaɛ í kpɛ̃ nŋau. Inɛi Levii ŋai à nɛ a maa cĩ Ilaaɔ̃, nɔ à ya maa coo ajɔ fei. Woo degbe anu koofa ŋau mɔ aa ya wa bi gambo ŋaui si yaase bɛi à kpɛ̃ ŋa. Bɛɛbɛi Davidi inɛi Ilaaɔ̃u í jilɔɔ.

Neemi 12:24

Hasabia do Serebia do Zozue amai Kadimiɛli, aŋa inɛ ngboi inɛi Levii ŋau do nyaanze nŋa ŋa à wai cingaai njɛ à waa cɔ njɛ. Aŋai à ya maa kɔ̃ iri a maa saabu Ilaaɔ̃ nɔ a maa cũu, si bɛi Davidi inɛi Ilaaɔ̃u í jilɔɔ.

Neemi 12:36

do nyaanze nŋa ŋa. Si anyii aŋa mɔ, Semaya do Azareɛli do Milalai do Gilalai do Maai do Netaneɛli do Zudaa do Hanani ŋai à waa too ŋa. Inɛ bɛ ŋai à waa mu jĩnɛi ijo ŋa iyi Davidi inɛi Ilaaɔ̃ í jɔ̀ à ce ŋau wa. Nɔ Ɛsidarasi woo kɔ inɛ ŋa si woodau wa cua nŋa.

Iri ku kɔ̃ 34:14

lafɛ̃ɛ ku kãmia amɛ̀ɛ nɔ ku nɔ gɛlɛɛ si ide nfe nfe.

Iri ku kɔ̃ 38:20

Mbɛɛm ŋa à nɛ baani do gbugbã. Inɛ ŋa iyi à cém ngbɛ ngbɛ à kpɔ.

Mɔnda ŋa 15:9

Aɔ̃ Lafɛ̃ɛ í cé kucei inɛ laalɔ ŋa, amma í bi inɛ iyi wa dɛ mii iyi í jɛ dee dee.

Ezai 51:1

Aɔ̃ Lafɛ̃ɛ í ni, i de itĩ i gbɔ idem ŋa, iŋɛ iyi ì waa dɛdɛ dee dee ku jɛ, nɔ ì waa dɛdɛ amu Aɔ̃ Lafɛ̃ɛ ŋa. I jɔ̀ iju nŋɛ ku koo si kuta hai bii à gbe ŋɛ wau do hai si isai kuta hai bii à nya ŋɛ wau.

Zeremi 35:4

Ǹ gbã ŋai ǹ lɔò ŋa kpasɛ̃i Aɔ̃ Lafɛ̃ɛ si akãi inɔ ile iyi í jɛ ti ama inɛmɔkɔi Hanaa ŋa. Hanaau mɔ, amai Igidalia inɛi Ilaaɔ̃i wa jɛ. Ileu í wai kɔkɔi ilei akawe ŋau do ikpa lelei ilei Maaseya amai Salumu iyi wa jɛ woo wee iyi í ya maa cɔ kulɔi inɛ ŋa wa si kpasɛ̃i Aɔ̃ Lafɛ̃ɛu.

Romu 14:19

Na nŋu, ka dɛ mii iyi á naaò laakai ku sũ wa do mii iyi á mu nwa gbugbã si naanɛ ku dasi nwa.

Kɔrɛnti 1, 10:14

Na nŋu kpaasim ŋa, i saa iwɛ̃ ku tɔɔ ŋa.

Kɔrɛnti 1, 14:1

Na nŋu, kubii í sĩa i dɛdɛ ŋa. Nɔ i dɛ amua ŋa iyi Hundei Ilaaɔ̃ wa mu nwa, iyi í re mɔm nŋui í jɛ walii ku ce.

Kɔrɛnti 1, 6:18

I saa adɛi abo ŋa. Kurara iyi amanɛ wa ce fei ci ya má si araɛ, amma inɛ iyi wa ce adɛi abo, arai nŋu takaɛi wa dasi kurara.

Wooda ku kɔsi 16:20

Aa ya too ntɔu ŋai dee dee ku ba i wɛɛ si hunde ŋa nɔ i ba ilɛ iyi Aɔ̃ Lafɛ̃ɛ nŋɛ á mu nŋɛu.

Wooda ku kɔsi 33:1

Moizi inɛi Aɔ̃ Lafɛ̃ɛu, í weea inɛi Izirɛli ŋa hee ku maa ku. Ide ŋa iyi í fɔ í wee nŋa do wee.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 2, 2:21

Na nŋu, inɛ iyi wa nya araɛ hai si laalɔ ŋa iyi ǹ fɔ ideɛu fei, á yɛi bɛi jɛɛ iyi í nɛ bɛɛrɛ. Á jɛ inɛ iyi Ilaaɔ̃ í cica ikã ku jɛ tɛɛ mam mam, nɔ Lafɛ̃ɛ á yɔkɔ ku ceò icɛ si na iyi í jɔ̀ í tã sɔɔlu ku ceò icɛ jiida baa yooma fei.

Timɔtee 2, 2:22

Saa kubi nfe nfei awaasũ ŋa, dɛdɛ kpãai dee dee ku jɛ, do naanɛ ku dasi, do kubi, do laakai ku sũ, awɔ do inɛ ŋa iyi à waa tɔɔ Lafɛ̃ɛ do inɔ akã.

Timɔtee 2, 3:10

Amma awɔ ì mà sãa sãa yaase bɛi ǹ kɔ inɛ ŋa si cio do yaase bɛi ǹ ce isɛɛnɛm bi tu ŋa, do mii ŋa iyi ǹ dasi idɔ n ce, do naanɛ ku dasim, do suurum, do kubim, do temuam.

Timɔtee 2, 3:17

ku ba inɛi Ilaaɔ̃ ku kɔ̃, nɔ ku tã sɔɔlu ku ceò icɛ jiida baa yooma fei.

Ebɛɛ 12:14

I dɛ laakai ku sũ do inɛ fei nɔ i ce kuwɛɛ iyi í má ŋa domi inɛ gɔ kù wɛɛ iyi á yɛ Lafɛ̃ɛ bii kuwɛɛɛ kù má.

Piɛɛ 1, 3:11

Í sĩa ku saa laalɔ nɔ ku ce jiida, í sĩa ku maa dɛ laakai ku sũ waati kãma fei,

Samuɛli 1, 2:27

Ŋɔi walii gɔ í naa bi Elii í sɔ̃ɔ í ni, Aɔ̃ Lafɛ̃ɛ í ni nŋu í tusɛa inɛi kpasɛ̃i balaɛ ŋa arai nŋu bɛi nŋu í yɛ fei waati iyi à wa ilɛi Ezibiti bi Faraɔ̃ à waa jɛ aru. Mà iboi.

Samuɛli 1, 9:6

Ŋɔi woo ce icɛu í jɛaa í ni, waliii Ilaaɔ̃ gɔ í wa inɔ ilu ihɛ̃. Í nɛ bɛɛrɛ nɔ mii iyi í fɔ fei í ya cei dee dee. Ka koo káa yɔɔ, á yɔkɔ ku jɛ á sɔ̃ wa do ikpa bii aa ka dɛdɛò ŋa.