Timɔtee 1, 6:10 - Bibeli do fee

¹⁰ Bɛɛbɛi á ce si na iyi í jɔ̀ kubii fiai í jɛ icãi laalɔ ikã ikã baa yooma fei. Nŋui inɛ gɔ ŋa à lɔsi ku dɛ hee à yaa hai si kpãai naanɛ ku dasi, à baa à dasi ara nŋa si kpãai wahala.

Timɔtee 1, 6:10 Iomraidhean Croise

Kusintii Andunya 29:14

Ŋɔi Labãa í ni, ntɔ ntɔ, awɔ nyaanzem nii, awaɛ fei à jɛ njɛ akã. Ŋɔi Zakɔbu í ce cukpa akã bi Labãa bɛ.

Kusintii Andunya 29:26

Ŋɔi Labãa í ni, si kucei awa a ci ya tako a gba ifɔ abɔdɔ̃ a jɔ̀ igbã.

Kusintii Andunya 34:27

Ŋɔi ama inɛmɔkɔi Zakɔbu ŋa iyi à gbe ŋau à dasi inɔi iku ŋau nɔ à ce ilei mii fei si inɔ iluu, si na iyi í jɔ̀ à bɛjɛ wecĩ nŋa.

Kusintii Andunya 38:16

Si bɛi kù mà mà aboi amai nŋui, ŋɔi í koo í baa itĩ kpãa bii wa bubau nɔ í sɔ̃ɔ í ni, jɔ̀ n naa ileɛ awaɛ ka sũ. Nɔ í jɛaa í ni, mii aa muum.

Ilaalu 1, 2:40

Ŋɔi Simei í dede í dĩa gbankɛlɛɛ gaayi í bɔ Gati bi Akisi aruɛ ŋau ku dɛdɛ wa. Iyi í yɛ ŋa nɔ í baaò ŋa wa.

Ilaalu 2, 5:27

Bɛbɛi siɛi bɔ̃ɔi batai arai Naamau á nyi wa do si tɔkuɛ ŋa hee do ajɔ fei. Ŋɔi Gehazi í fita hai bi Elizee, nɔ araɛ fei í bɔ waasu na bɔ̃ɔi batai arau.

Iri ku kɔ̃ 32:10

Wahalai inɛ laalɔ í ya caai, amma inɛ iyi í dasi Aɔ̃ Lafɛ̃ɛ naanɛ jiida ku jɛɛi í ya kaakoɛ.

Iri ku kɔ̃ 62:10

Ntɔ ntɔ, amai amanɛ ŋa à yɛi bɛi fufu. Amanɛ ŋa ilu ibo ŋai. Si kiloo akãi aŋa fei à ya gũ ajɔ, nɔ à ya fɛlɛi bɛi fufu.

Mɔnda ŋa 1:19

Mii iyi á ba inɛ baa yooma iyi wa dɛ amani do ile mbɛ. Inɛ ŋa iyi à na ara nŋa sii í ya kpa.

Mɔnda ŋa 1:31

Aa ba ribai mii iyi ì gbɛ̃ ŋa, nɔ ribai ikɔ nŋɛ ŋai aa jɛ ŋa.

Mɔnda ŋa 15:27

Inɛ iyi wa bi nŋu ku jɛ ilu amani do kpãa laalɔ á fa laalɔ wa si kpasɛ̃ɛ, amma inɛ iyi ci ya jɛ a raa á ba hunde sisɔ.

Woo lasabu 2:19

Nɔ inɛ kãma kù mà bii inɛ nŋu mɔ á nɛ bisi walakɔ ku jɛ nnyɛi. Do nŋu fei, nŋui á jɛ aranfãanii icɛm ŋau iyi ǹ ce do bisim si andunya. Nɔ nŋu mɔ má ngbɛi.

Ezai 1:23

Inɛ ngboi Zeruzalɛmu ŋa, woo kɔ̀ ide ŋai, nɔ kpaasii ile ŋai. Amua ŋa iyi à sinda lasabu nŋai à ya bi ku gba, nɔ a ci ya kɔ̀ò kɔyɔ ŋa si gãmɛi mii ŋa iyi í nɛ ku jɛ tu ŋa. A ci ya gbɔa jaaɔ̃ ŋa baa bii à waa tɔɔ a sobi aŋa.

Ezai 56:11

Inɛ ŋau aja so n mi ŋai iyi a ci ya yo. Woo degbe ŋai iyi a ci ya gbɔ yaasei nkãma. Aŋa fei à waa too kpãa nŋai, nɔ inɛ fei idei irii nŋu akãɛi wa ce.

Ezekiɛli 13:19

Ì waa bɛjɛ irim ŋai si wajui inɛm ŋa na sɔnda keeke. Ì ya maa sɔa inɛm ŋau ibo ŋai nɔ à ya dasi ŋɛ naanɛ. Ì ya kpa inɛ ŋa iyi i kù nɛ i kpa ŋai nɔ i jɔ̀ inɛ ŋa iyi i kù nɛ i jɔ̀ a wɛɛ ŋa.

Ezekiɛli 16:33

Inaabo à ta icu ŋa fei à ya sã nŋa fiai. Amma awɔ ì ya cea mɔkɔ kaafeɛ ŋa amuai ku ba ì fa ŋa si sakaraɛu hai do bii fei.

Ezekiɛli 22:12

Bi tu ŋɛ, inɛ ŋa à ya gba amua ŋai a bɛi a kpa inɛ gɔ. Inɛ ŋa à ya maa wɛ̃a inɛ ŋa fiai do inyi nɔ a maa dɛ si riba. Inɛ ŋa à ya maa taa kpaasi nŋa ŋa gbugbãi ku ba a ba fia. Amma amu, à ya gbɛjɛ idem nii mam mam. Amu Aɔ̃ Lafɛ̃ɛi ǹ fɔ bɛɛbɛ.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Malasi 1:10

Inɛ akã nŋɛ í nɛ koo cĩmbo gamboi kpasɛ̃m ŋaui wo ku ba i maà naa i koo i maa ko ina si ngbɛ bi ku ce kuweem nɔu ŋa. N kù nɛ inɔ didɔ̃ si ŋɛ, nɔ bɛɛbɛ mɔi kuwee ŋa iyi ì waa ceem ŋa kù waa dɔ̃ɔm si.

Matie 13:22

Inɛ mɔ iyi í gba ideu bɛi si ilɛ ku nɛ agũ ŋau, wa gbɔ ideu amma lasabu bututui mii ŋa iyi wa bitandiɛ do fia ku bi iyi wa dĩ ijuɛ, aŋai à ya ganji ideu ku ce icɛ si inɛɛu.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Matie 6:19

Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do gbugbã a koo a ce ileɛ.

Maaku 4:19

amma lasabu bututui mii ŋa wa bitandi ŋa. Fia ku bi wa dĩ iju nŋa nɔ à nɛ kɔdɛɛi mii nkpɔ. Mii ŋau bɛi wa ganji ideu ku ce icɛ si ŋa.

Wooda ku kɔsi 16:19

I maà ya ce kiitiu do baai a sã nŋɛ ngɔgɔ, nɔ i maà ya na kubi ntɔ ŋa, i maà ya gba amuai inɛ kãma ŋa, domi amua ŋau bɛ í ya jɔ̀ ilu bisi ŋau à fɛɛjui, nɔ ku bɛjɛ idei woo kiiti ŋau.

Wooda ku kɔsi 23:18

Inɛi Izirɛli kãma hai inɛmɔkɔ walakɔ inaabo gɔ ku maà na araɛ si sakara ku ce si waatii kutɔɔ si inɔ kpasɛ̃i Ilaaɔ̃.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Timɔtee 1, 6:21

Kumàui inɛ gɔ ŋa à waa ni aŋa à nɛ, nŋui í jɔ̀ à nyɔ hai si kpãai naanɛ ku dasi. Didɔ̃i Ilaaɔ̃ ku wɛɛ do iŋɛ fei.

Timɔtee 1, 6:9

Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Timɔtee 2, 3:2

Amanɛ ŋa aa maa ce idei iri nŋa, lasabu nŋa fei si fiai á ya wa, aa jɛ woo tɔɔ fufu, aa nyisi iyi aŋa à jɛ ngɔgɔ, aa maa bu Ilaaɔ̃. A kaa jirima baa nŋa ŋa, aa jɛ gudulu ŋa, a kaa mà bɛɛrɛi Ilaaɔ̃.

Timɔtee 2, 4:10

domi Demasi í jɔ̀m í bɔ Tɛsalonika si na iyi í jɔ̀ í bi andunya kaa kaa. Kɛrɛsãa, inɛ nŋu í nɛ ikpa ilɛi Galati nɔ Titee mɔ í nɛ ikpa ilɛi Dalumasi.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Zaaki 5:19

Iŋɛ kpaasim ŋa, bii inɛ gɔ nŋɛ í jĩò ntɔ nɔ kpaasi gɔ í baaɛ wa si kpãai ntɔ,

Zozue 7:21

Si inɔi mii ŋa iyi à ba si igũu ǹ yɛ ibɔ kumboo kusĩa gɔ iyi à ce ilɛi Sinaa, do isɔ fũfũ kpɛkɛlɛ cĩɔ minji, do wura iyi kuwoɛ í to bubui kiloo, ŋɔi binɛm í lɔ si ŋa nɔ ǹ so ŋa. Fei ndɛɛ wa singa inɔ isa si aninii inɔ ilei acɔm bɛ nɔ isɔ fũfũu í wa lɛlɛ nŋa.

Zudu 1:11

Aa yɛ ijuukpã, domi tuubai Kaɛ̃ɛi à waa too, à dasi ara nŋa kurara ku ba a ba fia bɛi Balamu í ce, nɔ à kɔ̀si Ilaaɔ̃ bɛi Kore í ce nɔ à ce nfei ara nŋa.

Kuyɛi Zãa 18:13

A kù waa ra fufui anyii jĩi iyi à ya kpe kanɛli, do nyaui ayɛ do tuae do ikpo ku dɔ̃ inunu iyi à ya kpe miru do ikpo dimi mmu gɔ má, do vɛ̃ɛ do ikpoi olivi do iyafũ do bilee do kɛtɛ ŋa do angudã ŋa, do acĩ do sarɛti nŋa ŋa, do aru ŋa.