Timɔtee 1, 6:1 - Bibeli do fee

¹ Inɛ ŋa iyi à jɛ aru fei í sĩa a doo lafɛ̃ɛ nŋa ŋa ilu jirima ŋa si mii fei, ku ba inɛ gɔ ku maà ba faya ku fɔ taalei irii Ilaaɔ̃ walakɔ kukɔsi nwa.

Timɔtee 1, 6:1 Iomraidhean Croise

Kusintii Andunya 16:9

Ŋɔi amalekai Aɔ̃ Lafɛ̃ɛ í sɔ̃ɔ í ni, sinda i nyi bi lafɛ̃ɛɛ nɔ i koo i sũaa iri ilɛ.

Kusintii Andunya 24:12

Ŋɔi í ni, Aɔ̃ Lafɛ̃ɛ, awɔ iyi ì jɛ Lafɛ̃ɛi Aburahamu lafɛ̃ɛm, ǹ tɔɔɛi, jɔ̀ n ba mii iyi ǹ naa ku dɛ ihɛ̃ nnyi, nɔ i cea Aburahamu lafɛ̃ɛm didɔ̃.

Kusintii Andunya 24:2

Ŋɔi í kpe inɛ ngboi woo ce icɛɛ ŋa, nŋu iyi wa mu amanii kpasɛ̃ɛ fei í sɔ̃ɔ í ni, ǹ wa n tɔɔɛi, dasi awɔɛ si lɛlɛi itãm .

Kusintii Andunya 24:27

Í ni, ǹ wa n saabuɛ Aɔ̃ Lafɛ̃ɛ, Lafɛ̃ɛi Aburahamu, si na iyi í jɔ̀ ì cea lafɛ̃ɛm didɔ̃ do bɔɔcĩi ntɔ ntɔ. Amu takam ì bɔɔm hee si kpasɛ̃i nyaanzei lafɛ̃ɛm ŋa.

Samuɛli 2, 12:14

Amma si bɛi ì yaako Aɔ̃ Lafɛ̃ɛ si daau bɛ iyi ì ce, ama inɛmɔkɔ iyi í bíɛu á kui.

Ilaalu 2, 5:13

Amma woo ce icɛɛ ŋa à sɔ̃ɔ à ni, lafɛ̃ɛ, bii í jɛ waliiu í ni i ce mii iyi í gaabu wo, debɛi i kaa coo? Í ni i koo i wɛ nɔ i maaju, iwoi kugaabuɛ í wa.

Neemi 9:5

Si anyiɛ inɛi Levii gɔ ŋa mɔ à saabu Ilaaɔ̃. Aŋa iyi à saabu Ilaaɔ̃ ŋau wee. Zozue do Kadimiɛli do Bani do Hasabunia do Serebia do Hodiya do Sebania do Petaya. Aŋai à sɔ̃ zamaa à ni a dede a saabu Aɔ̃ Lafɛ̃ɛ nŋau hai nnyi hee do ajɔ fei. Nɔ à ni, Aɔ̃ Lafɛ̃ɛ, jɔ̀ inɛ fei ku saabuɛ, awɔ iyi í nɛ amboe nla nla. Amboeɛu í kpeeò ku fɔ do gɛlɛ.

Ezai 47:6

Idɔm í kɔ̃i wo si inɛm ŋau, nɔ ǹ jɔ̀ anyɔ í mu ŋa. Ǹ so ŋai wo ǹ daaɛ si awɔɛ ŋa. Amma i kù ce araare nŋa baa keeke. Ì jɔ̀ aso kuwo í tɛ mɔkɔ ngbo ntɔ ntɔ.

Ezai 52:5

Ŋɔi Aɔ̃ Lafɛ̃ɛ í ni, to, nsɛi bɛbɛi si ideu ihɛ̃, bɛirei amu mɔ ǹ nɛ n ce, domi wee à mu inɛm ŋa si ngbɛ ngbɛ. Inɛ ŋa iyi à kãmia ŋa à waa kpã ŋa iju ŋau, à nɛ gbugbã ntɔ ntɔ. Nɔ waati bɛɛbɛ, irim í baa í jɛ yaako waati kãma fei.

Ezai 58:6

Dimii anu ku dĩ iyi ǹ bii í jɛ, i fũ inɛ ŋa iyi à kpati do sesee si ngbɛ ngbɛ. Inɛ ŋa mɔ iyi asoi tilasi wa tɛ ŋa, i sɔ ŋa ŋa. Nɔ inɛ ŋa mɔ iyi à waa taa gbugbã, i faaba ŋa ŋa. Mii iyi wa mu lafɛ̃ɛ ŋa aru fei, i leekĩɛ ŋa.

Ezekiɛli 36:20

Si ilɛ mmu bii à to fei, irim í ya bɛjɛi na kurara nŋa. Na nŋu bɛi í jɔ̀ inɛ ŋa à ya maa ni, inɛi Ilaaɔ̃ ŋa mbɛ fa, hai si ilɛɛi à fita wa.

Ezekiɛli 36:23

Iŋɛi ì bɛjɛ bɛɛrɛ nla nlai irim nɔu bi dimi mmu ŋau. Nɔ do nŋu bɛ fei, an nyisi ŋa iyi amui ǹ jɛ Ilaaɔ̃ inɛ kumá. Iŋɛi an so n nyisi ŋaò. Do yaase bɛɛbɛ, inɛ ŋau aa mà iyi amui ǹ jɛ Aɔ̃ Lafɛ̃ɛ. Amu Aɔ̃ Lafɛ̃ɛi ǹ fɔ bɛɛbɛ.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Matie 11:30

Ntɔ ntɔ, zuugum nɔu kù gaabu nɔ aso iyi an kã nŋɛ kù wo.

Matie 11:9

To, mii ì bɔ ku cɔ ŋa. Mà waliii ì bɔ ku cɔ ŋa. Oo, ntɔ ntɔ an sɔ̃ ŋɛ, inɛɛu bɛ í re baa walii.

Luku 17:1

Jesu í sɔ̃ mɔcɔɛ ŋa í ni, kù nɛ bɛi á ce iyi kulɛlɛ iyi á dasi amanɛ laalɔ kù waa ce, amma ijuukpãi á jɛ ti inɛ iyi í naaò wa.

Woo bɛ ŋa 10:22

Nɔ à ni, Kɔɔnɛi, inɛ ngboi sooge ŋai wa dɛdɛɛ. Inɛ dee deei, í ya maa jirima Ilaaɔ̃ nɔ Zuifu ŋa fei à ya maa fɔ jiida ku jɛɛ. Amalekai Ilaaɔ̃ gɔ í sɔ̃ɔ í ni ku kpeɛ bi tɛɛ ku ba ku gbɔ ide iyi aa sɔ̃ɔ.

Woo bɛ ŋa 10:7

Iyi amalekau í baa ide ku fɔ í tã í nɛ, ŋɔi Kɔɔnɛi í kpe inɛ minji gɔ ŋa si inɔi woo ce icɛɛ ŋau. Nɔ si inɔi sooge ŋa iyi à ya wa kɔkɔɛu í kpe inɛ akã gɔ má iyi í mà bɛɛrɛi Ilaaɔ̃.

Woo bɛ ŋa 15:10

Debɛi, na mii í ce ì waa cã idɔi Ilaaɔ̃ nsɛi ŋa, ì waa bi i kãa hai jɛ Zuifu ŋa iyi à waa too kpãai Jesuu aso iyi bala nwa ŋa do awa taka nwa à mɔngɔ ku so.

Romu 2:24

Na irii iŋɛ Zuifu ŋai dimi mmu ŋa à ba à waa fɔò taalei Ilaaɔ̃, si bɛi kukɔi ideɛ wa fɔ.

Kɔrɛnti 1, 10:32

I ce kuwɛɛ nŋɛ do yaase bɛi i kaa dasiò inɛ kãma kurara ŋa, hai Zuifu ŋa do Gɛrɛki ŋa hee do inɛi igbɛi Ilaaɔ̃ ŋa fei.

Galati 5:1

Kirisi í jɔ̀ à nɛ ara nwa ku ba ka nɛ ara nwa do ntɔ. Na nŋu, i leekĩ dim dim ŋa si ara ku nɛ nŋɛ, i maà jɔ̀ i na i jɛ aru má ŋa.

Wooda ku kɔsi 28:48

aa baa i jɛ arui mbɛɛ nŋɛ ŋa iyi Aɔ̃ Lafɛ̃ɛ á jɔ̀ a naa si ŋɛi. Ari do agbɛ á kpa ŋɛ. Aa baa i gbe basĩ, nɔ i kua mii fei ŋa. Aɔ̃ Lafɛ̃ɛ á le nŋɛ zuugui isɔ si kɔngɔ nŋɛ ŋa hee koo ceò nfe nŋɛ mam mam.

Timɔtee 1, 5:14

Na nŋu ŋau bɛi í jɔ̀ ǹ bi jaaɔ̃ saatara ŋa a so mɔkɔ a bí ama, nɔ a dasi kpasɛ̃ nŋa iju jiida, ku ba a maà na a mua mbɛɛ nwa ŋa kpãa a fɔ laalɔ nwa.

Titee 2:5

Nɔ a kɔ ŋa si a mà ara nŋa a jɛ inɛ ŋa iyi aa leekĩ do mɔkɔ nŋa ŋa a maa ce icɛi abo à so mɔkɔ nŋa, a jɛ inɛ jiida ŋa iyi aa sũa mɔkɔ nŋa ŋa iri ilɛ. Iyi bɛi á jɔ̀ inɛ gɔ kaa yɔkɔ ku fɔ laalɔi idei Ilaaɔ̃ na iri nŋa.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 3:16

Amma i jɛ nŋa do ide didɔ̃ do bɛɛrɛ. I jɔ̀ idɔ nŋɛ ku maa má ku ba bii à waa má ŋɛ ide si isɛɛnɛ jiida nŋɛ iyi wa naa hai bi Kirisi, anyɔ ku mu ŋa si ideu.